latest update - DNA मराठी

Rahul Gandhi on Gyanesh Kumar : निवडणूक आयोगावर राहुल गांधींचा हल्लाबोल; CEC ज्ञानेश कुमार यांच्या राजीनाम्याची मागणी

Leave a Comment / ट्रेंडिंग, ताज्या बातम्या, राजकीय, हायलाईट / dnamarathi.com

Rahul Gandhi on Gyanesh Kumar : निवडणूक आयोगाच्या कामकाजावरून काँग्रेस आणि विरोधक केंद्र सरकारविरुद्ध आक्रमक झाले आहे. लोकसभेतील विरोधी पक्षनेते राहुल गांधी यांनी मुख्य निवडणूक आयुक्त (CEC) ज्ञानेश कुमार यांच्या राजीनाम्याची मागणी केली आहे. निवडणूक आयोगातील दोन निवडणूक आयुक्तांनी काही निर्णयांवर आक्षेप घेतल्याच्या वृत्तानंतर राहुल गांधी यांनी पत्रकार परिषद घेऊन आयोगाच्या कार्यपद्धतीवर गंभीर प्रश्न उपस्थित केले. निवडणूक आयोगातील मतभेदांच्या वृत्ताने राजकीय वातावरण तापले या वादाच्या केंद्रस्थानी विशेष मतदारयादी पुनरावलोकन (Special Intensive Revision – SIR) हा मुद्दा आहे. ‘द इंडियन एक्स्प्रेस’ने दिलेल्या वृत्तानुसार, निवडणूक आयुक्त सुखबीर सिंह संधू आणि विवेक जोशी यांनी मागील सुमारे 10 महिन्यांत मतदारयादी आणि संबंधित निर्णयांबाबत किमान 14 वेळा आक्षेप नोंदवल्याचे सांगण्यात आले. या वृत्तानंतर विरोधकांनी निवडणूक आयोगाच्या अंतर्गत कामकाजावर प्रश्न उपस्थित केले. राहुल गांधी यांनी याच मुद्द्यावरून मुख्य निवडणूक आयुक्त ज्ञानेश कुमार यांच्यावर थेट निशाणा साधला. त्यांनी कुमार यांनी पदाचा राजीनामा द्यावा, अशी मागणी केली. तसेच, आयोगातील दोन आयुक्तांनी आपले मतभेद व्यक्त केल्याबद्दल त्यांचे कौतुक केले. ‘लोकशाही नष्ट होऊ देणार नाही’, राहुल गांधींचा इशारा पत्रकार परिषदेत राहुल गांधी यांनी निवडणूक प्रक्रियेबाबत चिंता व्यक्त करताना, “लोकशाही नष्ट होत असताना आम्ही गप्प बसणार नाही,” अशी भूमिका मांडली. त्यांच्या मते निवडणूक प्रक्रिया आणि मतदारांच्या हक्कांचे संरक्षण करणे ही निवडणूक आयोगाची मूलभूत जबाबदारी आहे. राहुल गांधी यांनी ज्ञानेश कुमार यांनी राजीनामा द्यावा किंवा या संपूर्ण प्रकरणातील माहिती सार्वजनिक करून ‘सरकारी साक्षीदार’ (approver) बनावे, असे आवाहन केले. हे पाऊल देशहिताचे ठरेल, असा दावा त्यांनी केला. SIR च्या मुद्द्यावरून वाद मतदारयाद्यांच्या विशेष पुनरावलोकन प्रक्रियेला सध्या राजकीय वादाचे स्वरूप आले आहे. मतदारांच्या नावांची नोंद, नावांची वगळणी, मतदार नोंदणी आणि मतदारांच्या डेटाच्या व्यवस्थापनाशी संबंधित निर्णयांवर निवडणूक आयोगातील अंतर्गत चर्चांमध्ये प्रश्न उपस्थित झाल्याचे वृत्त आहे. मात्र, या आरोपांच्या पार्श्वभूमीवर निवडणूक आयोगाने आपली भूमिका स्पष्ट केली आहे. आयोगाच्या म्हणण्यानुसार, विविध मुद्द्यांवर अंतर्गत चर्चा आणि वेगवेगळी मते मांडली जाणे हा निर्णय प्रक्रियेचा भाग आहे. अंतिम निर्णय मात्र तिन्ही निवडणूक आयुक्तांच्या सहमतीने घेण्यात आले असून SIR सह आयोगाचे निर्णय एकमताने झाले असल्याचे आयोगाने सांगितले आहे. काँग्रेसकडून गंभीर आरोप राहुल गांधी यांनी पत्रकार परिषदेत पंतप्रधान नरेंद्र मोदी आणि केंद्रीय गृहमंत्री अमित शाह यांच्यावरही निवडणूक प्रक्रियेबाबत गंभीर आरोप केले. त्यांनी भाजप दीर्घकाळ सत्तेत राहण्याबाबत केलेल्या काही सार्वजनिक वक्तव्यांचा संदर्भ देत त्यावर प्रश्न उपस्थित केले. मात्र, हे राहुल गांधी यांनी केलेले राजकीय आरोप आहेत; त्यांना स्वतंत्रपणे सिद्ध झालेले तथ्य म्हणून मांडता येत नाही. राहुल गांधी यांनी निवडणुकांमध्ये कथित अनियमिततेसंदर्भात आपल्याकडे पुरेशी माहिती असल्याचा दावा केला आणि या प्रकरणात पुढे गंभीर राजकीय व कायदेशीर परिणाम होऊ शकतात, असेही म्हटले. विरोधकांकडून पुढील कारवाईची तयारी? या वादाच्या पार्श्वभूमीवर विरोधी पक्षांकडून मुख्य निवडणूक आयुक्तांच्या पदावरून हटवण्याच्या प्रक्रियेबाबत पुन्हा चर्चा सुरू असल्याचे वृत्त आहे. यापूर्वीही अशा प्रकारची नोटीस देण्याचा प्रयत्न झाल्याचे आणि पुढील कारवाईसाठी विरोधी पक्षांमध्ये चर्चा सुरू असल्याचे वृत्त आहे. दरम्यान, या प्रकरणावर भाजपने राहुल गांधींच्या आरोपांना विरोध केला आहे. भाजपकडून निवडणूक आयोगाचे निर्णय एकमताने झाल्याचा मुद्दा मांडण्यात आला असून काँग्रेसच्या निवडणूक कामगिरीच्या पार्श्वभूमीवर राहुल गांधींच्या आरोपांवर प्रश्न उपस्थित करण्यात आले आहेत. निवडणूक आयोगाची भूमिका काय? या संपूर्ण वादात दोन वेगवेगळ्या भूमिका समोर येत आहेत. एका बाजूला, निवडणूक आयोगातील दोन आयुक्तांनी विविध मुद्द्यांवर आक्षेप नोंदवल्याचा वृत्तांत समोर आला आहे. दुसऱ्या बाजूला, आयोगाने हे आक्षेप आणि अंतर्गत चर्चा ही नियमित निर्णय प्रक्रियेचा भाग असल्याचे सांगत अंतिम निर्णय सर्व आयुक्तांच्या संमतीने झाल्याचे स्पष्ट केले आहे. त्यामुळे या मतभेदांचा अंतिम निर्णयांवर प्रत्यक्ष परिणाम झाला का, हा सध्याच्या वादातील महत्त्वाचा मुद्दा आहे.

