Shrirampur Murder Case : सकल श्रीरामपूरकरांच्या वतीने अहिल्यानगर जिल्ह्याचे पोलीस अधिक्षक मुम्मका सुदर्शन यांची भेट घेऊन श्रीरामपूर येथील युवा उद्योजक स्व. आकाश दुबैय्या यांच्या हत्येप्रकरणातील आरोपींवर मकोका कायद्यांतर्गत कारवाई करण्यात यावी तसेच हा खटला फास्ट ट्रॅक न्यायालयात चालवावा व सरकारी वकील म्हणून खासदार उज्वल निकम यांची नियुक्ती करण्यात यावी अशी मागणी करणारे पत्र सुपूर्द केले.
यावेळी श्रीरामपूर मधील वाढत्या गुन्हेगारीला आळा घालण्यासाठी ठोस उपाययोजना करावी, संघटित गुन्हेगारांना मकोका अंतर्गत कारवाई करून त्यांना तडीपार करण्यात यावे तसेच पोलीस प्रशासनातील काही पोलीस कर्मचाऱ्यांचे गुन्हेगारांशी आर्थिक हितसंबंध असून सदर पोलीस कर्मचाऱ्यांना सेवेतून बडतर्फ करण्यात यावे अशी आग्रही मागणी केली.
यावेळी पोलीस अधिक्षक मुम्मका सुदर्शन यांनी गुन्हेगारी समूळ नष्ट करण्यासाठी निश्चितच ठोस कार्यवाही करणार असल्याची ग्वाही दिली.
