Category: ताज्या बातम्या

Ahmednagar News: धनगर आरक्षण! …नाहीतर नदीत उड्या टाकून जलसमाधी घेणार

Leave a Comment / ताज्या बातम्या, राजकीय / dnamarathi.com

Ahmednagar News: धनगर समाजाला अनुसूचित जमाती आरक्षण आरक्षण लागू व्हावे यासाठी आज बुधवारपासून (दिनांक 18 सप्टेंबर) सात जण नेवासा फाटा येथे उपोषणास बसणार आहेत. त्यानंतर आठ दिवसात शासनाने निर्णय न घेतल्यास हे सातही जण गोदावरी नदीत उड्या टाकून सामुदायिक जलसमाधी घेणार आहेत, असा इशारा सकल धनगर जमातने दिला आहे. दरम्यान, रविवारी मुख्यमंत्री एकनाथ शिंदे यांनी मुंबईत धनगर समाज आरक्षणाबाबत घेतलेली बैठक आम्हाला मान्य नाही व तिथे त्या बैठकीत सहभागी झालेल्या समाजाच्या शिष्टमंडळाला आमची मान्यता नाही, असे स्पष्टीकरणही सकल धनगर समाजाने दिले आहे. धनगर समाजाला भटके विमुक्त (एनटी) मध्ये साडेतीन टक्के आरक्षण असून एवढेच आरक्षण अनुसूचित जमातीमध्ये (एसटी) मिळावे अशी त्यांची मागणी आहे. 2014 मध्ये भाजपने सत्तेवर येताच पहिल्या कॅबिनेटमध्ये हे आरक्षण देऊ, अशी ग्वाही दिली होती. मात्र, दहा वर्षात त्याची अंमलबजावणी झाली नसल्याचे सकल धनगर जमातचे म्हणणे आहे. त्यामुळे या मागणीसाठी व धनगर समाजाला अनुसूचित जमाती (एसटी) आरक्षण प्रमाणपत्र मिळण्यासाठी येत्या बुधवारपासून (18 सप्टेंबर) नेवासा फाटा येथे संभाजीनगर महामार्गावर उपोषण आंदोलन केले जाणार आहे. यात महाराष्ट्र राज्य धनगर समाज आरक्षण कृती समितीचे जिल्हाध्यक्ष व भाजपचे उत्तर जिल्हा चिटणीस अशोक कोळेकर यांच्यासह प्रल्हाद सोरमारे, बाळासाहेब कोळसे, राजू मामा तागड, देवीलाल मंडलिक, रामराव कोल्हे व भगवान भोजने सहभागी होणार आहेत. उपोषणास बसल्यानंतर आठ दिवसात शासनाने एसटी आरक्षण निर्णय घेतला नाही व प्रमाणपत्र वाटप सुरू केले नाही तर हे सातही जण गोदावरी नदी पात्रात उडी घेऊन जलसमाधी घेणार असल्याचे माध्यमांशी बोलताना कोळेकर, तागड आणि सोरमारे यांनी स्पष्ट केले. या सात जणांपैकी राजू मामा तागड यांनी मागील वर्षी 17 सप्टेंबरला मिरी (तालुका पाथर्डी) येथील वीरभद्र मंदिरात याच मागणीसाठी तेरा दिवस उपोषण केले होते. त्यावेळी उपमुख्यमंत्री देवेंद्र फडणवीस यांनी त्यांच्याशी संपर्क साधून पन्नास दिवसात मार्ग काढू, असे आश्वासन दिले होते. मात्र, वर्ष झाले तरी निर्णय झालेला नाही, असा उद्वेग तागड यांनी व्यक्त केला. दहा वर्षांपासून तेच ऐकतोय या संदर्भात सोरमारे यांनी सांगितले की, मागील महिन्यात पुण्यात झालेल्या बैठकीत संभाजीनगर वा राहुरी येथे उपोषण करण्याचा निर्णय झाला होता. मात्र काही जणांनी अचानक पंढरपूरला उपोषण सुरू केले व आताही आज रविवारी मुख्यमंत्री एकनाथ शिंदे यांनी धनगर समाजाची बैठक घेऊन धनगर आरक्षणाचा विषय कायद्याच्या चौकटीत बसवू, असे आश्वासन दिले. मात्र मागील दहा वर्षापासून आम्ही हेच शब्द ऐकतोय, अशी खंत व्यक्त करून सोरमारे म्हणाले, महाराष्ट्रात धनगर समाज दोन नंबरचा मोठा समाज आहे व आरक्षणाच्या आशेने त्याने भाजपला एकगठ्ठा मतदान केले आहे. मात्र आरक्षणाचा निर्णय अजूनही झालेला नाही. त्यामुळे आता धनगरी हिसका दाखवला जाणार आहे व 18 सप्टेंबरपासून उपोषण आणि सामुदायिक जलसमाधी आंदोलन केले जाणार आहे, असा इशारा त्यांनी दिला. शिष्टमंडळच मान्य नाही मुख्यमंत्र्यांच्या बैठकीस गोपीचंद पडळकर, प्रकाश शेंडगे, मंत्री चंद्रकांत पाटील, शंभूराज देसाई व अन्य उपस्थित होते. सकल धनगर समाजाच्या शिष्टमंडळाने या बैठकीस जायलाच नको होते. या शिष्टमंडळाला समाजाची मान्यताच नाही, असा दावाही सोरमारे यांनी केला.