Rahul Gandhi on Gyanesh Kumar : निवडणूक आयोगावर राहुल गांधींचा हल्लाबोल; CEC ज्ञानेश कुमार यांच्या राजीनाम्याची मागणी Read More »

Rohit Pawar on Ram Shinde: जनताच त्यांची मस्ती जिरवाल…नामौललेख टाळत रोहित पवार यांचा राम शिंदेंवर निशाणा

Leave a Comment / ट्रेंडिंग, ताज्या बातम्या, राजकीय, हायलाईट / dnamarathi.com

Rohit Pawar on Ram Shinde : जिल्हा बँक निवडणूक ही येणाऱ्या काळात पार पडणार आहे. त्या अनुषंगाने विधान परिषदेचे सभापती राम शिंदे यांनी देखील निवडणुकीसाठी जोर लावला असून यावरती रोहित पवार यांनी भाष्य केले. ते म्हणाले मतदार संघात त्यांच्याकडे पद असून त्यांना काही एक काम करता आले नाही निवडणुकीचा विषय आला की ते फिरू लागतात मात्र त्यांना उभे राहता येणार नाही आपल्याकडे एवढे मोठे पद असून आपण त्या पदाचा वापर जनतेसाठी करावा असा टोला रोहित पवार यांनी लगावला पुढे बोलताना रोहित पवार म्हणाले, सारखं सारखं स्वतःलाच सगळं काही भेटले पाहिजे यासाठी ते फिरतायत निवडणुकीमध्ये आपल्याला विजय मिळवण्यासाठी ते फिरतायत मात्र जनतेला हे समजलं आहे त्यांची जिरवल्याशिवाय जनता शांत बसणार नाही अशा शब्दात रोहित पवार यांनी राम शिंदे यांच्या वतीने जोरदार निशाणा साधला जेव्हा कांद्याला भाव मिळत नव्हता तेव्हा हे निवांत मस्ती करत होते हेलिकॉप्टरने फिरत होते तसेच सरकारकडून शेतकऱ्यांसाठी अन्यायकारक कर्जमाफीची घोषणा झाली तेव्हा आम्ही आंदोलनाला बसलो त्यावेळेस आमची चेष्टा मस्करी केली मात्र मुख्यमंत्र्यांनी आमच्या मागण्या मान्य केल्या त्यानंतर शेतकऱ्यांबाबत त्यांनी जगाचा काठी टाकल्या होत्या. त्या देखील मागे घेतल्या यावरूनच तुमचं वजन काय हे समजतं तुम्हाला महत्व का दिला जातं तर तुम्ही केवळ कर्जत जामखेडमध्ये रोहित पवार यांच्या विरोधात लढतात त्यामुळे तुम्हाला ताकद दिली आहे मात्र आम्हाला सर्वसामान्य लोकांनी ताकद दिली आहे म्हणून आम्ही त्यांचे प्रश्न मांडू शकतो. तुम्हाला रोहित पवारांना थांबवण्यासाठी पद दिला आहे मात्र किती दिवस ते पद घेऊन मिरवणार आहे मात्र त्या पदापेक्षा सर्वसामान्यांसाठी सामान्य लोकांसाठी त्यांनी काम केलं पाहिजे असं आमचं मत आहे असे शब्दात आमदार रोहित पवार यांनी विधान परिषदेचे सभापती राम शिंदे यांचा खरपूस समाचार घेतला.

Rohit Pawar on Ram Shinde: जनताच त्यांची मस्ती जिरवाल…नामौललेख टाळत रोहित पवार यांचा राम शिंदेंवर निशाणा Read More »

Gondhal Movie : ‘गोंधळ’ ची 99व्या अकादमी पुरस्कारांसाठी भारताची अधिकृत प्रवेशिका म्हणून निवड

