ताज्या बातम्या

Zika Virus: सावधान, ‘या’ शहरात वाढत आहे झिकाचा धोका, समोर आले 15 रुग्ण

Leave a Comment / आरोग्य, ताज्या बातम्या / dnamarathi.com

Zika Virus: राज्यात हळूहळू झिका वाढताना दिसत आहे. माहितीनुसार, पुण्यात आतापर्यंत झिकाचे 15 रुग्ण आढळून आले आहे. त्यामध्ये 9 गर्भवती महिलांचाही समावेश आहे. तीन नवीन रुग्ण आढळल्याने मंगळवारी पुण्यातील झिका रुग्णांची संख्या 15 वर पोहोचली. तिन्ही बाधित महिला गर्भवती असून त्या जिल्ह्यातील पाषाण परिसरात राहतात. मिळालेल्या माहितीनुसार, 28 वर्षीय 23 आठवड्यांच्या गर्भवती महिलेचा अहवाल 5 जुलै रोजी पॉझिटिव्ह आला होता. तर 8 जुलै रोजी 18 वर्षांच्या 28 आठवड्यांच्या गर्भवती महिलेमध्ये संसर्गाची पुष्टी झाली. तिसरा केस, 23 आठवड्यांची गरोदर असलेल्या 19 वर्षीय महिलेची 8 जुलै रोजी चाचणी पॉझिटिव्ह आली. त्यांना सांधेदुखी आणि सौम्य ताप होता. 20 जूनपासून, पुणे महानगरपालिकेने (PMC) झिका विषाणूची 15 प्रकरणे नोंदवली आहेत, ज्यात नऊ गर्भवती महिलांचा समावेश आहे. जर गर्भवती महिलांना झिकाची लागण झाली असेल तर त्यांच्या नवजात बालकांवर त्याचा परिणाम होण्याची शक्यता असते. डोळ्यांच्या समस्या, ऐकण्याची क्षमता कमी होणे अशा अनेक समस्या नवजात बालकांमध्ये उद्भवू शकतात. मेंदूच्या असामान्य विकासामुळे अनेक प्रकरणांमध्ये बाळाचे डोके खूपच लहान असते. देशात झिकाची अद्याप कोणतीही लस नाही. झिका प्रामुख्याने संक्रमित एडिस डासांच्या चाव्याव्दारे पसरतो. हा संसर्ग गंभीर नसला तरी गर्भवती महिलेला संसर्ग झाल्यास तो गर्भासाठी धोकादायक ठरू शकतो. झिका लैंगिक संभोगातूनही पसरू शकतो. याशिवाय, काही दुर्मिळ प्रकरणांमध्ये, झिका संक्रमित रक्ताच्या संक्रमणाने देखील पसरतो.

Zika Virus: सावधान, ‘या’ शहरात वाढत आहे झिकाचा धोका, समोर आले 15 रुग्ण Read More »

Ahmednagar Rain: जामखेडमध्ये ढगफुटी सदृश्य पाऊस, रस्त्याला आले नदीचे स्वरूप

Leave a Comment / ताज्या बातम्या, शेती / dnamarathi.com

Ahmednagar Rain: राज्यातील बहुतेक भागासह अहमदनगर जिल्ह्यात देखील मुसळधार पाऊस होताना दिसत आहे. त्यामुळे भारतीय हवामान विभागाने राज्यातील अनेक जिल्ह्यांना अलर्ट जारी केला आहे. यातच जामखेड मोहरी परीसरात रात्री आठच्या सुमारास झालेल्या जोरदार पावसाने नागरिकांची तारांबळ केली. जामखेड शहरातील शिवाजीनगर, संभाजीनगर तसेच जामखेड नगर रस्त्यावर आणि नाल्यात पूरसदृश पाण्यामुळे वाहतूक चार तास खोळंबली होती त्यामुळे परिसराचा संपर्क तुटला. तसेच परिसरातील अनेकांच्या घरात पाणी शिरले होते तर मोहरी परिसरात जोरदार पावसामुळे नदी ओढ्याकाठची शेती वाहुन गेली. तर अनेक ठिकाणी पिके पाण्याखाली गेली आहेत. त्यामुळे शेतकऱ्यांचे मोठ्या प्रमाणात नुकसान देखील झाले आहे. आता या नुकसान भरपाईची मागणी शेतकऱ्यांकडून करण्यात येत आहे. तर दुसरीकडे मोहरी तलाव एकाच पावसाने ओव्हर फ्लो झाला आहे.

