DNA मराठी

dna marathi
Menu

Maharashtra Latest Update

raj thackeray

Raj Thackeray: राज ठाकरे अन् CM फडणवीस यांची भेट; अर्धातास चर्चा, पुन्हा राजकीय भूकंप?

Leave a Comment / ताज्या बातम्या, राजकीय /

Raj Thackeray : पुढील काही दिवसांमध्ये स्थानिक स्वराज्य संस्थांच्या निवडणुकीसाठी कार्यक्रम जाहीर होणार असून यासाठी राजकीय पक्षांकडून देखील वेगाने हालचाली पहायला मिळत आहे. यातच राज्यातील राजकारणातील एक सर्वात मोठी बातमी समोर आली आहे. या बातमीनुसार मनसे अध्यक्ष राज ठाकरे यांनी राज्याचे मुख्यमंत्री देवेंद्र फडणवीस यांची भेट घेतली आहे. राज ठाकरे यांच्या या भेटीमागचे कारण आतापर्यंत गुलदस्त्यात असल्याचे अनेक चर्चांना उधाण आले आहे. मुख्यमंत्री निवासस्थान वर्षा येथे राज ठाकरे आणि देवेंद्र फडणवीस यांची भेट झाली आहे. या भेटीदरम्यान दोघांमध्ये तब्बल अर्धातास चर्चा झाली असल्याची देखील माहिती समोर आली आहे. तर दुसरीकडे गेल्या काही दिवसांपासून राज ठाकरे आणि उद्धव ठाकरे एकत्र येणार असल्याची चर्चा सुरू आहे. मात्र याच दरम्यान राज ठाकरे यांनी वर्षा बंगल्यावर मुख्यमंत्री देवेंद्र फडणवीस यांची भेट घेतल्याने राज ठाकरे आगामी स्थानिक स्वराज्य संस्थांच्या निवडणुकीसाठी भाजप आणि महायुतीसोबत जाणार का? असा प्रश्न आता राजकीय वर्तुळात उपस्थित करण्यात येत आहे. उद्धव ठाकरे यांच्याकडून मुंबई महानगर पालिका ताब्यात घेण्यासाठी भाजपकडून प्रयत्न सुरू आहे. त्यामुळे मुंबई महानगर पालिका निवडणुकीत राज ठाकरे यांची भूमिका महत्वाची असणार असल्याची देखील सध्या चर्चा राजकीय वर्तुळात होताना दिसत आहे.

Raj Thackeray: राज ठाकरे अन् CM फडणवीस यांची भेट; अर्धातास चर्चा, पुन्हा राजकीय भूकंप? Read More »

Maharashtra News: डायरेक्ट मुख्यमंत्री देवेंद्र फडणवीस यांना फोन, MIDC मधील अधिकारी भेटेना, उद्योजक हैराण