Leave a Comment / ट्रेंडिंग, ताज्या बातम्या, मनोरंजन, हायलाईट / dnamarathi.com

Gondhal Movie : अकरा वर्षांपूर्वी ‘कोर्ट’ या मराठी चित्रपटाला भारताची अधिकृत ऑस्कर प्रवेशिका म्हणून निवडले गेले होते. त्यानंतर आता ‘गोंधळ’च्या रूपाने पुन्हा एकदा महाराष्ट्राला आणि मराठी चित्रपटसृष्टीला ऑस्करच्या व्यासपीठावर भारताचे प्रतिनिधित्व करण्याचा बहुमान मिळाला आहे. हा क्षण आमच्यासाठी अत्यंत अभिमानाचा, भावनिक आणि ऐतिहासिक आहे. ‘डोरोथी’, ‘बालन’, ‘बायसन’, ‘अंग’, ‘मैं वापस आऊंगा’, ‘धुरंधर -१, ‘धुरंधर -२ ’, ‘इक्कीस’, ‘बॉर्डर २’, ‘देऊळबंद २’ आणि ‘द शेप ऑफ मोमो’ यांसारखे विविध भाषांतील अनेक दर्जेदार आणि चर्चित चित्रपट भारताच्या अधिकृत ऑस्कर प्रवेशाच्या शर्यतीत होते. काही चित्रपटांना आंतरराष्ट्रीय महोत्सवांची पार्श्वभूमी होती, तर ‘धुरंधर’सारख्या चित्रपटांमागे भव्य निर्मितीमूल्य, मोठे कलाकार आणि प्रचंड व्यावसायिक ताकद होती. या विविध आणि तगड्या स्पर्धेत महाराष्ट्राच्या जिवंत सांस्कृतिक परंपरेचे प्रभावी सिनेमॅटिक दर्शन घडवणाऱ्या मराठी ‘गोंधळ’ची निवड झाली आणि भारताचे अधिकृत ऑस्कर प्रतिनिधित्व करण्याचा ऐतिहासिक मान चित्रपटाला मिळाला. ‘गोंधळ’चा मूळ गाभा भारतीय मातीतला असला, तरी चित्रपटाची सिनेमॅटिक भाषा, तांत्रिक गुणवत्ता आणि निर्मितीमूल्ये आंतरराष्ट्रीय दर्जाची आहेत. त्यामुळे जागतिक स्पर्धेत हा चित्रपट प्रभावीपणे उभा राहू शकतो, याबद्दल आम्हाला पूर्ण विश्वास आहे. भारताचे प्रतिनिधित्व करताना आवश्यक असलेली संपूर्ण मेहनत, ताकद आणि साधने आम्ही या अभियानासाठी लावणार आहोत. आमच्या चित्रपटावर विश्वास दाखवल्याबद्दल भारत सरकार, फिल्म फेडरेशन ऑफ इंडिया आणि एफएफआयच्या निवड समितीतील सर्व मान्यवर ज्युरी सदस्यांचे आम्ही मनःपूर्वक आभार मानतो. अनेक मोठ्या आणि दर्जेदार चित्रपटांमधून ज्युरीने ‘गोंधळ’ची निवड केली, ही आमच्यासाठी सन्मानासोबतच एक मोठी राष्ट्रीय जबाबदारी आहे. लहानपणापासून ऑलिम्पिकमध्ये भारताचे प्रतिनिधित्व करणाऱ्या खेळाडूंकडे आम्ही अपार अभिमानाने पाहात आलो आहोत. आज ‘गोंधळ’च्या माध्यमातून जागतिक व्यासपीठावर भारताचे प्रतिनिधित्व करण्याची जबाबदारी आमच्यावर आली आहे, तेव्हा मनात अगदी तशीच भावना आहे. हा केवळ एका चित्रपटाचा गौरव नाही, भारतीय संस्कृती, महाराष्ट्राची जिवंत लोकपरंपरा आणि आपल्या मातीतून जन्मलेल्या कथेला मिळालेला राष्ट्रीय सन्मान आहे. या सर्वोच्च सन्मानाविषयी बोलताना सर्वप्रथम माझ्या डोळ्यांसमोर ‘गोंधळ’ची संपूर्ण टीम उभी राहते. प्रत्येक कलाकार, तंत्रज्ञ आणि सहकाऱ्याने प्रामाणिकपणे, व्यावसायिक निष्ठेने आणि जिवापाड मेहनत घेऊन हा चित्रपट उभा केला. त्यामुळे या यशाचे श्रेय माझ्या एकट्याचे नसून संपूर्ण ‘गोंधळ’ परिवाराचे आहे. सध्या आम्ही सर्वजण वेगवेगळ्या ठिकाणी असलो, तरी येत्या दोन-तीन दिवसांत संपूर्ण टीम एकत्र येऊन या ऐतिहासिक क्षणाचा आनंद साजरा करणार आहोत. माझ्या कुटुंबीयांनी माझ्यावर आणि या स्वप्नावर अखंड विश्वास ठेवला. आमच्या इतर कंपन्यांतील संचालक, अधिकारी आणि प्रत्येक स्तरावरील सहकाऱ्यांनी आपापल्या जबाबदाऱ्या समर्थपणे सांभाळल्या. त्यांनी व्यावसायिक कामकाजाची जबाबदारी स्वीकारल्यामुळे मला पूर्ण एकाग्रतेने चित्रपटनिर्मितीकडे लक्ष देता आले. उत्तम टीम, कुटुंबाचा विश्वास आणि सर्व सहकाऱ्यांच्या भक्कम पाठबळामुळेच हा प्रवास शक्य झाला. चित्रपट प्रदर्शित होण्यापूर्वीपासूनच आम्ही एक गोष्ट ठामपणे सांगत आलो आहोत, ‘गोंधळ’ची तुलना केवळ प्रादेशिक चित्रपटांशी न करता जगातील सर्वोत्तम आंतरराष्ट्रीय चित्रपटांशी व्हावी. आज एफएफआयच्या ज्युरीने ‘गोंधळ’वर दाखवलेला विश्वास आमच्या त्या भूमिकेला आणखी बळ देणारा आहे. ९९व्या अकादमी पुरस्कारांसाठीचे आमचे आंतरराष्ट्रीय अभियान लवकरच सुरू होत आहे. त्यासाठी नियोजनबद्ध, सक्षम आणि प्रभावी रोडमॅप तयार करण्यात आला आहे. भारताचे प्रतिनिधित्व जागतिक स्तरावर अत्यंत ताकदीने, प्रतिष्ठेने आणि जबाबदारीने करण्यासाठी आमची संपूर्ण टीम सज्ज आहे. ‘गोंधळ’ पाच वेगवेगळ्या भारतीय भाषांमध्ये प्रदर्शनासाठी तयार आहे. त्याचबरोबर चित्रपटाच्या जागतिक प्रदर्शनाचेही नियोजन करण्यात आले आहे. भारतातील आणि जगभरातील प्रदर्शनाच्या तारखा आम्ही लवकरच अधिकृतपणे जाहीर करू. हा चित्रपट त्याची भव्य दृश्यभाषा, जिवंत ध्वनी आणि प्रभावी सिनेमॅटिक अनुभूती यांमुळे मोठ्या पडद्यावरच पाहण्यासारखा आहे. त्यामुळे प्रेक्षकांनी कोणत्याही अनधिकृत किंवा पायरेटेड प्रतीवर अवलंबून न राहता ‘गोंधळ’ चित्रपटगृहातच अनुभवावा. ‘गोंधळ’ मर्यादित कालावधीसाठी प्रदर्शित केला जाणार आहे. प्रत्येक भारतीयाने हा चित्रपट स्वतः पाहावा, आपल्या कुटुंबीयांना व मित्रांना पाहण्यासाठी प्रोत्साहित करावे आणि भारताच्या या ऑस्कर प्रवासाचा अभिमानाने भाग व्हावे, असे आम्ही नम्र आवाहन करतो. प्रेक्षकांचा प्रत्येक प्रतिसाद आणि प्रत्येक तिकीट भारताच्या ऑस्कर अभियानाला अधिक बळ देईल, अशी भावना ‘गोंधळ’चे लेखक, दिग्दर्शक आणि निर्माता संतोष डावखर यांनी व्यक्त केली आहे.