Ahmednagar News: धनगर आरक्षण! …नाहीतर नदीत उड्या टाकून जलसमाधी घेणार Read More »

Ahmednagar News: आकर्षक मिरवणुका, विद्युत रोषणाईने रस्ते उजळले, जल्लोषपूर्ण वातावरणात श्रीगणेशाचे विसर्जन

Leave a Comment / ताज्या बातम्या, राजकीय / dnamarathi.com

Ahmednagar News: जामखेड गेले १० दिवस भक्तिरसात न्हाऊन निघालेल्या हजारो भाविकांनी अनंत चतुर्दशीच्या दिवशी आपले लाडके दैवत असलेल्या विघ्नहर्ता विनायक श्रीगणेशाचे शहर व परिसरात उत्साहात विसर्जन करण्यात आले. ढोल-ताशांच्या गजरात, गुलालाची उधळण करीत सार्वजनिक मंडळाच्या कार्यकर्त्यांनी श्रीगणेशाचे मोठ्या जल्लोषात विसर्जन करण्यात आले. जामखेड शहरात मोठया मंडळाचे १४ व लहान मंडळाचे १० असे २४ तर एक गाव एक गणपती १० व ग्रामीण भागात एकुण ५५ मंडळाची म्हणजे एकुण ८९ मंडळांची श्री . ची . स्थापना करण्यात आली होती . सातव्या दिवसापासुन शहर व तालुक्यात गणेश विसर्जन करण्यास सुरुवात झाली होती . दहाव्या दिवशी शहरातील१४ व ग्रामीण भागातील १७ मंडळांनी विसर्जन मिरवणुकीत सहभात घेतला होता . विसर्जन मिरवणूक तब्बल ८ तास चालली. शेवटच्या मंडळाच्या गणेशमूर्तीचे विसर्जन रात्री १२.५ मिनिटांनी झाले . प्रचंड जल्लोषात संघर्ष तरुण मंडळाची गणेश विसर्जन मिरवणूक निघाली होती. यावेळी अनेक कार्यकर्त्यांनी गुलालाची उधळण केली. मेनरोड परिसरात आबालवृद्धांची एकच गर्दी झाली होती. सायंकाळी शहरातील सर्व रस्ते मिरवणुकानी फुलून गेले होते बाळगणेश मंडळानी सकाळी चारचाकी हातगाड्यामधून मिरवणुका काढल्या दुपारी काही काळ ओस पडलेले जामखेड शहरातील रस्ते सायंकाळी मिरवणुकीच्या गर्दीने फुलून गेले होते तरुण मंडळांच्या कार्यकर्त्यांमध्ये प्रचंड दांडगा उत्साह दिसून आला दरवर्षीप्रमाणेच यावर्षीही सार्वजनिक गणेश मंडळाचे प्रमाण असून, ढोल-ताशा लेझीम फड ढोलीबाजा-बेन्जोबाजा अशा विविध वाद्यांच्या गजरात गल्लोगल्लीतील, चौकाचौकातील गणपतींची ट्रॅक्टर, टेम्पो, मोटारीतून मिरवणूक काढण्यात आली गणपती बाप्पा मोरया’च्या गजराने शहर व परिसर दणाणून गेले या मिरवणुकीमुळे शहरातील सर्वच रस्ते गुलालाने मास्थून निघाले. सार्वजनिक मंडळांनी केलेल्या मंदिराच्या कलाकुसरींनी जामखेड शहर उजळून निघाले होते गणेशमूर्ती घेऊन निघालेल्या सार्वजनिक मंडळांच्या भव्य मिरवणुकांनी जामखेडमधील गणेश विसर्जन मिरवणूक शांततेत मेनरोड गजबजून गेला होता. हा सारा परिसरच जणू गणपतीमय होऊन गेला होता. भगव्या टोप्या, प‌ट्ट्या, डोक्यावर मिरवणारे आणि गुलालाने माखलेले हजारो आबालवृद्ध वाद्यमेळाच्या तालावर बेभान होऊन नाचणारे तरुण दिसत होते. दरवर्षी प्रमाणे नगरसेवक अमित चिंतामणी व मित्र मंडळाने गणेश मंडळांच्या अध्यक्ष व पदाधिकारी यांचा सत्कार आमदार राम शिंदे ; प्रा . मधुकर राळेभात ; सभापती शरद कार्ले ; माजी सभापती डॉ .भगवान मुरूमकर व अमित चिंतामणी यांनी केला . तसेच मोठ्या हौसेने या वर्षी आमदार रोहित पवार यांनी मेनरोड वर स्टेज उभारून सर्व गणेश मंडळ यांचे सत्कार त्यांनी केले. गणरायाचे विसर्जन पाहण्या- साठी जामखेडकरांची मेनरोडवर गर्दीची लाट पसरलेली होती. मेनरोडमध्ये राहणारे नागरिक घराच्या गॅलरीतून एक विलोभनीय चित्र पाहत होते. दोन्ही आमदारांनकडून संघर्ष मित्र मंडळाचे कौतुक अनेक वेळा संघर्ष मित्र मंडळाने गणेश उत्सव काळात प्रथम क्रमांकाचे पारितोषीक घेतले आहेत. या वर्षी मंडळाची पहिल्या दिवशाची आरती आमदार राम शिंदे यांनी केली तर विसर्जन मिरवणुकीची आरती आमदार रोहित पवार यांनी केली. शहरातील गणेशोत्सवाचे आकर्षण असलेल्या संघर्ष मित्रमंडळाची मिरवणूक आकर्षक होती. गणपती विसर्जन मिरवणुक अगदी शांततेत शिस्तबद्ध पद्धतीने पार पडली . यावेळी दोन्ही ही आमदारांनी संघर्ष मित्र मंडळांचे कौतुक केले. दोन्ही आमदार थिरकले ! 2024 च्या विनासभेत एकचं तरी विसर्जन होणार : जामखेडकर जामखेड शहरातील विसर्जन मिरवणुकीत प्रत्येक मंडळाच्या विसर्जन मिरवणुकीत आमदार रोहित पवार व आमदार राम शिंदे गाण्याच्या ताळावर बेभानपणे थिरकले होते . विसर्जन मिरवणुकीत गणेश भक्तांचे स्वागाताचे स्टेज स्वतंत्र होते . परंतु नाचण्यात सुद्धा दोघांची स्पर्धाच दिसत होती . यावेळी ही जणू विधान सभेची विसर्जन मिरवणुक तर नाही ना ? 2024 च्या विधानसभेच्या निवडणुकीत एकाचं तरी विसर्जन होणार असं जनतेतं चर्चेचा विषय चर्चीला जात होता . कोणताही गंभीर व अनुचित प्रकार घडू नये, म्हणून पोलिस निरीक्षक श्री. महेश पाटील यांनी चोख बंदोबस्त ठेवलेला होता . गणेश विसर्जनाचा सोहळा शांततेन व उत्साहात पार पडला .

