UPSC - DNA मराठी

MPSC Exam 2027 पासून लागू होणार नवा पॅटर्न

Leave a Comment / ऑटोमोबाईल, ट्रेंडिंग, ताज्या बातम्या, हायलाईट / dnamarathi.com

MPSC Exam : महाराष्ट्र लोकसेवा आयोगाने (MPSC) राज्य सेवा मुख्य परीक्षेच्या आराखड्यात अत्यंत महत्त्वाचा आणि मोठा बदल करण्याचा निर्णय घेतला आहे. हा सुधारित परीक्षा पॅटर्न २०२७ पासून लागू केला जाणार असून, आयोगाने यासंदर्भात अधिकृत प्रसिद्धीपत्रक जारी केले आहे. काय आहेत मुख्य परीक्षेतील महत्त्वाचे बदल? भाषा विषय केवळ अर्हताकारी (Qualifying): मराठी आणि इंग्रजी हे दोन्ही भाषा विषयांचे पेपर केवळ पात्रतेसाठी (Qualifying) असतील. उमेदवारांना यामध्ये किमान २५% गुण मिळवणे अनिवार्य असेल. या पेपरांचे गुण अंतिम गुणवत्तेसाठी धरले जाणार नाहीत. एकूण 7 अनिवार्य पेपर मुख्य परीक्षेत आता भाषा विषयांचे २ अर्हताकारी पेपर, १ निबंधाचा पेपर आणि ४ सामान्य अध्ययनाचे (General Studies) पेपर असे एकूण सात अनिवार्य पेपर असतील. गुणवाटप 1250 + 175 (मुलाखत): अंतिम निवड यादी ही १ निबंधाचा पेपर आणि ४ सामान्य अध्ययनाचे पेपर यांच्या एकूण १२५० गुणांवर आधारित असेल. याशिवाय, मुलाखतीसाठी (Interview) १७५ गुण निश्चित करण्यात आले आहेत. या आधी मुख्य परीक्षेचे गुण वाटप 900 गुणांचे होते. बदलांमागील मुख्य कारण सर्वोच्च न्यायालयाच्या विविध मार्गदर्शक तत्त्वांचा विचार करून आणि परीक्षा प्रक्रियेतील त्रुटी दूर करण्याच्या उद्देशाने आयोगाने २५ जून २०२६ रोजीच्या प्रसिद्धीपत्रकानुसार हा निर्णय घेतला आहे. या निर्णयामुळे राज्य सेवा मुख्य परीक्षा अधिक पारदर्शक आणि संतुलित होईल, असा विश्वास व्यक्त करण्यात आला आहे. २०२७ ची परीक्षा देणाऱ्या उमेदवारांनी सुधारित गुणवाटप आणि रचनेनुसार अभ्यासाचे नियोजन करणे आवश्यक आहे. या सुधारित योजनेचा सविस्तर अभ्यासक्रम लवकरच MPSC च्या अधिकृत संकेतस्थळावर उपलब्ध केला जाईल, असे आयोगाने स्पष्ट केले आहे.

MPSC Exam 2027 पासून लागू होणार नवा पॅटर्न Read More »

Pooja Khedkar : मनोरमा खेडकरांना मोठा दिलासा, ‘तो’ आदेश न्यायालयाने फेटाळला

Pooja Khedkar : वादग्रस्त माजी आयएएस अधिकारी पूजा खेडकर पुन्हा एकदा चर्चेत आली आहे. माहितीनुसार, पूजा खेडकर यांची आई मनोरमा खेडकर यांचा शस्त्र परवाना रद्द करण्याचा पुणे पोलीस आयुक्तांचा आदेश मुंबई उच्च न्यायालयाने फेटाळला आहे. न्यायमूर्ती रेवती मोहिते डेरे आणि पृथ्वीराज चव्हाण यांच्या खंडपीठाने 27 नोव्हेंबर रोजी मनोरमा खेडकर यांना यापूर्वी पाठवलेली नोटीस योग्य पद्धतीने नसल्याचे निरीक्षण नोंदवत हे प्रकरण नव्याने विचारासाठी पुणे आयुक्तांकडे पाठवले होते. मनोरमा खेडकर यांनी पुणे पोलीस आयुक्तांच्या शस्त्र परवाना रद्द करण्याच्या आदेशाला आव्हान देत उच्च न्यायालयात धाव घेतली होती. आयुक्तांनी 2 ऑगस्ट रोजी हा आदेश जारी केला होता. मनोरमा यांनी दावा केला की, तिला आपली बाजू मांडण्याची संधी दिली गेली नाही. पीठाने आपल्या आदेशात म्हटले आहे की, मनोरमा खेडकर यांना बजावण्यात आलेली नोटीस तिला कायद्यानुसार रीतसर का रद्द करू नये, याचे कारण दाखवा. त्यामुळे हा आदेश कायम ठेवता येणार नाही, असे उच्च न्यायालयाने म्हटले आहे. धडवली गावात जमिनीच्या वादावरून झालेल्या वादात तो पिस्तूल फिरवताना एका व्हिडिओमध्ये हे प्रकरण उघडकीस आले. या व्हिडिओनंतर लोकांमध्ये संतापाची लाट उसळली आणि 18 जुलै रोजी या प्रकरणी एफआयआर दाखल झाल्यानंतर त्याला रायगडच्या हिरकणीवाडी गावातून अटक करण्यात आली. 23 जुलै रोजी पुणे आयुक्तांनी एफआयआरचा हवाला देत खेडकर यांचा शस्त्र परवाना रद्द करण्याची नोटीस बजावली. खेडकर यांना ऑगस्टमध्ये जामीन मिळाला.