DNA मराठी

dna marathi
Menu

स्पोर्ट्स

Dhruv Jurel :  ध्रुव जुरेल चमकला, थेट महेंद्रसिंग धोनीच्या यादीत स्थान मात्र …….

Leave a Comment / ताज्या बातम्या, स्पोर्ट्स /

Dhruv Jurel : भारतीय संघाने रांची कसोटीमध्ये चमकदार कामगिरी करत इंग्लंडचा पराभव केला आहे. या सामन्यात भारताला आणखी एक स्टार खेळाडू मिळाला आहे. होय, आपल्या पदार्पणापासूनच यष्टिरक्षक फलंदाज ध्रुव जुरेल सोशल मीडियावर चर्चेत आहे.   रांची कसोटीच्या पहिल्या डावात त्याला शतक झळकावण्याची संधी होती मात्र तो 90 धावांवर बाद झाला. यामुळे त्याने आता असा विक्रम केला आहे जो त्याला  लक्षात ठेवायला आवडणार नाही.  रांची कसोटीमध्ये भारतीय संघाने पहिल्या डावात 307 धावा केल्या होत्या. या डावात 171 धावांच्या स्कोअरवर भारताने 7 विकेट गमावल्या होत्या पण ध्रुव जुरेलने चमकदार कामगिरी करत  इंग्लंडच्या मोठ्या आघाडीच्या आशा संपुष्टात आणल्या. ध्रुव जुरेलमुळे इंग्लंडला फक्त 46 धावांची आघाडी घेता आली.  महेंद्रसिंग धोनीच्या यादीत ध्रुवचा समावेश  2012 मध्ये नागपूर कसोटीत महेंद्रसिंग धोनी 99 धावा करून धावबाद झाला होता. तर 2007 मध्ये ओव्हल कसोटीमध्ये तो 92 धावावर बाद झाला होता. तर आता रांची कसोटीमध्ये ध्रुव जुरेल देखील 90 धावांवर बाद झाला आहे.  रांची कसोटीच्या चौथ्या दिवशी भारतीय संघाने इंग्लडचा 5 विकेटने पराभव करत पाच सामन्याच्या मालिकेत 3-1 ने आघाडी घेतली आहे. या सामन्यात चमकदार कामगिरी करणाऱ्या ध्रुव जुरेलला सामनावीर म्हणून घोषित करण्यात आलं आहे.  रांची येथे खेळल्या गेलेल्या मालिकेतील चौथ्या कसोटी सामन्यात इंग्लंडचा कर्णधार बेन स्टोक्सने नाणेफेक जिंकून प्रथम फलंदाजी करण्याचा निर्णय घेतला. जो रूटच्या शतकामुळे संघाने पहिल्या डावात 353 धावा केल्या. भारत पहिल्या डावात अडचणीत सापडला होता आणि संघाने 177 धावांत 7 विकेट गमावल्या होत्या पण येथे कुलदीप यादव आणि ध्रुव जुरेल यांच्या भागीदारीने भारताला 307 धावांपर्यंत नेले.  दुसऱ्या डावात 46 धावांची आघाडी घेऊन मैदानात उतरलेला इंग्लंडचा संघ अवघ्या 145 धावांवर गारद झाला. आर अश्विनने 5 तर कुलदीपने 4 विकेट घेतल्या आणि भारताचा विजय निश्चित केला.

Dhruv Jurel :  ध्रुव जुरेल चमकला, थेट महेंद्रसिंग धोनीच्या यादीत स्थान मात्र ……. Read More »