Ahmednagar News: आकर्षक मिरवणुका, विद्युत रोषणाईने रस्ते उजळले, जल्लोषपूर्ण वातावरणात श्रीगणेशाचे विसर्जन Read More »

OYO Room: OYO रूममध्ये बुकिंग करण्यापूर्वी ‘या’ महत्त्वाच्या गोष्टी करा नाहीतर…

Leave a Comment / ऑटोमोबाईल, ताज्या बातम्या / dnamarathi.com

OYO Room : आजच्या काळात आधार कार्ड हे सर्वात महत्वाचे दस्तऐवज आहे. देशातील जवळपास प्रत्येक नागरिकाकडे आधार कार्ड आहे. आधार कार्ड हे ओळखपत्राप्रमाणे काम करते. बँक खाते उघडण्यापासून कोणत्याही गोष्टीसाठी तुम्हाला आधार कार्ड आवश्यक आहे. कोणत्याही हॉटेल किंवा ओयोमध्ये जाण्यापूर्वी तुमच्याकडे आधार कार्ड मागितले जाते. तुम्हीही हॉटेल किंवा ओयोमध्ये जात असाल तर ही बातमी तुमच्यासाठी आहे. फसवणुक होऊ शकते आम्ही हॉटेल किंवा OYO बुक करतो. ज्यासाठी आम्हाला आधार कार्ड जमा करण्यास सांगितले जाते. जर तुम्ही हॉटेल किंवा ओयो रूम बुक करताना तुमचे आधार कार्ड जमा केले तर तुम्ही फसवणुकीला बळी पडू शकता. अशा परिस्थितीत तुम्ही खबरदारी घेणे गरजेचे आहे. आधारचा दुरुपयोग कसा होतो ते जाणून घेऊया. वास्तविक, आधार कार्डमध्ये नाव, पत्ता आणि जन्मतारीख यासह सर्व महत्त्वाची माहिती असते. अशा परिस्थितीत कोणीही तुमच्या आधार कार्डमधून डेटा चोरू शकतो आणि मोठी बँकिंग फसवणूक होऊ शकते. त्यामुळे हॉटेल किंवा ओयो रूम बुक करताना मास्क केलेले आधार कार्ड वापरावे. मास्क केलेल्या आधार कार्डमध्ये 12 अंकांऐवजी फक्त 4 अंक असतात. म्हणजे तुमच्या आधार क्रमांकाचे 8 अंक लपलेले आहेत. अशा स्थितीत तुमच्या आधार कार्डद्वारे फसवणूक शक्य होणार नाही. मास्क केलेले आधार कार्ड कसे डाउनलोड करावे मास्क केलेले आधार कार्ड डाउनलोड करण्यासाठी, सर्वप्रथम तुम्हाला आधार कार्डच्या अधिकृत वेबसाइट http:uidai.gov.in वर जावे लागेल. यानंतर तुम्हाला My Aadhar Card चा पर्याय दिसेल. यानंतर तुमचा आधार क्रमांक टाका आणि कॅप्चा टाका. यानंतर तुमच्या नोंदणीकृत क्रमांकावर OTP येईल. OTP एंटर करा आणि सबमिट करा. आता तुम्हाला आधार डाउनलोड पर्याय दिसेल. आता तुम्ही मास्क केलेले आधार कार्ड सहज डाउनलोड करू शकता.