Leave a Comment / ताज्या बातम्या, राजकीय /

Maharashtra News : एमआयडीसी मधील अधिकारी उद्योजकांना भेटत नाहीत अशा अनेक तक्रारी वारंवार येत असतात एमआयडीसी मधील वरिष्ठ अधिकारी वेळ देऊनही भेट देण्यास टाळाटाळ करत असल्याची तक्रारी यापूर्वीही झाले आहेत याबाबत एका उद्योजकाने डायरेक्ट मुख्यमंत्री देवेंद्र फडणवीस यांना फोन लावून एमआयडीसीमध्ये लेखावर्ष अधिकाऱ्याची तक्रार केली आहे. यावर फडणवीस काय निर्णय घेतात हे पाहणं महत्त्वाचं ठरणार आहे. अहिल्यानगर शहरापासून एमआयडीसीमध्ये उद्योजकांना अनेक समस्यांना सामोरे जावे लागत आहे त्यात एमआयडीसी मधील वरिष्ठ अधिकारी उद्योजकांना ऑफिसला बोलवून घेऊन ते स्वतः बाहेर निघून जातात असे प्रकरण समोर आले आहे, एमआयडीसी मधील उप अभियंता एस एस बडगे यांच्या विरोधात खास करून या तक्रारी आहेत किलोस्कर सारख्या मोठ्या कंपनीच्या अधिकाऱ्यांना कराल यात बोलून ठेवले सदरचे अधिकारी हे अधिकाऱ्यांना भेटण्यासाठी पुण्याहून नगरला आले होते. मात्र उप अभियंता पडदे यांनी त्यांना जवळपास तीन तास बसवले तरीही ते आले नाही अशा प्रकारे अनेक तक्रारी पडदे यांच्या विरोधात करण्यात आले आहे. मुख्यमंत्री देवेंद्र फडणवीस यांना फोननगर एमआयडीसी मधील वरिष्ठ अधिकारी जाणीवपूर्वक कंपनीच्या अधिकाऱ्यांना भेटणं टाळत असतात यामुळे कंपन्यांचा विस्तार होण्यास अडचणीत असल्याचं उद्योजकांनी म्हटल आहे कुठल्याही काम वेळेवर होत नसल्याने उद्योजक हैराण झाले आहेत अभियंता यांच्या विरोधात राज्याचे मुख्यमंत्री देवेंद्र फडणवीस यांच्याकडे एका उद्योजकाने डायरेक्ट तक्रार केली आहे त्यामुळे देवेंद्र फडणवीस यावर काय कार्य करतात हे पाहणं महत्त्वाचं ठरणार आहे, अर्थपूर्ण समजण्यासाठी अधिकाऱ्यांना भेट टाळण्याची शक्यता उद्योजक उद्योगातील कामासाठी अधिकाऱ्यांना भेटण्यासाठी फोन करून पूर्व परवानगी घेतली जाते. परंतु, एमआयडीसीतील काही वरिष्ठ अधिकारी हे जाणीवपूर्वक भेट घेत नाहीत, अर्थपूर्ण तडजोडीचे बोलावे म्हणून उद्योजकान भेट घेण्यास टाळाटाळ केली जाते अशी चर्चा उद्योजकांमध्ये आहे.

Maharashtra News: डायरेक्ट मुख्यमंत्री देवेंद्र फडणवीस यांना फोन, MIDC मधील अधिकारी भेटेना, उद्योजक हैराण Read More »

Pushpa 2 ची बॉक्स ऑफिसवर क्रेझ, मोडले अनेक विक्रम अन् केली बंपर कमाई

Leave a Comment / ताज्या बातम्या, मनोरंजन /

Pushpa 2 : सुपरस्टार अभिनेता अल्लू अर्जुनचा ‘पुष्पा 2’ आता देखील बॉक्स ऑफिसवर जबरदस्त कमाई करत आहे. याच बरोबर आता या चित्रपटाने अनेक विक्रम देखील स्वतःच्या नावावर केले आहे. माहितीनुसार, पुष्पा 2 ने पहिल्या आठवड्यात 725.8 कोटींची कमाई केली तर दुसर्‍या आठवड्यात 264.8 कोटी रुपये कमावले आणि तिसऱ्या आठवड्यात तब्बल129.5 कोटी रुपये जमा केले. तर चौथ्या शुक्रवारी 8.75 रुपये कोटीचा व्यवसाय केला. यामुळे 1700 कोटींच्या क्लबमध्ये प्रवेश करणारा तिसरा भारतीय सिनेमा ठरला आहे. तर दुसरीकडे नुकतंच रिलीज झालेले ‘वनवास’, ‘मुफासा’ आणि ‘बेबी जॉन’ या सिनेमांना देखील पुष्पा 2 ला टक्कर देता आली नाही. पुष्पा 2 ने सगळ्यात अगोदर देशातील सर्वात जास्त कमाई करणारा चित्रपट ‘बाहुबली 2: द कन्क्लूजन’ला मागे टाकलं. 2017 मध्ये रिलीज झालेल्या प्रभासच्या या सिनेमाने 1030.42 कोटींचा गल्ला जमवला होता. पुष्पा 2 नं यापेक्षा जवळपास 120 कोटी रुपये जास्त कमावले आहेत. तसेच पुष्पानं किंग खानलाही मागे टाकलं आहे.