Maharashtra News: अहमदनगर येथील विशेष मुलांचे राष्ट्रीय पातळीवर निवड

Leave a Comment / ताज्या बातम्या, स्पोर्ट्स /

Maharashtra News : अहमदनगरमध्ये  स्पेशल ऑलिम्पिक भारत अहमदनगर यांच्या मार्फत दि. ३० डिसेंबर २०२३ रोजी  जिल्हास्तरीय स्पर्धेतून १० विद्यार्थ्यांची राज्यस्तरिय स्पर्धेसाठी निवड करण्यात आली होती.   दि. ३० जानेवारी ते ०१ फेब्रुवारी २०२४ दरम्यान स्पेशल ओलंपिक भारत  राज्यस्तरीय चॅम्पियनशिप स्पर्धा ही नागपूर येथिल “राष्ट्रसंत तुकडोजी महाराज विद्यापीठ” येथे पार पडल्या असून या  राज्यस्तरीय स्पर्धेत ०४ सुवर्ण, ०५ रोप्य व २ रजत असे एकून ११ पदकांची कमाई केली.  त्यामध्ये वयोगट २२ ते २९  चि. बाबू यांनी ५० मी. व २५  मी फ्रीस्टाईल स्विमिंग या क्रीडा प्रकारात, प्रथम क्रमांक मिळवून 2 सुवर्ण पदकांची कमाई केली.  चि.जयसिंग यादव यांनी वयोगट २२ ते २९ मध्ये २०० मी. धावणे या क्रीडा प्रकारात प्रथम क्रमांक मिळवून सुवर्ण पदक पटकावले. चि. दिपक पावरा याने १९  ते २१ या वयोगटात १००  मीटर धावणे या क्रीडा प्रकारात प्रथम क्रमांक मिळवून सुवर्ण पदक मिळविले. तसेच त्याने लांब उडीमध्ये द्वितीय क्रमांक मिळवून रौप्य पदकाची कमाई केली. चि. वैभव जाधव यांनी २२ ते २९ या वयोगटात २०० मी. धावणे या  क्रीडा प्रकारात द्वितीय क्रमांक मिळवून रोप्य पदकाची कमाई केली.  चि. कृष्णा याने १६ ते १८ या वयोगटात १०० मी. धावणे या क्रीडा प्रकारात तृतीय क्रमांक मिळवून रजत पदकांची कमाई केली. चि. दिपेंद्र ढमाले याने २२ ते २९ या वयोगटातील २५ मी. फ्रीस्टाईल जलतरण या क्रीडा प्रकारात द्वितीय क्रमांक मिळवून रोप्य पदकाचा मानकरी ठरला. कुमारी मादुरे महंडुळे हिने २२ ते २९ या वयोगटातील १०० मी. धावणे या क्रीडा प्रकारामध्ये द्वितीय क्रमांक मिळवून रौप्य पदकाची मानकरी ठरली.  चि. अजय काकडे याने २२ ते २९ या वयोगटातील २०० मी. धावणे या स्पर्धेत द्वितीय क्रमांक मिळवून रोप्य पदकाचा मानकरी ठरला. चि. रज्जाक गोच्चू याने १६ ते २१ या वयोगटात २०० मी. धावणे या क्रीडा प्रकारात तृतीय क्रमांक मिळवून रजत पदकाचा मान मिळवला. कुमारी प्रेरणा भाटिया हिने १०० मी. धावणे स्पर्धेत चौथा क्रमांक मिळवून सहभाग नोंदवला.  या विशेष ऑलिम्पिक स्पर्धेमध्ये अॅथलेटिक्स, बास्केटबॉल, स्विमिंग, फुटबॉल, हॉलीबॉल, यांसारख्या विविध क्रीडा स्पर्धा होत्या. या स्पर्धेत एकूण ३६ जिल्ह्यांतील एकूण ६००   विद्यार्थ्यांनी व १५० प्रशिक्षकांनी या स्पर्धेत सहभाग नोंदवला.  या स्पर्धेतील विजेत्या खेळाडूंचे बक्षीस वितरण करण्यासाठी  डॉ. सौ. मेधा सोमय्या (अध्यक्ष स्पेशल ऑलिम्पिक भारत महाराष्ट्र), मा. श्री. डॉ. सिद्धार्थ गायकवाड (प्रादेशिक आयुक्त समाजकल्याण विभाग नागपूर), मा. श्री. भगवान तलवारे (क्षेत्र संचालक महाराष्ट्र), मा. श्री. जितेंद्र ढोले (क्रीडा संचालक SOB), मा. श्री. उदय गोजमगुंडे (संचालक) आदि मान्यवर उपस्थित होते.     अहमदनगर येथील सर्व विजेत्या खेळाडूंचे दक्षिण अहमदनगरचे खासदार मा. डॉ. सुजय विखे पाटील, तसेच मा. श्री. राधाकिसन देवढे  (समाज कल्याण अधिकारी अहमदनगर)     सौ. धनश्रीताई विखे पाटील (अध्यक्ष स्पेशल ऑलिम्पिक भारत अहमदनगर) व मा. श्री. डॉ. अभिजीत दिवटे (उपाध्यक्ष स्पेशल ऑलिम्पिक भारत अहमदनगर), यांनी विद्यार्थ्यांचे अभिनंदन केले व राष्ट्रीय पातळीवर निवड झालेल्या पुढील स्पर्धेसाठी शुभेच्छा दिल्या.   मार्गदर्शन करणारे मा. श्री. डॉ. दिपक अनाप, मा. श्री. डॉ. अभिजीत मेरेकर, व मा. श्री. डॉ. किरण आहेर यांनीदेखील विद्यार्थ्यांचे अभिनंदन केले. व पुढील स्पर्धेसाठी शुभेच्छा दिल्या.  तसेच या विद्यार्थ्यांना घडवण्यासाठी या स्पर्धक खेळाडूंना त्यांचे  क्रीडा शिक्षक व प्रशिक्षक श्री संदीप राहणे सर, श्री हर्षल वाणी, श्री. अमोल चौधरी,  श्री शिरसाट सर, श्री. दत्तात्रेय कोलते सर, सौ. सुशीला जाधव मॅडम इ. प्रशिक्षकांचे मार्गदर्शन लाभले. व इतर शिक्षक व शिक्षकेतर कर्मचारी यांचेही खेळाडूंचे  अभिनंदन केले. या सर्व यशस्वी  विद्यार्थ्यांचे सर्वत्र कौतुक होत आहे.

