Saif Ali Khan : बॉलीवूडमधील लोकप्रिय अभिनेता सैफ अली खानवर एका अज्ञात व्यक्तीने हल्ला केला आहे. या हल्ल्यात अभिनेता सैफ जखमी झाला आणि त्याला मध्यरात्री मुंबईतील लीलावती रुग्णालयात तातडीने दाखल करण्यात आले.
आतापर्यंत समोर आलेल्या माहितीनुसार, सैफवर सहा वेळा चाकूने हल्ला झाला आणि त्याच्या शरीरावर सहा ठिकाणी जखमा झाल्या आहेत. लीलावती रुग्णालयाकडून मिळालेल्या माहितीनुसार, सैफला दोन ठिकाणी गंभीर दुखापत झाली आहे. त्याच्या मणक्याजवळही दुखापत झाली आहे. त्याच्यावर शस्त्रक्रिया झाली. सध्या त्यांची प्रकृती ठीक आहे आणि ते डॉक्टरांच्या देखरेखीखाली आहेत.
सैफ अली खानवर हल्ला का झाला?
मीडिया रिपोर्ट्सनुसार सैफ अली खानवर त्याच्या वांद्रे येथील अपार्टमेंटमध्ये एका अज्ञात व्यक्तीने हल्ला केला. सुरुवातीला असे म्हटले जात होते की चोरीच्या उद्देशाने एक अज्ञात व्यक्ती घरात घुसली होती, परंतु नंतर वेगळीच माहिती समोर आली. ताज्या वृत्तांनुसार, पहाटे 2 वाजताच्या सुमारास एक अज्ञात व्यक्ती त्यांच्या घरात घुसला आणि त्यांच्या घरातील मोलकरणीशी वाद घालत होता. जेव्हा सैफ दोघांमधील भांडण सोडवण्यासाठी आला तेव्हा त्या माणसाने सैफचे काहीही ऐकले नाही आणि अचानक त्याच्यावर चाकूने हल्ला केला. हल्ल्यानंतर तो माणूस पळून गेला आणि सैफ जखमी झाला.
लीलावती रुग्णालयात दाखल
हल्ल्यानंतर, सैफ अली खानला दुपारी 3.30 च्या सुमारास मुंबईतील लीलावती रुग्णालयात दाखल करण्यात आले. डॉक्टरांनी त्याच्यावर लगेच उपचार केले. लीलावती रुग्णालयाचे सीओओ डॉ. नीरज उत्तमानी म्हणाले की, सैफला सहा ठिकाणी दुखापत झाली आहे. पाठीच्या कण्याजवळ गंभीर दुखापत झाली आहे. डॉ. उत्तममणी म्हणतात की सैफवर शस्त्रक्रिया झाली आणि आता त्याची प्रकृती ठीक आहे. वांद्रे पोलिस या प्रकरणाचा तपास करत आहेत. सैफवर हल्ला करणाऱ्या व्यक्तीचा पोलिस शोध घेत आहेत. त्याच वेळी, मोलकरणीची चौकशी केली जाणार असल्याचे समोर येत आहे.