MS Dhoni

MS Dhoni : आयपीएल 2026 मध्ये चेन्नई सुपर किंग्जच्या प्ले-ऑफमध्ये पोहोचण्याच्या आशा अद्याप पूर्णपणे मावळलेल्या नाहीत. पण कोलकाता नाईट रायडर्सच्या विजयानंतर, संघाचा पुढील मार्ग कठीण झाला आहे. अव्वल चार स्थानांच्या शर्यतीत सध्या कोलकाता नाईट रायडर्स, राजस्थान रॉयल्स आणि पंजाब किंग्ज हे संघ चेन्नई सुपर किंग्जच्या पुढे असल्याचे दिसून येत आहे. दरम्यान, दिल्ली कॅपिटल्स आणि CSK या दोन्ही संघांकडे प्ले-ऑफमध्ये पोहोचण्याची संधी अजूनही आहे मात्र, असे करण्यासाठी त्यांना इतर संघांच्या सामन्यांच्या निकालांवर अवलंबून राहावे लागेल. धोनी कधी खेळणार सध्या CSK आणि दिल्ली कॅपिटल्स या दोन्ही संघांचा ‘नेट रन रेट’ (Net Run Rate) निगेटिव्ह आहे, ज्यामुळे त्यांच्या अडचणींमध्ये आणखीच भर पडली आहे. चेन्नई सुपर किंग्जसाठी सर्वात निराशाजनक बाब म्हणजे, संपूर्ण हंगामात धोनीला एकही सामना खेळता आलेला नाही. शिवाय, अनेक खेळाडूंना झालेल्या दुखापतींमुळे संघ डिस्टर्ब झाला आहे. चेन्नई सुपर किंग्जचा लीग फेरीतील शेवटचा सामना आज, 21 मे रोजी गुजरात टायटन्सविरुद्ध होणार आहे. या सामन्यात धोनी खेळणार नाही पण संघाचे फलंदाजी प्रशिक्षक (Batting Coach) माईक हसी यांनी स्पष्ट केले आहे की, जर संघाने प्ले-ऑफसाठी पात्रता मिळवली, तर धोनी पुन्हा संघात सामील होईल आणि कदाचित प्ले-ऑफचे सामने खेळू शकेल. CSK च्या पात्रतेची शक्यता कठीण गुजरात टायटन्सविरुद्धच्या सामन्यापूर्वी बोलताना माईक हसी म्हणाले, “मी या गोष्टीची पुष्टी करू शकतो की, तो सध्या संघासोबत नाही. त्याच्या अंगठ्याला किरकोळ दुखापत झाली आहे, परंतु तो वेगाने सावरत आहे. या सामन्यासाठी तो अद्याप पूर्णपणे सज्ज नाही तरीही, जर आम्ही प्ले-ऑफसाठी पात्रता मिळवण्यात यशस्वी झालो, तर तो पुन्हा संघात सामील होईल अशी आम्हाला आशा आहे.” सध्याची परिस्थिती पाहता, चेन्नई सुपर किंग्जपुढील पुढील वाटचाल सोपी दिसत नाही. संघाला केवळ आपला शेवटचा सामना जिंकणेच आवश्यक नाही, तर दिल्ली कॅपिटल्स, पंजाब किंग्ज आणि राजस्थान रॉयल्स या संघांनी त्यांचे शेवटचे सामने मोठ्या फरकाने गमावावेत, अशीही त्यांना आशा करावी लागेल. जेणेकरून ‘नेट रन रेट’च्या गणितात CSK ला फायदा मिळू शकेल.