Maharashtra News: अहमदनगर येथील विशेष मुलांचे राष्ट्रीय पातळीवर निवड Read More »

Virat Kohli : भारताला धक्का! तिसऱ्या आणि चौथ्या सामन्यात खेळणार नाही विराट कोहली; ‘हे’ आहे कारण

Leave a Comment / ताज्या बातम्या, स्पोर्ट्स /

Virat Kohli : भारत आणि इंग्लंड यांच्या दरम्यान 5 कसोटी सामन्याची मालिका सुरू आहे. या मालिकेतील दुसऱ्या सामन्यात भारतीय संघाने चमकदारी कामगिरी करत इंग्लंडचा पराभव केला आहे. त्यामुळे आताही मालिका 1-1 ने बरोबरीत आहेत. तर दुसरीकडे पुढील तीन सामन्यासाठी लवकरच भारतीय संघाची घोषणा होणार आहे, मात्र त्यापूर्वी भारतीय संघाला एक मोठा धक्का बसला आहे.  समोर आलेल्या माहितीनुसार भारताचा स्टार फलंदाज विराट कोहली तिसऱ्या आणि चौथ्या कसोटी सामन्यातून बाहेर पडला आहे.  असे मानले जात आहे की विराट कोहली भारताचे आणखी दोन आगामी सामने गमावू शकतो. यामुळे यजमान संघाच्या अडचणी वाढणार हे नक्की.  कोहली तिसरा आणि चौथा सामनाही खेळणार नाही  कसोटी मालिकेत आघाडी घेण्याच्या इराद्याने भारतीय संघ 15 फेब्रुवारीला तिसरा सामना खेळणार आहे. हा सामना राजकोटच्या मैदानावर खेळला जाईल. हा कसोटी सामना सुरू होण्याआधी टीम इंडियाच्या अडचणी खूप वाढल्या आहेत.  म्हणून कोहली खेळू शकणार नाही भारतीय संघातील दिग्गज खेळाडूंपैकी एक विराट कोहली आगामी दोन सामन्यांमध्ये सहभागी होणार नाही, ज्याचे कारण जाणून घेणे खूप महत्त्वाचे आहे.  बीसीसीआयने ही माहिती दिली. बीसीसीआयने सांगितले होते की, किंग कोहली वैयक्तिक कारणांमुळे पहिल्या दोन कसोटींमधून बाहेर पडला आहे. यानंतर दक्षिण आफ्रिकेचा माजी कर्णधार एबी डिव्हिलियर्सने खुलासा केला होता की कोहली दुसऱ्यांदा पिता होणार आहे आणि त्यामुळे तो संघासोबत नाही.  सध्या भारतीय संघ स्वतःच्या होस्टिंग अंतर्गत 5 कसोटी सामन्यांची मालिका खेळत आहे. दोन सामने खेळले गेले आहेत, ज्यामध्ये दोन्ही संघ 1-1 ने बरोबरीत आहेत. आता सगळ्यांचे लक्ष शेवटच्या तीन सामन्यांवर लागले आहे.

Virat Kohli : भारताला धक्का! तिसऱ्या आणि चौथ्या सामन्यात खेळणार नाही विराट कोहली; ‘हे’ आहे कारण Read More »

WTC Point Table: न्यूझीलंडने दिला भारत-ऑस्ट्रेलियाला धक्का! WTC गुणतालिकेत मोठा बदल