Gondhal Movie : ‘गोंधळ’ ची 99व्या अकादमी पुरस्कारांसाठी भारताची अधिकृत प्रवेशिका म्हणून निवड Read More »

Sanjay Shirsat on Uddhav Thackeray : ‘लाज, लज्जा, शरम’ या गोष्टी उद्धव ठाकरेंनी बोलू नये

Leave a Comment / ट्रेंडिंग, ताज्या बातम्या, राजकीय, हायलाईट / dnamarathi.com

Sanjay Shirsat on Uddhav Thackeray: ‘लाज, लज्जा, शरम’ या गोष्टी उद्धव ठाकरेंनी बोलू नयेत. अडीच वर्षांच्या त्यांच्या कार्यकाळात त्यांनी काय केले, हे जनतेने पाहिले आहे अशी टीका संजय शिरसाट यांनी माध्यमांशी बोलताना केली. ‘तुमसे ना हो पा येगा’ या कार्यक्रमात बोलताना शिवसेना उबाठा प्रमुख उद्धव ठाकरे यांनी शेतकऱ्यांना मदत करण्याचे तसेच राज्यात दुष्काळ घोषित करण्याची मागणी केली होती. यावर आज माध्यमांशी बोलताना संजय शिरसाट यांनी उद्धव ठाकरेंवर जोरदार हल्लाबोल केला आहे. माध्यमांशी बोलताना संजय शिरसाट म्हणाले, दुष्काळाच्या पार्श्वभूमीवर सरकारने पूर्वतयारी केली आहे. सर्व यंत्रणांनी आढावा घेण्यास सुरुवात केली आहे. केंद्राची मदत घेताना त्यासाठी ठराविक तारीख आणि निकष पाळावे लागतात. सरकारला मदत जाहीर करण्यात कोणतीही अडचण नाही. मात्र, ती तात्पुरती मदत ठरेल. केंद्राकडून भरीव मदत मिळाली तर शेतकऱ्यांना काही प्रमाणात दिलासा मिळेल असं संजय शिरसाट म्हणाले. पुढे बोलताना ते म्हणाले की, ‘लाज, लज्जा, शरम’ या गोष्टी उद्धव ठाकरेंनी बोलू नयेत. अडीच वर्षांच्या त्यांच्या कार्यकाळात त्यांनी काय केले, हे जनतेने पाहिले आहे. कुठलेही डायलॉग मारू नका. काल आंदोलन केले, त्याला पाठिंबा देण्यासाठी किती लोक आले, हेही पाहिले. आम्ही शेतकऱ्यांच्या हिताचे सर्व निर्णय घेऊ. तर यावेळी त्यांनी शरद पवार यांच्याकडून करण्यात आलेल्या दुष्काळ मागणीवर देखील प्रतिक्रिया दिली. शरद पवार साहेबांनी जी मागणी केली आहे, तीच मागणी गेल्या कॅबिनेट बैठकीत आम्ही सर्व मंत्र्यांनी केली आहे. कॅबिनेटमध्ये यावर सविस्तर चर्चा झाली असून, मुख्यमंत्र्यांनी उपाययोजनांबाबत माहिती दिली आहे. यंत्रणा कामाला लागली आहे. अशीच परिस्थिती राहिली तर मराठवाडा आणि विदर्भात भीषण दुष्काळ पडण्याची शक्यता आहे. मात्र, सरकार लवकरच दुष्काळ जाहीर करेल, असे वातावरण आहे. सरकार या परिस्थितीकडे गांभीर्याने पाहत आहे.

Sanjay Shirsat on Uddhav Thackeray : ‘लाज, लज्जा, शरम’ या गोष्टी उद्धव ठाकरेंनी बोलू नये Read More »

Pune Crime : येरवड्यात देहव्यवसायाच्या रॅकेटचा पर्दाफाश; दोन महिलांची सुटका, दोघांना अटक

Leave a Comment / क्राईम, ट्रेंडिंग, ताज्या बातम्या, हायलाईट / dnamarathi.com

Pune Crime : पुण्यातील येरवडा परिसरात ऑनलाइन माध्यमातून ग्राहक शोधून देहव्यवसाय चालविल्याचा धक्कादायक प्रकार समोर आला आहे. येरवडा पोलिसांनी कारवाई करत कथित देहव्यवसायाच्या रॅकेटचा पर्दाफाश केला. या कारवाईत दोन महिलांची सुटका करण्यात आली असून, दोन संशयित आरोपींना अटक करण्यात आली आहे. पोलिसांना येरवडा परिसरातील एका खासगी हॉटेलमध्ये महिलांना ठेवून देहव्यवसाय चालविला जात असल्याची माहिती मिळाली होती. या माहितीची खातरजमा करण्यासाठी पोलिसांनी नियोजनबद्ध पद्धतीने तपास सुरू केला. त्यानंतर बनावट ग्राहकाच्या माध्यमातून आरोपींशी संपर्क साधण्यात आला. ऑनलाइन माध्यमातून ग्राहक शोधल्याचा आरोप पोलिसांच्या माहितीनुसार, संबंधित व्यक्तींकडून फोन तसेच ऑनलाइन बुकिंगच्या माध्यमातून ग्राहकांशी संपर्क साधला जात होता. ग्राहकांकडून पैसे घेतल्यानंतर महिलांची भेट घडवून आणली जात असल्याचा आरोप आहे. ऑनलाइन माध्यमांचा वापर करून ग्राहकांपर्यंत पोहोचण्याची पद्धत वापरली जात असल्याची माहिती मिळाल्यानंतर पोलिसांनी या रॅकेटवर लक्ष ठेवले. माहितीची खात्री झाल्यानंतर पोलिसांनी पुढील कारवाईचे नियोजन केले. बनावट ग्राहकाच्या माध्यमातून पोलिसांची कारवाई या प्रकरणात पोलिसांनी बनावट ग्राहकाचा वापर करून आरोपींशी संपर्क साधला. व्यवहाराची खात्री झाल्यानंतर पोलिसांनी संबंधित ठिकाणी छापा टाकला. छाप्यादरम्यान पोलिसांच्या ताब्यात असलेल्या दोन महिलांची सुटका करण्यात आली. तसेच या प्रकरणात सहभागी असल्याच्या संशयावरून दोन जणांना अटक करण्यात आली. राज राजेशाम सविता आणि सुनील शिवाजी शिंदे अशी अटक करण्यात आलेल्या आरोपींची नावे असल्याचे वृत्त आहे. दबावाखाली देहव्यवसाय? या प्रकरणातील आणखी एक महत्त्वाचा मुद्दा म्हणजे सुटका करण्यात आलेल्या महिलांना दबाव किंवा अन्य कोणत्याही प्रकारे या व्यवसायात ढकलण्यात आले होते का, याचा पोलीस तपास करत आहेत. पोलिसांकडून महिलांचे जबाब नोंदविण्याची प्रक्रिया तसेच आरोपींच्या संपर्कातील व्यक्तींची माहिती गोळा केली जात आहे. या रॅकेटमध्ये आणखी कोणाचा सहभाग आहे का, याचाही शोध घेतला जात आहे. तर दुसरीकडे या प्रकरणी येरवडा पोलीस ठाण्यात अनैतिक व्यापार प्रतिबंधक कायद्यानुसार (Immoral Traffic (Prevention) Act) गुन्हा दाखल करण्यात आला आहे.पोलिसांच्या तपासात आरोपी ऑनलाइन माध्यमातून ग्राहकांशी कशा पद्धतीने संपर्क साधत होते, पैशांचे व्यवहार कसे केले जात होते आणि महिलांना हॉटेलपर्यंत कशा प्रकारे आणले जात होते, याची माहिती घेतली जात आहे. रॅकेटमध्ये आणखी किती जण सहभागी? दोन आरोपींना अटक झाल्यानंतर आता या संपूर्ण प्रकरणाची व्याप्ती तपासण्याचे पोलिसांसमोर आव्हान आहे. आरोपींच्या मोबाईल फोनमधील माहिती, ऑनलाइन बुकिंगशी संबंधित तपशील, संपर्क क्रमांक आणि आर्थिक व्यवहार यांची तपासणी केली जाऊ शकते.या रॅकेटमध्ये आणखी व्यक्ती सहभागी होत्या का, इतर ठिकाणीही अशाच प्रकारे व्यवहार सुरू होते का आणि यापूर्वी किती महिलांना या पद्धतीने ग्राहकांसमोर आणण्यात आले, याचा तपासही सुरू आहे. दरम्यान, पुणे शहरात देहव्यवसायाच्या कथित रॅकेटविरोधात पोलिसांकडून अलीकडच्या काळात कारवाया करण्यात आल्या आहेत. यापूर्वीही विविध भागांतील लॉज आणि हॉटेलवर छापे टाकून महिलांची सुटका करण्यात आली आहे. यामुळे हॉटेल, लॉज किंवा ऑनलाइन माध्यमांचा वापर करून चालणाऱ्या अशा बेकायदेशीर व्यवसायांवर पोलिसांचे लक्ष असल्याचे दिसून येत आहे. येरवडा पोलिसांनी दोन आरोपींना अटक केल्यानंतर आता त्यांच्या चौकशीतून या प्रकरणातील इतर धागेदोरे मिळतात का, याचा तपास सुरू केला आहे. ऑनलाइन व्यवहार, ग्राहकांशी संपर्क आणि आरोपींच्या नेटवर्कची माहिती तपासली जात आहे.