OYO Room: OYO रूममध्ये बुकिंग करण्यापूर्वी ‘या’ महत्त्वाच्या गोष्टी करा नाहीतर… Read More »

Jio – Airtel ची धाकधूक वाढणार, BSNL चा नवा धमाका, 300 दिवसांसाठी स्वस्त प्लॅन लॉन्च

Leave a Comment / ऑटोमोबाईल, ताज्या बातम्या / dnamarathi.com

BSNL Recharge: जर तुम्ही देखील स्वस्त रिचार्ज प्लान शोधत असाल तर तुमच्यासाठी बीएसएनएलने जबरदस्त प्लॅन लॉन्च केला आहे. या नवीन रिचार्ज प्लॅन अंतर्गत तुम्हाला तब्बल 300 दिवसांच्या सिम वैधतेची ऑफर मिळणार आहे. या प्लॅनची खास गोष्ट म्हणजे यात डेटा, फ्री कॉल्स आणि एसएमएसचाही समावेश आहे. BSNL ने 797 रुपयांचा प्रीपेड रिचार्ज प्लॅन लॉन्च केला आहे जो 300 दिवसांची सिम वैधता देतो. म्हणजेच ग्राहकांना दिवसाला केवळ तीन रुपये खर्च करावे लागणार आहेत. या प्लॅनमध्ये पहिल्या 60 दिवसांसाठी मोफत नॅशनल रोमिंग, दररोज 2GB डेटा आणि 100 SMS मिळतात. 60 दिवसांनंतर, इनकमिंग कॉल सुरू राहतील परंतु डेटा, कॉल आणि एसएमएस मिळविण्यासाठी टॉप-अप करावे लागेल. BSNL चा दुय्यम सिम वापरणाऱ्यांसाठी ही योजना अतिशय फायदेशीर आहे. पहिल्या दोन महिन्यांसाठी मोफत डेटा, कॉल आणि एसएमएसचा लाभ घेऊन ते याचा जास्तीत जास्त फायदा घेऊ शकतात. मोफत सेवा 60 दिवसांनंतर बंद होत असली तरी सिम 240 दिवस ॲक्टिव्ह राहण्याची हमी बीएसएनएलच्या ग्राहकांसाठी दिलासा देणारी आहे. खासगी दूरसंचार कंपन्यांनी किमती वाढवल्यानंतर बीएसएनएल आकर्षक प्लॅनसह ग्राहकांना आकर्षित करण्याचा प्रयत्न करत आहे. कमी किमतीत उत्तम सेवा देण्यावर बीएसएनएलचा भर आहे. या रणनीती अंतर्गत, BSNL आपले 4G नेटवर्क देखील वाढवत आहे. अनेक दूरसंचार मंडळांमध्ये 4G सेवा सुरू झाल्या आहेत आणि BSNL ने दूरसंचार मंत्रालयाच्या सहकार्याने 5G चाचण्याही सुरू केल्या आहेत.

Jio – Airtel ची धाकधूक वाढणार, BSNL चा नवा धमाका, 300 दिवसांसाठी स्वस्त प्लॅन लॉन्च Read More »

Sanjay Gaikwad : ‘मीच माफी मागत नाही तर मुख्यमंत्री…’, संजय गायकवाड ‘त्या’ वक्तव्यावर ठाम