Leave a Comment / ताज्या बातम्या, स्पोर्ट्स /

WTC Point Table : न्यूझीलंडने आयसीसी वर्ल्ड टेस्ट चॅम्पियनशिप 2023-25 गुणतालिकेत अव्वल स्थान गाठले आहे. दक्षिण आफ्रिकेवर 281 धावांनी शानदार विजय मिळवल्यानंतर न्यूझीलंडने गुणतालिकेत अव्वल स्थानावर झेप घेतली आहे. आयसीसी वर्ल्ड टेस्ट चॅम्पियनशिप पॉइंट टेबलच्या ताज्या अपडेटमध्ये, न्यूझीलंडच्या दक्षिण आफ्रिकेविरुद्धच्या जोरदार विजयाने त्यांना प्रतिष्ठित अव्वल स्थानावर नेले आहे. दोन सामन्यांच्या मालिकेतील पहिल्या कसोटीतील त्यांच्या प्रभावी कामगिरीने त्यांना केवळ दणदणीत विजय मिळवून दिला नाही तर चॅम्पियनशिपमधील त्यांच्या स्थितीत लक्षणीय वाढही झाली. दरम्यान, न्यूझीलंडच्या यशामुळे ऑस्ट्रेलिया आणि भारत या दोन्ही संघांना धक्का बसला. इंग्लंडविरुद्धच्या विजयानंतर डब्ल्यूटीसी गुणतालिकेत आधी दुसऱ्या स्थानावर असलेला भारत आता तिसऱ्या क्रमांकावर घसरला आहे, तर न्यूझीलंडच्या वाढीमुळे ऑस्ट्रेलियाला दुसऱ्या स्थानावर ढकलले आहे. न्यूझीलंडच्या उत्कृष्ट विक्रमामध्ये या चक्रात खेळल्या गेलेल्या तीन कसोटी सामन्यांपैकी दोन विजयांचा समावेश आहे, परिणामी गुणांची टक्केवारी 66.66 इतकी आहे. ऑस्ट्रेलियाने दहा सामन्यांतून सहा विजयांसह 55.00 गुणांची टक्केवारी राखली आहे. तर भारताने सहा कसोटी सामन्यांमध्ये तीन जिंकले आहेत आणि दोन गमावले आहेत आणि एक अनिर्णित आहे, परिणामी गुणांची टक्केवारी 52.77 आहे. इतरत्र क्रमवारीत बांगलादेश चौथ्या स्थानावर आहे, तर पाकिस्तान पाचव्या स्थानावर आहे. दक्षिण आफ्रिकेच्या पराभवामुळे त्यांची सातव्या स्थानावर घसरण झाली आहे तर वेस्ट इंडिज, इंग्लंड आणि श्रीलंका अनुक्रमे सहाव्या, आठव्या आणि नवव्या स्थानावर आहेत. नुकत्याच झालेल्या सामन्यात न्यूझीलंडच्या उत्कृष्ट कामगिरीमुळे पहिल्या डावात 511 धावांची मजबूत धावसंख्या उभी राहिली, ज्यात दक्षिण आफ्रिकेचा डाव अवघ्या 162 धावांवर आटोपला.  दुसऱ्या डावात 178/4 वर डाव घोषित केल्याने दक्षिण आफ्रिकेचा डाव 247 धावांवर संपुष्टात आल्याने आणखी एका प्रभावी कामगिरीसाठी मजल मारली.

WTC Point Table: न्यूझीलंडने दिला भारत-ऑस्ट्रेलियाला धक्का! WTC गुणतालिकेत मोठा बदल Read More »

IND vs ENG: भारताला मोठा धक्का, विराट कोहली पहिल्या दोन कसोटींमधून बाहेर! ‘हे’ आहे कारण