Pushpa 2 ची बॉक्स ऑफिसवर क्रेझ, मोडले अनेक विक्रम अन् केली बंपर कमाई Read More »

Maharashtra Politics: मुख्यमंत्री कोण होणार? आज सस्पेन्स संपणार, उद्या शपथविधी

Leave a Comment / ताज्या बातम्या, राजकीय /

Maharashtra Politics: महाराष्ट्राचा मुख्यमंत्री कोण होणार याकडे संपूर्ण देशाचे लक्ष लागून आहे. गेल्या काही दिवसांपासून महायुतीमध्ये सुरू असलेल्या मतभेदांमुळे अनेक चर्चांना उधाण आले आहे. मात्र आज मुख्यमंत्रीसाठी सस्पेन्स संपू शकतो. आज भाजप मंडळाची बैठक होणार आहे. यासाठी पक्षाचे केंद्रीय निरीक्षक मुंबईत पोहोचले आहेत. या बैठकीनंतर नव्या मुख्यमंत्र्यांच्या नावाची घोषणा होऊ शकते. तर दुसरीकडे माहितीनुसार, एकनाथ शिंदे उपमुख्यमंत्रीपदासाठी राजी झाले आहेत. अशा परिस्थितीत आता पुढील मुख्यमंत्रिपदाच्या शर्यतीत भाजपचे देवेंद्र फडणवीस यांचे नाव आघाडीवर आहे. बुधवारी सकाळी 10 वाजता भाजप विधिमंडळ पक्षाची बैठक होणार असून, त्यात पक्ष नव्या मुख्यमंत्र्यांच्या नावाची घोषणा करू शकतो. तसे पाहता महाराष्ट्राच्या मुख्यमंत्रीपदासाठी देवेंद्र फडणवीस यांचे नाव जवळपास अंतिम आहे. मात्र, मंत्रिमंडळाबाबत अद्याप चर्चा झालेली नाही. केंद्रीय निरीक्षक विजय रुपानी यांनी दिलेल्या माहितीनुसार, तिन्ही पक्षांच्या नेत्यांशी चर्चा केल्यानंतर मुख्यमंत्र्यांची घोषणा केली जाईल. फडणवीस यांनी शिंदे यांची भेट घेतलीमंगळवार 3 डिसेंबर रोजी देवेंद्र फडणवीस यांनी एकनाथ शिंदे यांची त्यांच्या निवासस्थानी भेट घेतली. या बैठकीनंतर मुख्यमंत्रिपदावरून महायुतीमध्ये सुरू असलेला गोंधळ जवळपास संपुष्टात आल्याचे मानले जात आहे. सरकार स्थापनेबाबत चर्चा झाल्यानंतर फडणवीस आणि शिंदे यांची ही पहिलीच भेट होती. माहितीनुसार, एकनाथ शिंदे यांनी महायुती सरकारमध्ये उपमुख्यमंत्रीपद स्वीकारले आहे. मात्र, सुरुवातीला ते फडणवीस यांच्या नेतृत्वाखाली उपमुख्यमंत्री व्हायला तयार नव्हते. महायुतीचे तीन नेते शिंदे, फडणवीस आणि अजित पवार हे 5 डिसेंबरला मुंबईतील आझाद मैदानावर शपथ घेऊ शकतात. हे भाजपचे संभाव्य मंत्री असू शकतातभाजपच्या संभाव्य मंत्र्यांच्या यादीत देवेंद्र फडणवीस यांच्या जवळचे अनेक लोक आहेत. त्यापैकी रवींद्र चव्हाण, मंगलप्रभात लोढा, गिरीश महाजन, राधाकृष्ण विखे पाटील, अतुल सावे यांना पुन्हा एकदा मंत्रिमंडळात स्थान मिळण्याची अपेक्षा आहे. त्याचबरोबर यावेळी डॉ.विजयकुमार गावित, सुधीर मुनगंटीवार, सुरेश खाडे, चंद्रकांत पाटील यांना आणखी एक संधी मिळण्याची शक्यता कमी आहे. त्यांच्या जागी भाजप नवीन चेहऱ्यांना मंत्री म्हणून नियुक्त करू शकते.

Maharashtra Politics: मुख्यमंत्री कोण होणार? आज सस्पेन्स संपणार, उद्या शपथविधी Read More »

Maharashtra CM : देवेंद्र फडणवीस होणार मुख्यमंत्री, दिल्लीतून मिळाला ग्रीन सिग्नल?