Leave a Comment / ताज्या बातम्या, राजकीय / dnamarathi.com

Sanjay Gaikwad : लोकसभा विरोधी पक्षनेते राहुल गांधी यांच्यावर केलेल्या वादग्रस्त वक्तत्वानंतर शिंदे गटाचे आमदार संजय गायकवाड यांच्यावर काल रात्री बुलढाणा पोलीस स्टेशन मध्ये गुन्हा दाखल करण्यात आला आहे. तर आता या प्रकरणात माध्यमांशी बोलताना मी माझ्या वक्तव्यावर ठाम असून माफी मागणार नाही अशी प्रतिक्रिया संजय गायकवाड यांनी दिली आहे. यावेळी ते म्हणाले की, स्टेटमेंट मी केले, मीच माफी मागत नाही तर मुख्यमंत्री कशाला मागतील. माझ्या वक्तव्यावर मी ठाम आहे. आरक्षण संपणाऱ्या बद्दला जे वक्तव्य केले त्यावर ठाम आहे. 70 कोटी लोकांचे आयुष्य उद्ध्वस्त करण्याचे पलानिग काँग्रेसने केले. काँग्रेसपेक्षा जास्त आंदोलन आम्ही केलीय. आम्हाला पण दहा दहा हजार आणून आंदोलन करता येतील असं ते म्हणाले. तर माझ्या कार्यक्रममध्ये काँग्रेसच्या कोणी कुत्र्याने घुसण्याचा प्रयत्न केला तर तिथेच गाडून टाकीन. तुम्ही फक्त रोडवर पाय ठेऊन दाखवा. तुम्हाला समजेल शिवसेना काय आहे. मी खरे बोलण्याचा निषेध करतात तर करा. जी जनता तुम्हाला मत पेटीतून उत्तर देईल. जे वक्तव्य केले ते माझे वयक्तिक मत आहे. असेही या वेळी ते म्हणाले. तसेच आम्ही गुन्ह्याची परवा कधी केली नाही आरक्षणला विरोध करणाऱ्यांना जर धडा शिकवण्याकरता जर गुन्हा दाखल होत असेल तर आम्हाला काही अडचण नाही. याला जर गुंडगिरी म्हणता असतील तर ही गुंडगिरी मला मान्य आहे. असेही संजय गायकवाड माध्यमांशी बोलताना म्हणाले.

Sanjay Gaikwad : ‘मीच माफी मागत नाही तर मुख्यमंत्री…’, संजय गायकवाड ‘त्या’ वक्तव्यावर ठाम Read More »

Who is Ryan Wesley Routh : कोण आहे रायन रुथ? ज्याने Donald Trump ला मारण्याचा प्रयत्न केला

Leave a Comment / क्राईम, ताज्या बातम्या, राजकीय / dnamarathi.com

Who is Ryan Wesley Routh : अमेरिकेचे अध्यक्षपदाचे उमेदवार डोनाल्ड ट्रम्प यांच्या हत्येचा पुन्हा एकदा प्रयत्न करण्यात आल्याची धक्कादायक माहिती समोर आली आहे. या प्रकरणी बंदूकधारी 58 वर्षीय रायन वेस्ली रुथ याला अटक करण्यात आली आहे. ट्रम्प यांची हत्या करण्यासाठी तो एके-47 रायफल घेऊन फ्लोरिडा येथील वेस्ट पाम बीच येथे आला होता. ट्रम्पवर हल्ला करण्याआधी, रुथ यांनी सोशल मीडियावर सांगितले की, यावर्षी “लोकशाहीवर मतदान केले जात आहे. आम्ही हरवू शकत नाही.” ते लोकशाही समर्थक आहेत. यापूर्वी एका मुलाखतीत त्यांनी युक्रेनचा समर्थक असल्याचा दावा केला होता. रशियाविरुद्ध सुरू असलेल्या युद्धात लढण्यासाठी ते कीव येथे गेल्याचे सांगण्यात आले. वेस्ट पाम बीच येथील गोल्फ कोर्समध्ये ट्रम्प गोल्फ खेळत होते. यावेळी राऊत त्यांच्या जवळपास 400 मीटर जवळ पोहोचले. ट्रम्प यांच्या सुरक्षेसाठी तैनात असलेल्या सीक्रेट सर्व्हिस एजंट्सच्या लक्षात आले आणि त्यांनी गोळीबार केला. यानंतर रौथने एके 47 रायफल आणि दोन बॅग फेकून कारमध्ये पळ काढला. नंतर त्याला अटक करण्यात आली. अधिकाऱ्यांनी घटनास्थळावरून एक AK-47 रायफल, एक स्कोप, दोन बॅग आणि एक GoPro डिव्हाइस जप्त केले. रायन वेस्ली रुथचा गुन्हेगारी रेकॉर्ड आहे रायन वेस्ली राउथ हा नॉर्थ कॅरोलिनाचा आहे. त्याचा मोठा गुन्हेगारी इतिहास आहे. 2019 पासून युक्रेनला अमेरिकेच्या मदतीला त्यांनी सातत्याने पाठिंबा दिला आहे. तो डेमोक्रॅटिक उमेदवारांना पाठिंबा देतो. रशियाविरुद्ध लढण्यासाठी युक्रेनमध्ये पोहचला एका मुलाखतीत रुथने दावा केला होता की, रशियासोबतच्या युद्धाच्या सुरुवातीला तो युक्रेनच्या बाजूने लढायला गेला होता. त्याने कीवमध्ये पोहोचल्यानंतर लढ्यात सामील होण्यासाठी लोकांना भरती करण्यास मदत केली. तिने नॉर्थ कॅरोलिना कृषी आणि तांत्रिक राज्य विद्यापीठात शिक्षण घेतले. 2018 च्या सुमारास तो हवाईला गेला.