Leave a Comment / ताज्या बातम्या, स्पोर्ट्स /

IND vs ENG: 25 जानेवारीपासून भारत आणि इंग्लंड दरम्यान कसोटी मालिका सुरू होणार आहे. मात्र या मालिकेपूर्वीच भारतीय संघाला एक मोठा झटका बसला आहे. संघाचा स्टार खेळाडू आणि माजी कर्णधार विराट कोहली पहिल्या दोन कसोटी सामन्यांसाठी बाहेर पडला आहे. यामुळे सोशल मीडियावर अनेक चर्चांना उधाण आले आहे. हे जाणुन घ्या की, दोन्ही संघांमध्ये पाच कसोटी सामन्यांची कसोटी मालिका खेळवली जाणार आहे. या मालिकेतील पहिला सामना 25 जानेवारी रोजी हैदराबादमध्ये होणार आहे. बीसीसीआयने पहिल्या दोन कसोटी सामन्यांसाठी टीम इंडियाची घोषणा केली होती. मात्र, विराटच्या बाहेर पडल्यानंतर संघाला अनुभवी खेळाडूची गरज भासणार आहे, त्यासाठी संघ लवकरच विराटच्या बदलीची घोषणा करणार आहे. विराट वैयक्तिक कारणांमुळे बाहेर  विराट कोहलीने वैयक्तिक कारणांमुळे पहिल्या दोन कसोटी सामन्यांमधून आपले नाव मागे घेतले आहे. विराटने बीसीसीआयला पहिल्या दोन कसोटी सामन्यांमधून आपले नाव मागे घेण्याची विनंती केली होती. मात्र, विराटने कर्णधार रोहित शर्मा, संघ व्यवस्थापन आणि निवड समितीशीही चर्चा केली. यानंतर बीसीसीआयमध्ये त्याच्या निर्णयाचा पूर्ण आदर करण्यात आला आणि बोर्ड आणि संघ व्यवस्थापनाने या स्टार फलंदाजाला पाठिंबा दिला आहे. बीसीसीआयचे मीडिया आणि चाहत्यांना आवाहन भारतीय क्रिकेट नियामक मंडळाने मीडिया आणि चाहत्यांना विनंती केली आहे की त्यांनी विराट कोहलीच्या वैयक्तिक कारणास्तव गोपनीयतेचा आदर करावा आणि त्याच्या निर्णयावर अंदाज लावणे टाळावे. बीसीसीआयने विराटच्या या निर्णयाशी पूर्णपणे सहमत असल्याचे स्पष्ट केले असून मीडिया आणि चाहत्यांना विनंतीही केली आहे. पहिल्या दोन कसोटी सामन्यांनंतर विराट कोहली संघात सामील होऊ शकतो. बीसीसीआयने विराट कोहलीच्या बदलीची घोषणा अद्याप केलेली नाही. बीसीसीआयने आपल्या प्रसिद्धीपत्रकात म्हटले आहे की, ते लवकरच विराटच्या बदलीची घोषणा करतील. विराटच्या जागी चेतेश्वर पुजारा किंवा अजिंक्य रहाणे यांची निवड होऊ शकते, याचा अंदाज बांधला जाऊ शकतो. कारण विराट कोहलीच्या जागी एखाद्या अनुभवी खेळाडूलाच संधी मिळायला हवी, जो विराटसारख्या मालिकेत महत्त्वाची भूमिका बजावू शकेल. पहिल्या दोन कसोटींसाठी टीम इंडिया रोहित शर्मा (कर्णधार), शुभमन गिल, यशस्वी जैस्वाल, श्रेयस अय्यर, केएल राहुल (यष्टीरक्षक), केएस भरत (यष्टीरक्षक), ध्रुव जुरेल (यष्टीरक्षक), रविचंद्रन अश्विन, रवींद्र जडेजा, अक्षर पटेल, कुलदीप यादव, मोहम्मद कुमार सिराज, मुहम्मद कुमार. , जसप्रीत बुमराह आणि आवेश खान.

IND vs ENG: भारताला मोठा धक्का, विराट कोहली पहिल्या दोन कसोटींमधून बाहेर! ‘हे’ आहे कारण Read More »

IPL 2024 : मुंबईकरांना धक्का,हार्दिक पांड्या आयपीएलमधून होणार आऊट? अनेक चर्चांना उधाण

Leave a Comment / ताज्या बातम्या, स्पोर्ट्स /

IPL 2024 : आयपीएल 2024 साठी तयारी सूरु झाली आहे. काही दिवसापूर्वी आयपीएल 2024 साठी दुबईमध्ये मिनी लिलाव देखील झाला होता.  या लिलावामध्ये ऑस्ट्रेलियाचा स्टार गोलंदाज मिचेल स्टार्क सर्वात महाग विकला गेला. तर दुसरीकडे मीडिया रिपोर्ट्सनुसार 22 मार्चपासून आयपीएल 2024 सूरू होणार आहे.  आयपीएल लिलावापूर्वीच मुंबई इंडियन्सने गुजरात टायटन्सचा कर्णधार हार्दिक पांड्याला ट्रेड करून आपल्या संघात समाविष्ट केले  आणि त्याला कर्णधार बनवून सर्वांना आश्चर्यचकित केले.  आता अशी चर्चा आहे की, हार्दिक पांड्याचा आयपीएलच्या पुढील मोसमातील सहभाग धोक्यात आहे. जर असा झाला तर मुंबई इंडियन्सच्या चाहत्यांना हा एक जोरदार धक्का असेल. गुजरात टायटन्सकडून ट्रेड झालेल्या हार्दिक पांड्याला मुंबई इंडियन्सकडून खेळण्याची फारशी शक्यता नाही. तो अजूनही दुखापतग्रस्त आहे. त्यामुळे आयपीएलच्या मोसमातही त्याला तंदुरुस्त होणे कठीण जाईल, असे मानले जात आहे. असे झाल्यास मुंबई इंडियन्ससाठी हा मोठा धक्का असेल.  मुंबईने रोहित शर्माला कर्णधारपदावरून हटवून संघाची कमान हार्दिक पांड्याकडे सोपवली आहे. या निर्णयामुळे चाहत्यांमध्ये निराशा पसरली होती, परंतु मुंबई फ्रँचायझीच्या काही लोकांनी हा सर्वांच्या संमतीने घेतलेला निर्णय असल्याचे म्हटले आहे. हार्दिक पंड्या खेळणार की नाही याबाबत अधिकृतरित्या अद्याप काहीही सांगण्यात आलेले नाही, मात्र मीडिया रिपोर्ट्समध्ये हा मोठा दावा केला जात आहे. अष्टपैलू हार्दिक पंड्या हा गुजरात टायटन्सचा दोन हंगाम कर्णधार आहे. पांड्याने कर्णधार म्हणून पहिल्या सत्रात गुजरात टायटन्सला आयपीएलचे विजेतेपद मिळवून दिले. दुसरीत उपविजेती ठरली. दोन्ही वेळा पांड्याने घेतलेले निर्णय आणि त्याची फलंदाजी चमकदार होती.