Pune Crime : येरवड्यात देहव्यवसायाच्या रॅकेटचा पर्दाफाश; दोन महिलांची सुटका, दोघांना अटक Read More »

Supriya Sule on Disha Salian Case : दिशा सालियन प्रकरणात CBI ची FIR; सुप्रिया सुळे म्हणाल्या, ‘आश्चर्य वाटतंय…’

Leave a Comment / ट्रेंडिंग, ताज्या बातम्या, राजकीय, हायलाईट / dnamarathi.com

Supriya Sule on Disha Salian Case : दिवंगत अभिनेता सुशांत सिंह राजपूत यांची माजी मॅनेजर दिशा सालियन यांच्या मृत्यू प्रकरणाला तब्बल सहा वर्षांनंतर पुन्हा एकदा वेगळे वळण मिळाले आहे. मुंबई उच्च न्यायालयाच्या निर्देशानंतर केंद्रीय अन्वेषण विभागाने (CBI) दिशा सालियन मृत्यू प्रकरणात FIR दाखल केली आहे. या कारवाईनंतर महाराष्ट्राच्या राजकारणातही आरोप-प्रत्यारोपांना सुरुवात झाली असून राष्ट्रवादी काँग्रेस (शरदचंद्र पवार) पक्षाच्या नेत्या सुप्रिया सुळे यांनी या प्रकरणावर प्रश्न उपस्थित केले आहेत. दिशा सालियन यांच्या मृत्यूची घटना जून 2020 मध्ये घडली होती. त्यानंतर या प्रकरणाची दीर्घकाळ चर्चा झाली. आता CBI कडे तपास गेल्यानंतर प्रकरण पुन्हा चर्चेच्या केंद्रस्थानी आले आहे. सुप्रिया सुळेंना नेमकं आश्चर्य कशाचं? CBI ने FIR दाखल केल्यानंतर सुप्रिया सुळे यांनी या घडामोडीवर प्रतिक्रिया दिली. या प्रकरणात यापूर्वी तपास करण्यात आला होता आणि त्यानंतर आता पुन्हा CBI मार्फत FIR दाखल होत असल्याबद्दल त्यांनी आश्चर्य व्यक्त केले. एखाद्या प्रकरणात आधी तपास करून ते बंद करण्यात आले असेल, तर पुन्हा त्याच प्रकरणात नव्याने FIR आणि तपास का सुरू झाला, हा प्रश्न उपस्थित होतो, असं सुप्रिया सुळे म्हणाल्या. तसेच सुळे यांनी केंद्रीय तपास यंत्रणांच्या वापराबाबतही प्रश्न उपस्थित केले. या प्रकरणामागे राजकीय हेतू असण्याची शक्यता पूर्णपणे नाकारता येत नाही, अशी भूमिकाही त्यांनी मांडली. मात्र, तपासातून सत्य समोर आले पाहिजे, यावर त्यांनी भर दिला. दिशा सालियन प्रकरण पुन्हा चर्चेत का? दिशा सालियन या मनोरंजन क्षेत्रात मॅनेजर म्हणून काम करत होत्या. 8 जून 2020 रोजी मुंबईतील मालाड परिसरातील एका इमारतीवरून पडून त्यांचा मृत्यू झाला होता. त्यावेळी या घटनेची नोंद अपघाती मृत्यू म्हणून करण्यात आली होती. दिशा यांच्या मृत्यूनंतर अवघ्या काही दिवसांनी, 14 जून 2020 रोजी अभिनेता सुशांत सिंह राजपूत यांचा मृत्यू झाला होता.दिशा सालियन यांचे वडील सतीश सालियन यांनी मुलीच्या मृत्यूबाबत गंभीर प्रश्न उपस्थित करत न्यायालयात धाव घेतली होती. त्यांच्या तक्रारी आणि आरोपांच्या पार्श्वभूमीवर प्रकरणाची नव्याने चौकशी करण्याची मागणी पुढे आली. या प्रकरणात FIR दाखल करण्यात विलंब झाल्याबाबत मुंबई उच्च न्यायालयानेही प्रश्न उपस्थित केले होते. अखेर न्यायालयाच्या निर्देशानंतर तपास CBI कडे देण्याचा मार्ग मोकळा झाला आणि आता केंद्रीय तपास यंत्रणेने FIR नोंदवली आहे. FIR मध्ये कोणकोणाची नावे चर्चेत? CBI च्या ताज्या कारवाईनंतर या प्रकरणात काही राजकीय आणि मनोरंजन क्षेत्रातील व्यक्तींची नावे चर्चेत आली आहेत. त्यात शिवसेना (UBT) नेते आदित्य ठाकरे यांच्यासह काही अन्य व्यक्तींच्या नावांचा उल्लेख विविध वृत्तांमध्ये करण्यात आला आहे.