Leave a Comment / ताज्या बातम्या, राजकीय /

Maharashtra CM : महाराष्ट्र विधानसभा निवडणुकीचा निकाल जाहीर झाला असून आता सर्वांचे लक्ष मुख्यमंत्री कोण होणार याकडे लागले आहे. माहितीनुसार भाजप केंद्रीय नेतृत्वाने देवेंद्र फडणवीस यांच्या नावावर सहमती दर्शवल्यानंतर राज्याचे मुख्यमंत्री म्हणून देवेंद्र फडणवीस शपथ घेणार हे जवळपास निश्चित झाले आहे. मात्र एकनाथ शिंदे आता देखील भाजपवर दबाव आणण्याचा प्रयत्न करत आहे. एकनाथ शिंदे यांनी मुख्यमंत्री पदाचा राजीनामा दिला असून सध्या ते काळजीवाहक मुख्यमंत्री म्हणून काम करत आहे. समोर आलेल्या माहितीनुसार अजित पवार यांच्यामुळे बार्गेनिंग पॉवर कमी झाल्याने भाजपकडून एकनाथ शिंदे यांना केंद्रात मंत्रीपद किंवा राज्यात उपमुख्यमंत्री पद देण्याची तयारी आहे मात्र एकनाथ शिंदे आता काय निर्णय घेणार याकडे संपूर्ण राज्याचे लक्ष लागून आहे. तर दुसरीकडे देवेंद्र फडणवीस पुढील एक-दोन दिवसात मुख्यमंत्री पदाची शपथ घेणार असल्याची माहिती देखील मिळाली आहे. महाराष्ट्र विधानसभा निवडणुकीत महायुतीने 236 जागांवर विजय मिळवला आहे. यामध्ये भाजपने 131 एकनाथ शिंदे यांच्या शिवसेनेने 57 तर अजित पवार यांच्या राष्ट्रवादी काँग्रेसने 41 जागा जिंकले आहे.

Maharashtra CM : देवेंद्र फडणवीस होणार मुख्यमंत्री, दिल्लीतून मिळाला ग्रीन सिग्नल? Read More »

Maharashtra Election: महायुतीच्या 24 तर मविआच्या 33 जागांवर निर्णय बाकी, आज उमेदवारी अर्ज भरण्याचा शेवटचा दिवस

Leave a Comment / ताज्या बातम्या, राजकीय /

Maharashtra Election: महाराष्ट्र विधानसभा निवडणुकीसाठी उमेदवारी अर्ज दाखल करण्याचा आज शेवटचा दिवस आहे. मात्र अद्याप देखील महाविकास आघाडी आणि महायुतीमध्ये काही जागांवरून जागावाटापाचा तिढा सुटलेला नाही त्यामुळे या जागेवर कोणता पक्ष उमेदवार देणार याकडे आता सर्वांचे लक्ष लागू आहे. माहितीनुसार, महायुतीच्या 24 आणि महाविकास आघाडीच्या 33 जागांवर निर्णय होऊ शकलेला नाही. महाआघाडीत आघाडी वाढवण्यासाठी भाजपने आपल्या कोट्यातील चार जागा छोट्या पक्षांसाठी सोडल्या आहेत, तर महाविकास आघाडीमध्ये काही जागांवर काँग्रेस-शिवसेना (यूबीटी) आणि राष्ट्रवादी (शरद) यांच्यात मैत्रीपूर्ण लढत होऊ शकते. दुसरीकडे नांदेड लोकसभा पोटनिवडणुकीसाठी भाजपने संतुक मारोतराव हुंबर्डे यांना तिकीट दिले आहे. काँग्रेसचे खासदार वसंतराव चव्हाण यांच्या निधनामुळे रिक्त झालेल्या या जागेवर काँग्रेसने दिवंगत खासदार रवींद्र चव्हाण यांचे पुत्र रवींद्र चव्हाण यांना उमेदवारी दिली आहे. जो जास्त जागा जिंकतो तो मुख्यमंत्री होतोज्या पक्षाला सर्वाधिक जागा मिळतील तोच मुख्यमंत्री होणार अशी अंतर्गत चर्चा म.वि. यामुळे तिन्ही पक्ष जास्तीत जास्त जागांवर निवडणूक लढविण्यावर ठाम आहेत. तीन घटक पक्षांमध्ये प्रत्येकी 85 जागांवर निवडणूक लढवण्याचा करार झाला होता, मात्र काँग्रेसने 102 जागांवर उमेदवार जाहीर केले आहेत. शिवसेनेने (यूबीटी) 84 जागांवर तर राष्ट्रवादीने (शरद) 76 जागांवर उमेदवार उभे केले आहेत. विदर्भ, मुंबई आणि मराठवाड्यातील सुमारे 15 जागांवर तिन्ही पक्षांमध्ये एकमत होऊ शकले नाही. दुसरीकडे राष्ट्रवादीने काटेल जागेवर माजी गृहराज्यमंत्री अनिल देशमुख यांच्या जागी त्यांचे पुत्र सलील देशमुख यांना तिकीट दिले आहे. महाराष्ट्राचे मुंबई-कोकण विभागाचे वरिष्ठ निरीक्षक, राजस्थानचे माजी मुख्यमंत्री अशोक गेहलोत यांनी मुंबईतील पक्ष मुख्यालय टिळक भवन येथे कोकण विभागातील जिल्हाध्यक्ष आणि ज्येष्ठ नेत्यांची बैठक घेतली. भाजपने काल तिसऱ्या यादीमध्ये 25 उमेदवार जाहीर केले आहे. महायुतीच्या 21 जागांवर सध्या भाजप, शिवसेना आणि राष्ट्रवादी काँग्रेसमध्ये चुरस आहे. भाजपने आतापर्यंत एकूण 146 उमेदवारांची नावे जाहीर केली आहेत. भाजपने आपल्या कोट्यातील चार जागा युवा स्वाभिमान पक्ष, राष्ट्रीय समाज पक्ष, आरपीआय (आठवले) आणि जनसुराज्य शक्ती पक्षासाठी सोडल्या आहेत. कलिना जागेवर आरपीआयने अमरजीत सिंग यांना उमेदवारी दिली आहे.