IPL 2024 : मुंबईकरांना धक्का,हार्दिक पांड्या आयपीएलमधून होणार आऊट? अनेक चर्चांना उधाण Read More »

Rishabh Pant: क्रिकेट चाहत्यांना आनंदाची बातमी! ‘या’ दिवशी संघात परतणार ऋषभ पंत

Leave a Comment / ताज्या बातम्या, स्पोर्ट्स /

Rishabh Pant : भारतीय क्रिकेट संघाचा स्टार फलंदाज ऋषभ पंत पुन्हा एकदा भारतीय संघात दिसणार आहे. ऋषभ पंत रस्ता अपघातात गंभीर जखमी झाल्यामुळे बऱ्याच दिवसांपासून मैदानाबाहेर आहे. यामुळे तो मैदानावर कधी परतणार याची चर्चा सध्या सूरू आहे.  तर दुसरीकडे समोर आलेल्या माहितीनुसार, ऋषभ पंत IPL 2024 मध्ये खेळताना दिसू शकतो. असे झाल्यास दिल्ली कॅपिटल्ससाठी ही एक मोठी आनंदाची बातमी असेल. मात्र अद्याप त्याच्या पुनरागमनाबद्दल अधिकृतपणे काहीही सांगण्यात आले नसले तरी मीडिया रिपोर्ट्समध्ये असे दावे केले जात आहेत. ऋषभ पंत रस्ता अपघातात जखमी झाला होता संघाचा स्फोटक फलंदाज ऋषभ पंत रस्ता अपघातात गंभीर जखमी झाला होता. त्यानंतर त्याच्यावर रुग्णालयात उपचार करण्यात आले. एवढेच नाही तर दुखापतीमुळे तो वर्ल्ड कप 2023 मध्ये भारतीय संघात सहभागी होऊ शकला नव्हता.

Rishabh Pant: क्रिकेट चाहत्यांना आनंदाची बातमी! ‘या’ दिवशी संघात परतणार ऋषभ पंत Read More »

Ahmednagar News: 31 डिसेंबरपर्यंत शिवछत्रपती पुरस्कारांच्या यादीत योगाचा समावेश: आ. सत्यजीत तांबे यांच्या पाठपुराव्याला यश

Leave a Comment / ताज्या बातम्या, राजकीय, स्पोर्ट्स /

Ahmednagar News:  निरोगी आणि सकारात्मक आयुष्य जगण्यासाठीचा महत्त्वाचा क्रीडाप्रकार अशी ओळख असलेल्या योगविद्येचा समावेश आता शिवछत्रपती पुरस्कारांच्या यादीतही होणार आहे.  गेल्या दोन अधिवेशनांपासून आमदार सत्यजीत तांबे यांनी योगाला क्रीडाप्रकाराचा दर्जा द्यावा व या खेळाचा समावेश शिवछत्रपती पुरस्कारांच्या यादीत व्हावा, यासाठी पाठपुरावा केला होता. आता हिवाळी अधिवेशनातही त्यांनी याबाबतचा प्रश्न उपस्थित केला. क्रीडामंत्री संजय बनसोड यांनी 31 डिसेंबरच्या आत नियमावली तयार करून शिवछत्रपती पुरस्कारांच्या यादीत योगाचा समावेश केला जाईल, असं आश्वासन दिलं. त्यामुळे आ. सत्यजीत तांबे यांनी आणखी एक प्रश्न तडीला लावल्याची भावना व्यक्त होत आहे.  भारतीय संस्कृतीत उगम झालेली योगविद्या ही निरोगी आयुष्यासाठी अत्यावश्यक आहे. योगविद्येचा अभ्यास करणाऱ्यांना शारीरिक फायद्यांसोबतच मानसिक स्वास्थ्यही लाभते. त्यामुळे योगासनांचा समावेश क्रीडाप्रकारांत व्हावा, अशी मागणी आमदार सत्यजीत तांबे यांनी आमदार झाल्यानंतरच्या पहिल्याच अर्थसंकल्पीय अधिवेशनात केली होती. तसंच योगासनं करणाऱ्यांचा विचार शिवछत्रपती पुरस्कारांसाठी व्हावा व या पुरस्कारांच्या यादीत योगाचा समावेश व्हावा, याबाबतही ते आग्रही होते. त्यानुसार योगविद्येला क्रीडाप्रकाराचा दर्जा याआधीच मिळाला होता. आता हिवाळी अधिवेशनात पुन्हा एकदा आ. तांबे यांनी योगाचा समावेश शिवछत्रपती पुरस्कारांच्या यादीत व्हावा, याबाबत प्रश्न उपस्थित केला. या प्रश्नाला क्रीडामंत्री संजय बनसोड यांनी सकारात्मक प्रतिसाद देत 31 डिसेंबरच्या आधीच याबाबत नियमावली तयार केली जाईल, अशी ग्वाही सभागृहाला दिली. 9 खेळांचा शालेय राष्ट्रीय क्रीडा स्पर्धेत समावेश व्हावा! स्कुल फेडरेशन ऑफ इंडियाने रोलबॉल, आट्यापाट्या, बॉल बॅडमिंटन, सिकई-मार्शल आर्ट, थ्रो बॉल, डॉज-बॉल, टेनिक्वाईट, शूटिंग बॉल आणि कॅरम हे खेळ शालेय राष्ट्रीय क्रीडा स्पर्धांमधून वगळले होते. त्यामुळे हे खेळ खेळणारे खेळाडू ग्रेस मार्क, सरकारी नोकरीत पाच टक्के आरक्षण अशा सुविधांपासून वंचित झाले होते. हा या खेळाडूंवर अन्याय आहे.  परिणामी स्कुल फेडरेशन ऑफ इंडियाने हे नऊ खेळ वगळण्याच्या आपल्या निर्णयाचा पुनर्विचार करायला हवा, अशी मागणी आ. सत्यजीत तांबे यांनी केली. या मागणीची दखल घेत खेळाडूंच्या अडचणींचा आणि भवितव्याचा विचार करून या खेळांचा समावेश शालेय राष्ट्रीय क्रीडा स्पर्धेत करण्यासाठी योग्य ती कार्यवाही केली जात असल्याचं स्पष्टीकरण दिलं.