Supriya Sule on Disha Salian Case : दिशा सालियन प्रकरणात CBI ची FIR; सुप्रिया सुळे म्हणाल्या, ‘आश्चर्य वाटतंय…’ Read More »

Ketan Agarwal : केतन अग्रवाल हत्या प्रकरणात आणखी एकाला अटक; रितेश हांगे नवाचा पोलिसांच्या ताब्यात

Leave a Comment / ट्रेंडिंग, ताज्या बातम्या, राजकीय, हायलाईट / dnamarathi.com

Ketan Agarwal : केतन अग्रवाल हत्या प्रकरणातील मुख्य आरोपी सिया गोयल आणि चेतन चौधरी यांच्या अटकेनंतर पुणे ग्रामीण पोलिसांनी या प्रकरणात आणखी एका संशयिताला अटक केली आहे. रितेश हांगे नवाचा (वय २३, रा. लोणावळा ग्रामीण) असे अटक करण्यात आलेल्या तरुणाचे नाव आहे. रितेश हा चेतन चौधरीचा मित्र असल्याची माहिती पोलिसांनी दिली. रितेशला अटक केल्यानंतर न्यायालयात हजर करण्यात आले. न्यायालयाने त्याला १२ सप्टेंबरपर्यंत पोलिस कोठडी सुनावली आहे. या प्रकरणाच्या तपासाबाबत पुणे ग्रामीणचे पोलिस अधीक्षक (एसपी) संदीपसिंग गिल यांनी पत्रकारांशी संवाद साधला. पोलिसांच्या तपासानुसार, चेतन, सिया आणि रितेश यांच्यात मैत्री होती. केतन अग्रवालच्या हत्येपूर्वी झालेल्या नियोजनाची माहिती रितेशला होती. व्हॉट्सॲपवरील संदेश आणि इतर पुराव्यांच्या आधारे रितेशचा या प्रकरणात सक्रिय सहभाग असल्याचे समोर आल्याने त्याला अटक करण्यात आली. केतन अग्रवालची हत्या करण्यासाठी सुरुवातीला कॉन्ट्रॅक्ट किलिंगची योजना आखण्यात आली होती. मात्र, नंतर हा प्लॅन बदलण्यात आला आणि चेतन, सिया आणि रितेश यांनी स्वतःच केतनची हत्या करण्याचा कट रचल्याचे पोलिस तपासात समोर आले आहे. दरम्यान, या प्रकरणात आणखी कोणाचा सहभाग आहे का, याचा तपास पुणे ग्रामीण पोलिसांकडून सुरू आहे. सध्या तरी अन्य कोणतीही व्यक्ती तपासात समोर आलेली नसल्याचे पोलिस अधीक्षक संदीपसिंग गिल यांनी स्पष्ट केले. रितेशकडून मिळणाऱ्या माहितीतून हत्येच्या कटातील आणखी बाबी स्पष्ट होण्याची शक्यता आहे.

Ketan Agarwal : केतन अग्रवाल हत्या प्रकरणात आणखी एकाला अटक; रितेश हांगे नवाचा पोलिसांच्या ताब्यात Read More »

Donald Trump : इराणच्या ‘पिकॅक्स माउंटन’वर लवकरच हल्ला? ट्रम्प यांचा थेट इशारा

Leave a Comment / ऑटोमोबाईल, ट्रेंडिंग, ताज्या बातम्या, हायलाईट / dnamarathi.com

Donald Trump : अमेरिकेचे राष्ट्राध्यक्ष डोनाल्ड ट्रम्प यांनी इराणच्या अणुकार्यक्रमाबाबत पुन्हा एकदा आक्रमक भूमिका घेतली आहे. इराणमधील अत्यंत सुरक्षित आणि भूमिगत ‘पिकॅक्स माउंटन’ अणुस्थळावर अमेरिका लवकरच हल्ला करू शकते, असा इशारा ट्रम्प यांनी दिला आहे. ओव्हल ऑफिसमध्ये पत्रकारांशी बोलताना ट्रम्प यांनी अमेरिकन लष्कर या ठिकाणाला “लवकरच” लक्ष्य करू शकते, असे संकेत दिले. इराणला अण्वस्त्र विकसित करण्यापासून रोखणे हा अमेरिकेच्या लष्करी कारवाईमागील प्रमुख उद्देश असल्याचेही त्यांनी स्पष्ट केले. पिकॅक्स माउंटन इतके महत्त्वाचे का? ‘पिकॅक्स माउंटन’ हे इराणमधील नतांझ अणुस्थळाजवळील डोंगराळ भागात असलेले अत्यंत मजबूत भूमिगत संकुल आहे. या ठिकाणी खोलवर बोगदे तयार करण्यात आले असून, त्यामुळे पारंपरिक हवाई हल्ल्यांपासून या परिसरातील सुविधा सुरक्षित राहू शकतात. अमेरिका आणि इस्रायली गुप्तचर यंत्रणांना संशय आहे की इराणने आपल्या अणुकार्यक्रमाशी संबंधित संवेदनशील उपकरणे किंवा सेंट्रीफ्यूज या भूमिगत ठिकाणी हलवले असावेत. मात्र, या ठिकाणी नेमके कोणते साहित्य किंवा उपकरणे आहेत, याबाबत पूर्णपणे स्वतंत्र पुष्टी झालेली नाही. संघर्ष आणखी चिघळण्याची शक्यता पिकॅक्स माउंटनवर अमेरिकेने प्रत्यक्ष हल्ला केल्यास अमेरिका-इराण संघर्ष आणखी तीव्र होण्याची शक्यता आहे. हे ठिकाण अत्यंत खोलवर असल्याने हल्ल्याचा परिणाम किती होईल, याबाबत लष्करी तज्ज्ञांमध्येही मतभेद आहेत. काही तज्ज्ञांच्या मते, हल्ल्यामुळे प्रवेशमार्ग बाधित होऊ शकतात मात्र भूमिगत मुख्य भाग पूर्णपणे नष्ट करणे आव्हानात्मक ठरू शकते. दरम्यान, इराणच्या अणुकार्यक्रमावरून अमेरिका आणि इराणमधील तणाव कायम असून, पिकॅक्स माउंटनवरील ट्रम्प यांचा ताजा इशारा या संघर्षातील पुढील मोठ्या लष्करी कारवाईचे संकेत मानला जात आहे.