Maharashtra Election: महायुतीच्या 24 तर मविआच्या 33 जागांवर निर्णय बाकी, आज उमेदवारी अर्ज भरण्याचा शेवटचा दिवस Read More »

Pune Porsche Car Case : पुणे पोर्श प्रकरणी दोन पोलीस अधिकारी निलंबित

Leave a Comment / क्राईम, ताज्या बातम्या /

Pune Porsche Car Case: पुणे पोर्श कार अपघात प्रकरणी निष्काळजीपणा केल्याप्रकरणी दोन पोलिसांना निलंबित करण्यात आले आहे. तसेच या प्रकरणाचा तपास गुन्हे शाखेकडे सोपवण्यात आला आहे.  निलंबित करण्यात आलेल्या पोलिसांमध्ये पोलिस निरीक्षक राहुल जगदाळे आणि सहायक पोलिस निरीक्षक विश्वनाथ तोडकरी यांचा समावेश आहे. या प्रकरणी त्यांनी प्रोटोकॉल पाळला नाही, अपघाताची माहिती वरिष्ठ अधिकाऱ्यांना दिली नाही, असे आरोप त्यांच्यावर आहेत. या अपघातावेळी दोन्ही पोलीस येरवडा पोलीस ठाण्यात हजर होते. अपघातानंतर अल्पवयीन आरोपीला या पोलिस ठाण्यात आणण्यात आले.  प्रकरण काय आहे?  पुण्यात रविवारी रात्री 2.15 च्या सुमारास एका अल्पवयीन आरोपीने दोन आयटी व्यावसायिकांना पोर्श कारने धडक दिली. या अपघातात दोघांचा जागीच मृत्यू झाला. मृत दोघेही दुचाकीवरून जात होते. अनिश अवधिया आणि अश्विनी कोष्टा अशी मृतांची नावे आहेत. त्याचवेळी बारावीचा निकाल जाहीर झाल्यानंतर आरोपी पबमध्ये पार्टी करण्यासाठी आले होते. पुण्यातील दोन पबमध्ये त्याने आपल्या मित्रांसोबत दारू प्यायली, त्यानंतर तेथून निघताना त्याची पोर्श गाडी सुसाट वेगाने चालवली. यावेळी हा अपघात झाला होता.