Ahmednagar News: 31 डिसेंबरपर्यंत शिवछत्रपती पुरस्कारांच्या यादीत योगाचा समावेश: आ. सत्यजीत तांबे यांच्या पाठपुराव्याला यश Read More »

Hingoli News: पुण्याचा ‘सतेज क्रीडा मंडळ’ कबड्डीचा नवा सम्राट!!

Leave a Comment / मनोरंजन, स्पोर्ट्स /

Hingoli News: मागील तीन दिवसापासून रामलीला मैदानावर सुरू असलेल्या राज्यस्तरीय कबड्डी चषक 2023 च्या अंतिम सामन्यात बी. सी. फाउंडेशन (पुणे) आणि सतेज क्रीडा मंडळ (पुणे) या दोन संघात झालेल्या चुरशीच्या सामन्यात पुण्यातील सतेज क्रीडा मंडळ  या संघाने बाजी मारली.  त्यामुळे वसुंधरा फाउंडेशन तर्फे आयोजित तिसऱ्या कबड्डी चषक 2023 चषकाचा मानकरी संघ सतेज क्रीडा मंडळ हा ठरला. या संघाला दोन लाख रुपयाचा धनादेश आणि सन्मानपत्र देऊन गौरविण्यात आले.  मागील तीन दिवसापासून हिंगोलीच्या रामलीला मैदानावर सुरू असलेल्या या स्पर्धेच्या अंतिम सामन्यात सतेज क्रीडा मंडळने पुण्यातीलच डी. सी. फाउंडेशनचा पराभव केला. या सामन्यात दोन्ही संघांनी एकमेकांना टक्कर दिली.  परंतु, शेवटच्या क्षणी सतेज क्रीडा मंडळाने एक पल्ला मारत विजय मिळवला. या विजयाबद्दल सतेज क्रीडा मंडळाचे प्रशिक्षक आणि खेळाडू खूप उत्साहित आहेत. त्यांनी या विजयाचे श्रेय आपल्या संघाच्या कठोर मेहनतीला दिले. सतेज क्रीडा मंडळाच्या या विजयामुळे महाराष्ट्रातील कबड्डीच्या चाहत्यांना मोठी प्रेरणा मिळाली आहे. या विजयामुळे महाराष्ट्रातील कबड्डीचा पुढचा भविष्य उज्ज्वल दिसत आहे, असे मत वसुंधरा फाऊंडेशन च्या अध्यक्षा मनीषा काटकर यांनी व्यक्त केले.  स्पर्धेचे निकाल प्रथम क्रमांक: सतेज क्रीडा मंडळ (पुणे)  द्वितीय क्रमांक: बी. सी. फाउंडेशन (पुणे)  तिसरा क्रमांक: शिवमुद्रा क्रीडा मंडळ, कोल्हापूर  चौथा क्रमांक: मिड लाईन संघ , रायगड  स्पर्धेतील उत्कृष्ट चढाई: धीरज बैलमारे, मिड लाईन, रायगड स्पर्धेतील सर्वोत्कृष्ट पकड: वैभव राकडे, शिवमुद्रा संघ, कोल्हापूर स्पर्धेतील सर्वोत्कृष्ट खेळाडू: अक्षय सूर्यवंशी, डी. सी. फाउंडेशन, पुणे  कबड्डी स्पर्धेच्या यशस्वीतेसाठी गोविंद डिके – पाटील, नीलेश तिडके, नीलेश नाथ, दिनेश मंगिराज, अक्षय झायले, राहुल सोनवणे, गजानन काळेवर, जगन्नाथ भगत, जगदीश खंदारे, विशाल शिंदे आणि स्वप्नील बदक यांनी परिश्रम घेतले.