Who is Ryan Wesley Routh : कोण आहे रायन रुथ? ज्याने Donald Trump ला मारण्याचा प्रयत्न केला Read More »

UPI Update: मोठी बातमी! UPI व्यवहार मर्यादा बदलणार, जाणून घ्या नवीन बदल

Leave a Comment / ऑटोमोबाईल, ताज्या बातम्या / dnamarathi.com

UPI Update: जर तुम्ही देखील दररोज UPI च्या मदतीने आर्थिक व्यवहार करत असाल तर तुमच्यासाठी ही महत्वाची बातमी आहे. माहितीनुसार आता UPI द्वारे कर भरण्याची मर्यादा 5 लाख रुपये करण्यात आली आहे. ही नवीन मर्यादा नॅशनल पेमेंट्स कॉर्पोरेशन ऑफ इंडिया (NPCI) ने लागू केली आहे. NPCI ने परिपत्रकात काय म्हटले? NPCI ने 24 ऑगस्ट 2024 रोजी जारी केलेल्या परिपत्रकात म्हटले आहे की UPI ही एक प्रमुख पेमेंट प्रणाली म्हणून ओळखली जाते आणि कर पेमेंटसाठी प्रति व्यवहार मर्यादा 5 लाख रुपये करण्यात आली आहे. प्रभावी तारीख आणि अनुपालन नवीन मर्यादा 16 सप्टेंबरपासून लागू होणार आहे. NPCI ने बँका, पेमेंट सेवा प्रदाते आणि UPI ॲप्सना 15 सप्टेंबरपर्यंत नवीन मर्यादेचे पालन सुनिश्चित करण्याचे निर्देश दिले आहेत. याशिवाय, हा नियम रुग्णालये, शिक्षण केंद्रे, IPO आणि RBI च्या किरकोळ थेट योजनांना देखील लागू होईल. व्यापारी पडताळणी हे व्यवहार पूर्ण करण्यासाठी व्यापाऱ्यांची पडताळणी आवश्यक असेल. कर भरणा आणि इतर व्यवहार सोपे आणि सुरक्षित करण्याच्या उद्देशाने हे पाऊल उचलण्यात आले आहे. UPI पेमेंट पद्धत UPI, किंवा युनिफाइड पेमेंट्स इंटरफेस, नॅशनल पेमेंट्स कॉर्पोरेशन ऑफ इंडिया (NPCI) द्वारे भारतात विकसित केलेली डिजिटल पेमेंट प्रणाली आहे. ही प्रणाली सोप्या, सुरक्षित आणि जलद पद्धतीने आर्थिक व्यवहार करण्यास सक्षम करते. UPI च्या माध्यमातून तुम्ही मोबाईल फोन वापरून विविध प्रकारचे व्यवहार करू शकता. UPI ची वैशिष्ट्ये एकाधिक बँक खाती एकाच UPI ॲपद्वारे तुम्ही वेगवेगळ्या बँक खाती लिंक करू शकता आणि एकाच प्लॅटफॉर्मवर व्यवहार करू शकता. सिंगल क्लिक पेमेंट पेमेंट प्रक्रिया जलद आणि सोपी बनवून फक्त एका क्लिकवर UPI व्यवहार पूर्ण केले जाऊ शकतात. 24×7 उपलब्धता UPI प्रणाली सर्व वेळ (24 तास, 7 दिवस) उपलब्ध असते, त्यामुळे तुम्ही कधीही व्यवहार करू शकता. सुरक्षा UPI व्यवहारांसाठी सुरक्षित पिन (UPI पिन) आवश्यक असतो, जो तुमच्या आर्थिक माहितीची सुरक्षितता सुनिश्चित करतो. QR कोड QR कोड UPI पेमेंटसाठी वापरले जाऊ शकतात, ज्यामुळे पेमेंट प्रक्रिया आणखी सोपी होते. वैयक्तिक देयके आणि बिले UPI चा वापर व्यक्ती-टू-व्यक्ती व्यवहार, बिल भरणे, टॅक्सी भाडे, रेस्टॉरंट बिले, ऑनलाइन शॉपिंग आणि सरकारी सेवांसाठी पेमेंटसाठी केला जाऊ शकतो.