Pune Porsche Car Case : पुणे पोर्श प्रकरणी दोन पोलीस अधिकारी निलंबित Read More »

Akola News : जागेच्या वादावरून 35 वर्षीय इसमाचा खुन; परिसरात खळबळ

Leave a Comment / क्राईम, ताज्या बातम्या /

Akola News : अकोल्या जिल्ह्य़ातील व बाळापूर तालुक्यातील बटवाडी बुद्रुक येथील रहिवासी सतीश सुधाकर आखरे यांनी बाळापूर पोलीस स्टेशनला दिलेल्या फिर्यादीवरून नितीन सुधाकर आखरे वय 35 वर्ष रा. बटवाडी बु  हे नेहमी प्रमाणे रात्री घराच्या अंगणात झोपलेले असतांना त्यांच्या डोक्यात कोणीतरी अज्ञात व्यक्तीने धारदार शस्ञानी हला करून हत्या केल्याची घटना समोर आली आहे.  सोमवार दि.1 एप्रिल रोजी राञीच्या सुमारास उघडकीस आली. या बाबतचे फिर्याद  बाळापूर पोलिसांना दिली असता बाळापूर पोलिसांनी घटनास्थळी धाव घेऊन पंचनामा केला व मृतदेह  शवविच्छेदन तपासण्यासाठी रुग्णालय पाठविला.  या घटनेतील काही संशयित आरोपींना ताब्यात घेण्यात आले असून त्याची कसून चौकशी सुरू आहे. जागेच्या वादावरून खुन झाल्याची चर्चा सुरु असून नेमका खुन कशासाठी करण्यात आला हे आरोपी पकडल्या नंतर समोर येईल हे निश्चित.  या घटनेची माहिती मिळताच उपविभागीय पोलीस अधिकारी गोकुळ राज जी, पोलीस निरीक्षक अनिल जुमळे, सहाय्यक पोलीस निरीक्षक पंकज कांबळे,व इतर पोलीस कर्मचारी यांनी घटनास्थळी धाव घेऊन पंचनामा केला.

Akola News : जागेच्या वादावरून 35 वर्षीय इसमाचा खुन; परिसरात खळबळ Read More »

Maharashtra News : धक्कादायक, एकाच घरात तीन जणांचा संशयास्पद मृत्यू, परिसरात खळबळ

Leave a Comment / क्राईम, ताज्या बातम्या /

Maharashtra News : राज्याची उपराजधानी नागपूर येते एक खळबळजनक घटना घडली आहे.समोर आलेल्या माहितीनुसार  मौदा तालुक्यातील शांतीनगर तुमण गावात तीन जणांचा संशयास्पद मृत्यू झाला. घरामध्ये एकाच कुटुंबातील तीन जणांचे मृतदेह आढळल्याने परिसरात खळबळ उडाली आहे. मृतांमध्ये पती, पत्नी आणि मुलाचा समावेश आहे. त्याच्या मृत्यूचे कारण शोधण्यासाठी पोलीस प्रत्येक कोनातून तपास करत आहेत. मिळालेल्या माहितीनुसार, ही घटना अरोली पोलीस ठाण्याच्या हद्दीत घडली. श्रीनिवास इलापुंगाटी (वय ५८), पद्मलता इलापुंगाटी (वय ५४) आणि मुलगा व्यंकट इलापुंगाटी (वय २९) अशी मृतांची नावे आहेत. पोलिसांनी सांगितले की, इल्पुंगटी कुटुंबाचा राईस मिलचा व्यवसाय आहे. मौदा तालुक्यातील शांतीनगर तुमण गावात अनेक वर्षांपासून इल्पुंगटी कुटुंब राहत असल्याचे स्थानिक लोकांनी सांगितले. नेहमी सकाळी लवकर उठणाऱ्या इल्पुंगटी कुटुंबातील एकही सदस्य गुरुवारी सकाळी बराच वेळ होऊनही घराबाहेर न आल्याने शेजाऱ्यांनी हाक मारून दरवाजा ठोठावला. मात्र आतून कोणताही प्रतिसाद न मिळाल्याने शेजाऱ्यांनी घरात डोकावून पाहिले असता ते चक्रावून गेले. घरात पती-पत्नी आणि त्यांच्या २९ वर्षांच्या मुलाचे मृतदेह पडले होते. शेजाऱ्यांनी तत्काळ पोलिसांना माहिती दिली. घटनेची माहिती मिळताच आरोली पोलीस स्टेशनने घटनास्थळ गाठून मृतदेह शवविच्छेदनासाठी शासकीय रुग्णालयात पाठवला. एकाच कुटुंबातील तिघांनी आत्महत्या केली की त्यांच्या मृत्यूमागे षडयंत्र आहे? पोलीस त्याचा तपास करत आहेत.

Maharashtra News : धक्कादायक, एकाच घरात तीन जणांचा संशयास्पद मृत्यू, परिसरात खळबळ Read More »

Maharashtra Politics: उद्धव सेना एकही जागा जिंकू शकत नाही, MVA मध्ये पुन्हा मतभेद!