Donald Trump : इराणच्या ‘पिकॅक्स माउंटन’वर लवकरच हल्ला? ट्रम्प यांचा थेट इशारा Read More »

vidyanand bapat attack dj noise pollution dna marathi

डीजेच्या आवाजाविरोधात भूमिका घेतल्याने विद्यानंद बापट यांच्यावर हल्ला; ध्वनीप्रदूषणाचा मुद्दा ऐरणीवर

Leave a Comment / क्राईम, ट्रेंडिंग, ताज्या बातम्या, हायलाईट / dnamarathi.com

अहमदनगर : डीजेच्या वाढत्या आवाजामुळे होणारे ध्वनीप्रदूषण आणि त्याचा नागरिकांच्या आरोग्यावर होणारा परिणाम याविरोधात भूमिका घेणाऱ्या विद्यानंद बापट यांच्यावर हल्ला झाल्याची घटना समोर आली आहे. या घटनेनंतर डीजेच्या कर्णकर्कश आवाजाचा प्रश्न पुन्हा एकदा चर्चेत आला असून, ध्वनीप्रदूषणाविरोधात आवाज उठविणाऱ्यांच्या सुरक्षिततेचाही प्रश्न उपस्थित झाला आहे. सण, उत्सव, धार्मिक कार्यक्रम तसेच विविध सार्वजनिक कार्यक्रमांमध्ये मोठ्या आवाजात डीजे व ध्वनिक्षेपक वाजविण्याचे प्रमाण गेल्या काही वर्षांत वाढले आहे. रात्री उशिरापर्यंत सुरू राहणाऱ्या या ध्वनिक्षेपकांमुळे परिसरातील नागरिकांना त्रास सहन करावा लागतो. विशेषतः ज्येष्ठ नागरिक, लहान मुले, विद्यार्थी तसेच रुग्णांना मोठ्या आवाजाचा त्रास होतो. याशिवाय ध्वनीप्रदूषणामुळे मानसिक तणाव, झोपेचा त्रास आणि श्रवणशक्तीवर परिणाम होण्याची शक्यता व्यक्त केली जाते. याच पार्श्वभूमीवर विद्यानंद बापट यांनी डीजेच्या आवाजाविरोधात भूमिका घेतली होती. सार्वजनिक ठिकाणी नियमांचे उल्लंघन करून मोठ्या आवाजात डीजे वाजविला जाऊ नये, अशी भूमिका त्यांनी मांडली. मात्र, या भूमिकेनंतर त्यांच्यावर हल्ला झाल्याने या प्रकरणाला वेगळे वळण मिळाले आहे. मतभेद असले तरी एखाद्या व्यक्तीने मांडलेल्या भूमिकेला उत्तर देताना हिंसाचाराचा मार्ग स्वीकारणे योग्य आहे का, असा सवाल या घटनेनंतर उपस्थित होत आहे. डीजे आणि ध्वनिक्षेपकांच्या आवाजासाठी प्रशासनाकडून विविध नियम आणि मर्यादा निश्चित करण्यात आलेल्या आहेत. सार्वजनिक शांतता आणि नागरिकांच्या आरोग्याचा विचार करून ध्वनीची पातळी नियंत्रित ठेवणे अपेक्षित आहे. मात्र, प्रत्यक्षात अनेक ठिकाणी या नियमांकडे दुर्लक्ष होत असल्याच्या तक्रारी नागरिकांकडून केल्या जातात. कार्यक्रमांच्या वेळी मोठ्या आवाजात संगीत सुरू असताना कारवाई करण्याची जबाबदारी कोणाची, तसेच नियमांचे उल्लंघन करणाऱ्यांवर प्रत्यक्षात किती कठोर कारवाई होते, याबाबतही प्रश्न उपस्थित केले जात आहेत. बापट यांच्यावरील हल्ल्याच्या घटनेमुळे केवळ एका व्यक्तीच्या सुरक्षिततेचा प्रश्न निर्माण झालेला नाही, तर ध्वनीप्रदूषणाविरोधात भूमिका घेणाऱ्या नागरिकांना आपले म्हणणे मांडण्याचे स्वातंत्र्य आहे का, हा व्यापक प्रश्नही समोर आला आहे. कायदा हातात न घेता तक्रारी आणि मतभेद कायदेशीर मार्गाने सोडविणे आवश्यक असल्याचे मत नागरिकांकडून व्यक्त होत आहे. दरम्यान, या हल्ल्याप्रकरणी संबंधित यंत्रणांनी निष्पक्ष चौकशी करून दोषींवर योग्य ती कारवाई करावी, अशी मागणी होत आहे. त्याचबरोबर डीजेच्या आवाजामुळे होणाऱ्या त्रासाबाबत प्रशासनाने नागरिकांच्या तक्रारींची गांभीर्याने दखल घेऊन ध्वनीप्रदूषणाच्या नियमांची प्रभावी अंमलबजावणी करावी, अशी अपेक्षाही व्यक्त केली जात आहे. बापट यांच्यावरील हल्ल्याच्या निमित्ताने डीजेच्या आवाजाचा प्रश्न पुन्हा एकदा ऐरणीवर आला आहे. उत्सव साजरे करण्याचा अधिकार आणि नागरिकांना शांततेत जगण्याचा अधिकार यांच्यात समतोल साधण्याचे आव्हान प्रशासनासमोर आहे.

डीजेच्या आवाजाविरोधात भूमिका घेतल्याने विद्यानंद बापट यांच्यावर हल्ला; ध्वनीप्रदूषणाचा मुद्दा ऐरणीवर Read More »

Nikki Tamboli : निक्की तांबोळी-अरबाज पटेलचं ‘फेक ब्रेकअप’! ट्रोलिंगनंतर निक्कीचा संताप, म्हणाली- ‘बहती गंगा में सबने हाथ धोया, पण…’

