Chhatrapati Shivaji Maharaj : मालवणमधील राजकोट किल्ल्यातील छत्रपती शिवाजी महाराजांचा पुतळा कोसळल्याप्रकरणी फरार असलेला शिल्पकार जयदीप आपटे याला ठाणे जिल्ह्यातील कल्याण येथून बुधवारी रात्री अटक करण्यात आली.
जयदीप आपटेने तयार केलेला पुतळा उद्घाटनानंतर आठ महिन्यांपेक्षा कमी कालावधीनंतर 26 ऑगस्ट रोजी कोसळला, त्यानंतर सिंधुदुर्ग पोलिस त्याचा शोध घेत होते. त्याच्या शोधासाठी पोलिसांनी सात पथके तयार केली होती.
या प्रकरणात मालवण पोलिसांनी आपटे आणि स्ट्रक्चर कन्सल्टंट चेतन पाटील यांच्यावर निष्काळजीपणा आणि इतर गुन्ह्यांप्रकरणी गुन्हा दाखल केला होता. पाटील यांना गेल्या आठवड्यात कोल्हापुरातून अटक करण्यात आली होती. या घटनेतील आरोपींच्या अटकेवर प्रतिक्रिया देताना भाजप नेते प्रवीण देरकर म्हणाले, आमच्या सरकारवर टीका करणाऱ्यांनी आता तोंड बंद करावे. जयदीप आपटेला अटक करण्यासाठी पोलिसांना थोडा वेळ लागला हे खरे आहे. अटकेचे श्रेय आम्ही घेत नसून पोलिसांनी त्यांचे काम केले आहे.