Leave a Comment / ताज्या बातम्या, राजकीय /

Maharashtra Politics:  येत्या काही दिवसात लोकसभा निवडणुका होणार आहेत मात्र त्यापूर्वी राज्यात पुन्हा एकदा महाविकास आघाडीमध्ये मतभेद दिसून येत आहे. लोकसभा निवडणूक 2024 च्या पार्श्वभूमीवर सत्ताधारी महाआघाडी आणि विरोधी आघाडी महाविकास आघाडी यांच्यात जागावाटपावरून चर्चा सुरू आहे.  दरम्यान, उद्धव ठाकरेंच्या शिवसेनेने आपली भूमिका कठोर केली असून राज्यातील लोकसभेच्या 48 पैकी 23 जागांवर निवडणूक लढवणार असल्याचे सांगितले. त्यामुळे एमव्हीएमध्ये तणाव वाढला आहे. खरे तर, काँग्रेसने शिवसेनेला (यूबीटी) 23 जागांवर उमेदवार उभे करण्याची परवानगी दिली, तर त्यांच्या आणि राष्ट्रवादीसाठी (शरद पवार गट) केवळ 25 जागा उरतील. शिवसेनेचे (यूबीटी) मुख्य प्रवक्ते संजय राऊत यांनी सकाळी माध्यमांशी संवाद साधला. यावेळी राऊत म्हणाले, 2019 च्या लोकसभा निवडणुकीत आम्ही 23 जागांवर निवडणूक लढवली होती. त्यापैकी 18 जागा जिंकल्या.  संभाजीनगरमध्ये आमचा उमेदवार अवघ्या काही मतांनी पराभूत झाला. महाविकास आघाडीने जिंकलेल्या जागांवर चर्चा न करण्याचा निर्णय घेतला आहे. महाराष्ट्रात काँग्रेसला एकही जागा मिळाली नाही. पण ज्या जागा काँग्रेस मजबूत आहे त्या जागाही त्यांना मिळतील. दिल्लीतील हायकमांडशी आमची चर्चा सुरू आहे. काँग्रेस नेते आणि माजी खासदार संजय निरुपम यांच्या नुकत्याच झालेल्या वक्तव्यावर राऊत यांनी तिखट प्रतिक्रिया दिली. राज्यसभा खासदार राऊत म्हणाले, “महाराष्ट्रात कोणीही विधान केले तर ते फारसे गांभीर्याने घेण्याची गरज नाही.  पत्रकारांनी संजय निरुपम यांच्याबद्दल विचारले असता, संजय राऊत म्हणाले, “संजय निरुपम. ते कोण आहेत? त्यांना काही अधिकार आहेत का? काँग्रेस हायकमांड दिल्लीत आहे. त्यामुळे आम्ही दिल्लीत चर्चा करू. आता संजय निरुपम यांनी संजय राऊत यांच्या वक्तव्यावर प्रतिक्रिया दिली आहे. निरुपम म्हणाले, “शिवसेना (ठाकरे गट) लोकसभेची एकही जागा स्वबळावर जिंकू शकत नाही. हे माझे त्यांना आव्हान आहे. ठाकरे गटाला निवडणुकीत काँग्रेसची गरज आहे. तसेच काँग्रेसलाही त्यांची गरज आहे.  गेल्या निवडणुकीत त्यांनी 18 जागा जिंकल्या होत्या. पण, त्यापैकी डझनभर खासदारांनी त्यांना सोडले आहे. आता त्यांचे चार-पाच खासदार उरले आहेत. ते राहणार की नाही याबाबत आत्ताच काही सांगता येणार नाही.  काँग्रेस नेते पुढे म्हणाले की, संजय राऊत यांची स्मरणशक्ती थोडी कमकुवत झाली आहे. संजय निरुपम कोण हे शिवसेनेलाच माहीत आहे. 2019 मध्ये महाराष्ट्रात MVA ची स्थापना झाली. MVA आघाडीमध्ये काँग्रेस, राष्ट्रवादी (शरद पवार) आणि शिवसेना (उद्धव गट) यांचा समावेश आहे.

Maharashtra Politics: उद्धव सेना एकही जागा जिंकू शकत नाही, MVA मध्ये पुन्हा मतभेद! Read More »