UPI Update: मोठी बातमी! UPI व्यवहार मर्यादा बदलणार, जाणून घ्या नवीन बदल Read More »

England vs Australia 2nd T20I : 6,6,6,6,6…लियाम लिव्हिंग्स्टनचा कहर, ऑस्ट्रेलियाचा दारुण पराभव

Leave a Comment / ताज्या बातम्या, स्पोर्ट्स / dnamarathi.com

England vs Australia 2nd T20I: दुसऱ्या t20 सामन्यात इंग्लंडने अष्टपैलू लियाम लिव्हिंग्स्टनच्या झंझावाती फलंदाजीच्या जोरावर ऑस्ट्रेलियाचा तीन गडी राखून पराभव केला. या विजयासह इंग्लंडने तीन सामन्यांच्या टी-20 मालिकेत 1-1 अशी बरोबरी साधली कार्डिफ येथे खेळल्या गेलेल्या दुसऱ्या T20 सामन्यात प्रथम फलंदाजी करताना ऑस्ट्रेलियाने 20 षटकांत 6 विकेट गमावत 193 धावा केल्या, जे इंग्लंड संघाने एक षटक शिल्लक असताना सात विकेट गमावून पूर्ण केले. ट्रॅव्हिस हेडच्या नेतृत्वाखाली ऑस्ट्रेलियाचा हा पहिला पराभव आहे. ऑस्ट्रेलियाने दिलेल्या 194 धावांच्या लक्ष्याचा पाठलाग करताना इंग्लंड संघाने 79 धावांत तीन विकेट गमावल्या. यात फिल सॉल्टच्या 23 चेंडूत (दोन चौकार, तीन षटकार) 39 धावा आणि विल जॅक (12) आणि जॉर्डन कॉक्स (00) यांच्या विकेट्सचा समावेश आहे. मात्र, यानंतर लियाम लिव्हिंगस्टोन आणि जेकब बेथेल यांनी 47 चेंडूत 90 धावांची भागीदारी करत संघाला दणदणीत विजय मिळवून दिला. आपल्या स्फोटक खेळीदरम्यान लिव्हिंगस्टोनने 47 चेंडूंत सहा चौकार आणि पाच षटकारांच्या मदतीने 87 धावा केल्या. त्याला प्लेअर ऑफ द मॅचचा किताबही देण्यात आला. त्याच्याशिवाय जेकब बेथेलने 24 चेंडूंत चार चौकार आणि तीन षटकारांच्या मदतीने 44 धावांचे योगदान दिले. त्याच्याशिवाय सॅम कुरनला एकच धाव करता आली तर ब्रेडन कार्सला खातेही उघडता आले नाही. जेमी ओव्हरटन चार धावांवर नाबाद राहिला तर आदिल रशीद एका धावेवर नाबाद राहिला. ऑस्ट्रेलियाकडून मॅथ्यू शॉर्टने शानदार गोलंदाजी केली. मॅथ्यू शॉर्टने तीन षटकांत 22 धावा देत पाच बळी घेतले. मात्र त्याला इतर गोलंदाजांची साथ मिळू शकली नाही. ऑस्ट्रेलियाने 6 बाद 193 धावा केल्या तत्पूर्वी, इंग्लंड संघाने नाणेफेक जिंकून गोलंदाजी करण्याचा निर्णय घेतला. ट्रॅव्हिस हेड पुन्हा एकदा आक्रमक दिसला आणि 14 चेंडूत 31 धावा करून बाद झाला. त्याच्याशिवाय मॅथ्यू शॉर्टने 28 धावांचे योगदान दिले. पहिल्या सामन्यातून बाहेर पडलेल्या जॅक फ्रेझर मॅकगर्कने शानदार पुनरागमन करत अर्धशतक झळकावले. आयपीएलमध्ये दिल्ली कॅपिटल्सकडून खेळणाऱ्या मॅकगर्कने 31 चेंडूत 50 धावा केल्या. जोश इंग्लिशने 26 चेंडूत 42 धावांची स्फोटक खेळी खेळली. या सामन्यात स्टॉइनिस (02) आणि टीम डेव्हिड (01) फ्लॉप ठरले. कॅमेरॉन ग्रीन (13 धावा) आणि ॲरॉन हार्डी (20 धावा) यांनी ऑस्ट्रेलियाला 200 च्या जवळ नेले. लिव्हिंगस्टोनने इंग्लंडसाठी शानदार गोलंदाजी केली आणि तीन षटकात 16 धावा देऊन दोन बळी घेतले.

England vs Australia 2nd T20I : 6,6,6,6,6…लियाम लिव्हिंग्स्टनचा कहर, ऑस्ट्रेलियाचा दारुण पराभव Read More »

Esha Deol : ‘त्याने बॉडीला स्पर्श केले अन्…, अभिनेत्री ईशा देओलचा धक्कादायक खुलासा