Leave a Comment / ट्रेंडिंग, ताज्या बातम्या, मनोरंजन, हायलाईट / dnamarathi.com

Nikki Tamboli : ‘बिग बॉस मराठी 5’मधून चर्चेत आलेली अभिनेत्री निक्की तांबोळी आणि अरबाज पटेल पुन्हा एकदा सोशल मीडियावर चर्चेत आहे. काही दिवसांपूर्वी दोघांनी सोशल मीडियावर एकमेकांपासून दुरावल्याचे संकेत दिले होते. एकमेकांना अनफॉलो करणे, भावनिक पोस्ट आणि फसवणुकीशी संबंधित संकेत यामुळे दोघांचं नातं संपल्याच्या चर्चांना उधाण आलं होतं. मात्र, आता या संपूर्ण ‘ब्रेकअप’मागचं कारण समोर आलं असून, हे सगळं त्यांच्या नव्या म्युझिक व्हिडिओच्या प्रमोशनसाठी केलेलं पीआर होता. या खुलाशानंतर निक्की आणि अरबाजला सोशल मीडियावर मोठ्या प्रमाणात ट्रोल केलं जात आहे. चाहत्यांची दिशाभूल केल्याचा आरोप होत असतानाच निक्की तांबोळीने आता ट्रोलर्सना थेट प्रत्युत्तर दिलं आहे. सोशल मीडिया स्टोरीच्या माध्यमातून तिने आपली नाराजी व्यक्त करत, या संपूर्ण प्रकाराकडे ‘मार्केटिंग’ म्हणून पाहण्याचं आवाहन केलं आहे. नेमकं काय झालं होतं? निक्की तांबोळी आणि अरबाज पटेल यांची जवळीक ‘बिग बॉस मराठी 5’च्या घरात वाढली होती. शोदरम्यान दोघांमध्ये प्रेमसंबंध निर्माण झाले आणि शो संपल्यानंतरही त्यांचं नातं कायम असल्याचं दिसून आलं. दोघेही अनेकदा एकत्र दिसत होते आणि सोशल मीडियावरही एकमेकांसोबतचे फोटो व व्हिडिओ शेअर करत होते. अलीकडे मात्र अचानक दोघांनी एकमेकांना सोशल मीडियावर अनफॉलो केलं. त्यानंतर अरबाजने विश्वासघात आणि ‘चीटिंग’शी संबंधित एक भावनिक पोस्ट शेअर केली. या पोस्टचा रोख निक्कीकडे असल्याचा अंदाज चाहत्यांनी लावला. निक्कीनेही त्यानंतर एक गूढ पोस्ट केल्याने ब्रेकअपच्या चर्चांना आणखी हवा मिळाली. मात्र, त्या वेळी दोघांनी अधिकृतपणे ब्रेकअप झाल्याचं स्पष्ट केलं नव्हतं. सोशल मीडियावरील पोस्ट आणि दोघांच्या वागण्यात झालेला बदल पाहून अनेक चाहत्यांनी हे नातं तुटल्याचं गृहीत धरलं. काही चाहत्यांनी निक्कीला ट्रोल करण्यास सुरुवात केली, तर काहींनी अरबाजच्या पोस्टवर प्रतिक्रिया देत त्याला पाठिंबा दिला. निक्कीने स्वतःला ‘सिंगल’ संबोधल्याची चर्चा आणि तिच्या भावनिक पोस्टमुळेही या प्रकरणाला अधिक रंग चढला होता. त्यामुळे हे प्रकरण केवळ सोशल मीडिया चर्चेपुरतं राहिलं नाही, तर मनोरंजन विश्वातही त्याची मोठी चर्चा झाली. अखेर समोर आलं ‘फेक ब्रेकअप’चं सत्य मात्र, म्युझिक व्हिडिओ रिलीज झाल्यानंतर या संपूर्ण प्रकरणामागील कारण स्पष्ट झालं. निक्की आणि अरबाज यांचा नवीन म्युझिक व्हिडिओ प्रदर्शित झाला असून, त्याच्या प्रमोशनसाठी दोघांनी ब्रेकअपचा सीन तयार केल्याचं समोर आलं. निक्कीने सांगितलं की, हे सगळं निर्मात्यांच्या प्लॅनचा भाग होतं. कलाकार म्हणून त्यांना जे सांगितलं जातं, त्यानुसार काम करावं लागतं. मात्र, सोशल मीडियावरील लोकांनी आणि चाहत्यांनी हे ब्रेकअप खरं मानलं. इतकंच नाही तर त्यांच्याकडे या विषयावर फोनही येऊ लागले होते, असं निक्कीने सांगितलं. ट्रोलिंगनंतर निक्कीचा पारा चढला फेक ब्रेकअपचा खुलासा झाल्यानंतर मात्र दोघांवर मोठ्या प्रमाणात टीका झाली. चाहत्यांना भावनिक केल्याचा आणि प्रसिद्धीसाठी नात्याचा वापर केल्याचा आरोप सोशल मीडियावर करण्यात आला. या ट्रोलिंगनंतर निक्कीने आपल्या इन्स्टाग्राम स्टोरीवर एक व्हिडिओ आणि त्यासोबत एक नोट शेअर केली. ट्रोलर्सना उद्देशून तिने अतिशय आक्रमक शब्दांत आपली भूमिका मांडली. निक्कीच्या म्हणण्यानुसार, लोकांनी या संपूर्ण प्रकरणावर रील्स बनवल्या, कथा तयार केल्या आणि त्यातून कंटेंट तयार केला. पण तिने मात्र याच चर्चेचा उपयोग स्वतःच्या गाण्याच्या प्रमोशनसाठी केला. ‘बहती गंगा में सबने हाथ धोया, पण ती गंगा मी तयार केली,’ अशा आशयाची प्रतिक्रिया देत तिने हा सगळा प्रकार मार्केटिंगचा भाग असल्याचं स्पष्ट केलं. ‘हीच तर मार्केटिंग आहे’, निक्कीचा दावा निक्कीने आपल्या पोस्टमधून स्पष्ट करण्याचा प्रयत्न केला की, सोशल मीडियावर निर्माण झालेल्या चर्चेचा फायदा तिच्या गाण्याला झाला. लोकांनी या कथित ब्रेकअपवर चर्चा केली, रील्स बनवल्या आणि वेगवेगळ्या प्रकारचा कंटेंट तयार केला. त्यामुळे म्युझिक व्हिडिओकडे मोठ्या प्रमाणात लक्ष वेधलं गेलं. निक्कीने हा प्रकार ‘मार्केटिंग’ असल्याचं सांगत, ट्रोलिंगलाही अप्रत्यक्षपणे आपल्या प्रमोशनचा भाग ठरवलं. दोन वर्षांपासून चर्चेत आहे निक्की-अरबाजचं नातं निक्की आणि अरबाज यांचं नातं ‘बिग बॉस मराठी 5’पासून चर्चेत आहे. रिअॅलिटी शोमध्ये दोघांची जवळीक वाढली आणि त्यानंतरही त्यांचं नातं कायम राहिलं. दोघे ‘द 50’ या शोमध्येही एकत्र दिसले. या शोदरम्यान अरबाजने निक्कीला लग्नासाठी प्रपोज केल्याचंही समोर आलं होतं. निक्कीनेही अरबाजसाठी आपल्या कुटुंबाच्या विरोधात जाण्याची तयारी केल्याचं सांगितलं होतं. त्यामुळे त्यांच्या नात्याबद्दल चाहत्यांमध्येही मोठी उत्सुकता होती. मग खरंच ब्रेकअप झालंय का? या सगळ्या प्रकारानंतर सर्वात मोठा प्रश्न हा आहे की निक्की आणि अरबाज खरंच वेगळे झाले आहेत की हा पूर्णपणे प्रमोशनल स्टंट होता? सध्या उपलब्ध माहितीनुसार, दोघांनी ज्या पद्धतीने ब्रेकअपचं वातावरण तयार केलं होतं, त्याचा संबंध त्यांच्या नवीन म्युझिक व्हिडिओच्या प्रमोशनशी असल्याचं स्पष्ट झालं आहे. मात्र, त्यांच्या वैयक्तिक नात्याची सद्यस्थिती याबाबत दोघांकडून स्वतंत्र आणि सविस्तर अधिकृत स्पष्टीकरण समोर आलेलं नाही.

Nikki Tamboli : निक्की तांबोळी-अरबाज पटेलचं ‘फेक ब्रेकअप’! ट्रोलिंगनंतर निक्कीचा संताप, म्हणाली- ‘बहती गंगा में सबने हाथ धोया, पण…’ Read More »