Hingoli News: पुण्याचा ‘सतेज क्रीडा मंडळ’ कबड्डीचा नवा सम्राट!! Read More »

T20 World Cup: रोहित-हार्दिकला बीसीसीआय देणार धक्का; ‘या’ खेळाडूला मिळणार टीम इंडियाचा कर्णधार पद

Leave a Comment / ताज्या बातम्या, स्पोर्ट्स /

T20 World Cup:  दक्षिण आफ्रिकेविरुद्ध तिसऱ्या टी – 20 मध्ये धमाकेदार विजय मिळूवुन भारतीय संघाने दक्षिण आफ्रिकेविरुद्ध टी-20 मालिका 1-1 ने बरोबरीत राखली.  या मालिकेनंतर आता सूर्यकुमार यादव 2024 मध्ये होणाऱ्या आगामी टी-20 विश्वचषकात टीम इंडियाच्या कर्णधारपदासाठी प्रबळ दावेदार म्हणून उदयास आला आहे. सध्या कर्णधार म्हणून सूर्यकुमार यादवची सातत्याने चांगली कामगिरी लक्ष वेधून घेत आहे. जून 2024 मध्ये वेस्ट इंडिज आणि अमेरिकेत टी-20 वर्ल्ड कप होणार आहे. स्पर्धेची तयारी सुरू असताना संघाचे नेतृत्व कोण करणार या महत्त्वाच्या प्रश्नाचे उत्तर कोणाकडेच नाही. अनुभवी खेळाडू रोहित शर्मा आणि हार्दिक पंड्या, ज्यांना यापूर्वी टी-20 संघाचे कर्णधारपद देण्यात आले होते, ते अनिश्चिततेचा सामना करत आहेत. दुखापतीमुळे हार्दिक पंड्याच्या अनुपस्थितीमुळे T20 संघातील नेतृत्व शून्य झाले आहे. एकदिवसीय विश्वचषकादरम्यान त्याच्या दुखापतीमुळे तो खेळापासून दूर राहिला आणि त्याच्या पुनरागमनाबद्दल प्रश्न कायम आहेत. रोहित शर्मा देखील नियमितपणे T20 सेटअपचा भाग नसल्यामुळे, निवडकर्त्यांसमोर T20 विश्वचषकासाठी कर्णधार निवडण्यात पेचप्रसंग आहे. या परिस्थितीत, सूर्यकुमार यादवने कर्णधार म्हणून वचन दिले आहे, ज्यामुळे भारताने ऑस्ट्रेलियाविरुद्ध T20 मालिकेत 4-1 असा विजय मिळवला. यानंतर त्याने दक्षिण आफ्रिकेविरुद्धची टी-20 मालिका 1-1 अशी बरोबरीत राखली.  सूर्यकुमारचे कर्णधारपद यशस्वी ठरले आहे आणि त्याने बॅटनेही आपला फॉर्म कायम ठेवला आहे, त्यामुळे त्याच्या कामगिरीवर अतिरिक्त दडपणाच्या परिणामाची चिंता दूर केली आहे. भारत अफगाणिस्तानविरुद्धच्या 3 सामन्यांच्या मायदेशात टी-20 मालिकेसाठी तयारी करत असताना, कर्णधारपदाचा प्रश्न चर्चेत आहे.  सूर्यकुमार यादव टी-20 विश्वचषकात संघाचे कर्णधारपद भूषवणार की नाही आणि केवळ तीन टी-20 मालिकेनंतर कर्णधारपदाची जबाबदारी सोपवणे हा योग्य निर्णय आहे की नाही, या निवडकर्त्यांसाठी महत्त्वाच्या बाबी आहेत.  अफगाणिस्तानविरुद्धची आगामी मालिकेमध्ये टी-20 वर्ल्ड कपसाठी भारतीय संघाचा कर्णधार कोण होणार हे चित्र स्पष्ट होऊ शकते.

T20 World Cup: रोहित-हार्दिकला बीसीसीआय देणार धक्का; ‘या’ खेळाडूला मिळणार टीम इंडियाचा कर्णधार पद Read More »