Leave a Comment / ताज्या बातम्या, मनोरंजन / dnamarathi.com

Esha Deol : बॉलिवूडची लोकप्रिय अभिनेत्री ईशा देओलने एक धक्कादायक खुलासा केला आहे. एका मुलाखतीत बोलताना एका व्यक्तीने तिला अयोग्यरित्या स्पर्श केला होता असा खुलासा ईशाने केला आहे. 2005 मध्ये ‘दस’ चित्रपटाच्या प्रमोशनल इव्हेंटमध्ये ईशा गेली होती, तेव्हा एका व्यक्तीने तिला अयोग्यरित्या स्पर्श केला होता, ज्यामुळे ती खूप घाबरली होती. यानंतर ईशा चिडली आणि तिने त्या व्यक्तीला धडा शिकवला. ईशा देओलने संपूर्ण घटना सांगितली ईशा देओल म्हणाली, ‘पुण्यात ‘दस’ च्या प्रमोशनल इव्हेंट दरम्यान ही घटना घडली, जिथे संजय दत्त, सुनील शेट्टी, झायेद खान आणि अभिषेक बच्चन यांच्यासह अनेक सेलिब्रिटी उपस्थित होते. मी कार्यक्रमात प्रवेश करत असताना गर्दीतील एका व्यक्तीने मला अयोग्यरित्या स्पर्श केला. या काळात माझ्याकडे अनेक बाऊन्सरही होते. त्यावेळी मी त्या माणसाचा हात धरून त्याला बाहेर गर्दीत नेले आणि जोरात मारले. मला सहज राग येत नाही, पण कोणी माझ्या सहनशीलतेची पातळी ओलांडली तर मी प्रतिक्रिया देतो. अशा परिस्थितीत महिलांनी बोलले पाहिजे. फक्त पुरुष शारीरिकदृष्ट्या मजबूत आहेत याचा अर्थ ते आमचा गैरफायदा घेऊ शकतात असे नाही. माझा विश्वास आहे की स्त्रिया भावनिकदृष्ट्या अधिक मजबूत असतात आणि आपण अशा प्रकारचे वर्तन सहन करू नये. लग्नाच्या 12 वर्षानंतर ईशा देओलचा घटस्फोट झाला ईशा देओल ही दिग्गज बॉलिवूड अभिनेते धर्मेंद्र आणि हेमा मालिनी यांची मुलगी आहे. ईशाने 2012 मध्ये बिझनेसमन भरत तख्तानीसोबत लग्न केले. ईशा राध्या आणि मिराया या दोन मुलींची आई आहे. मात्र, फेब्रुवारी 2024 मध्ये लग्नाच्या 12 वर्षानंतर ईशाने भरतला घटस्फोट दिला.

Esha Deol : ‘त्याने बॉडीला स्पर्श केले अन्…, अभिनेत्री ईशा देओलचा धक्कादायक खुलासा Read More »

Navra Maja Navsacha 2 : “नवरा माझा नवसाचा 2” झळकतोय पॅकेज्ड मिनरल वॉटरच्या बॉटलवर

Leave a Comment / ताज्या बातम्या, मनोरंजन / dnamarathi.com

Navra Maja Navsacha 2 : “नवरा माझा नवसाचा 2 या चित्रपटाची सर्वत्र चर्चा आहे. चित्रपटाची गाणी, टीजर, ट्रेलरला प्रचंड प्रतिसाद मिळत आहे. त्यात आता या चित्रपटाला अनोखा मान मिळाला आहे. हा चित्रपट आता सुप्रसिद्ध अशा पॅकेज्ड मिनरल वॉटरच्या बॉटलवर झळकत असून याची चर्चा चांगलीच रंगली आहे. “नवरा माझा नवसाचा 2” हा चित्रपट येत्या 20 सप्टेंबरला प्रदर्शित होत आहे. सुश्रिया चित्र या निर्मिती संस्थेची निर्मिती असलेल्या ‘नवरा माझा नवसाचा 2’ या चित्रपटाची निर्मिती, कथा – पटकथा आणि दिग्दर्शन सचिन पिळगांवकर यांनी केले असून संवाद संतोष पवार यांचे आहेत. अभिनेते सचिन पिळगांवकर, अभिनेत्री सुप्रिया पिळगांवकर, महाराष्ट्र भूषण अशोक सराफ, स्वप्नील जोशी, हेमल इंगळे, निर्मिती सावंत, वैभव मांगले आणि सिद्धार्थ जाधव अशी दमदार स्टारकास्ट आपल्याला या चित्रपटाच्या माध्यमातून भेटीस येणार आहे. चित्रपटाच्या प्रमोशनसाठी अनेक नवनव्या क्लृप्त्या लढवल्या जातात. त्यात आता पॅकेज्ड मिनरल वॉटरच्या पॅकेजिंगवर झळकणं हा नवाच प्रकार आहे. मराठी चित्रपटाच्या इतिहासात पहिल्यांदाच असे घडले असून तो मान “नवरा माझा नवसाचा 2” या चित्रपटाला मिळाला आहे आणि ही नक्कीच अभिमानास्पद गोष्ट आहे.

Navra Maja Navsacha 2 : “नवरा माझा नवसाचा 2” झळकतोय पॅकेज्ड मिनरल वॉटरच्या बॉटलवर Read More »