Ahmednagar Rain: जामखेडमध्ये ढगफुटी सदृश्य पाऊस, रस्त्याला आले नदीचे स्वरूप Read More »

Gautam Gambhir टीम इंडियाचा मुख्य प्रशिक्षक, जय शाहने केली घोषणा

Leave a Comment / ताज्या बातम्या, स्पोर्ट्स / dnamarathi.com

Gautam Gambhir : BCCI ने मोठा निर्णय घेत गौतम गंभीरची भारतीय क्रिकेट संघाच्या नवीन मुख्य प्रशिक्षकपदी नियुक्तीची घोषणा केली. जय शाहा यांनी ही घोषणा केली आहे. त्यामुळे आता गंभीर भारतीय संघाचा 25 वा मुख्य प्रशिक्षक बनणार आहे. T20 विश्वचषक 2024 नंतर राहुल द्रविडचा कार्यकाळ संपला होता. आता गंभीर जुलैच्या अखेरीस सुरू होणाऱ्या श्रीलंकेविरुद्धच्या मालिकेत भारतीय संघाचा नवा प्रशिक्षक म्हणून संघात सामील होणार आहे. सध्या राष्ट्रीय क्रिकेट अकादमीचे (NCA) संचालक व्हीव्हीएस लक्ष्मण झिम्बाब्वे दौऱ्यावर अंतरिम मुख्य प्रशिक्षकाची भूमिका बजावत आहेत. सन्मान वाटत आहे… गौतम गंभीरनेही सोशल मीडिया प्लॅटफॉर्म ‘X’ वर तिरंग्याचा फोटो पोस्ट करून आपल्या नियुक्तीवर प्रतिक्रिया दिली आणि लिहिले, “भारत माझी ओळख आहे आणि माझ्या देशाची सेवा करणे हा माझ्या आयुष्यातील सर्वात मोठा विशेषाधिकार आहे. मला परत येण्याचा सन्मान वाटतो, यावेळी माझी टोपी वेगळी आहे. पण, प्रत्येक भारतीयाला अभिमान वाटावा, हे माझे ध्येय नेहमीच एकच राहिले आहे. ‘मेन इन ब्लू’ 1.4 अब्ज भारतीयांची स्वप्ने त्यांच्या खांद्यावर घेत आहेत आणि ही स्वप्ने सत्यात उतरवण्यासाठी मी माझ्या सामर्थ्याने सर्वकाही करेन.” राहुल द्रविडचा कार्यकाळ संपल्याची बातमी येताच गौतम गंभीर मुख्य प्रशिक्षक होणार असल्याची चर्चा होती. त्यावर आता जय शहा यांनी अधिकृत शिक्कामोर्तब केले आहे. सध्या भारतीय संघ शुभमन गिलच्या नेतृत्वाखाली झिम्बाब्वे दौऱ्यावर आहे आणि त्यानंतर तो श्रीलंकेच्या दौऱ्यावर जाणार आहे, जिथे गंभीर त्याची नवीन भूमिका साकारणार आहे. IPL 2024 पूर्वी गंभीर कोलकाता नाईट रायडर्सचा (KKR) मार्गदर्शक बनला आणि त्याच्या मार्गदर्शनाखाली KKR ने चॅम्पियनशिप जिंकली. मुख्य प्रशिक्षकपदासाठी गंभीर हा एकमेव उमेदवार होता. प्रशिक्षकपदासाठी मुलाखत देण्यापूर्वी त्यांनी केंद्रीय गृहमंत्री अमित शहा यांची भेट घेतली होती. गौतम गंभीरसमोर आव्हान T20 विश्वचषक 2024 जिंकून भारतीय संघाने 11 वर्षांचा ICC ट्रॉफीचा दुष्काळ संपवला. आता त्याचे पुढील लक्ष्य पुढील एका वर्षात दोन आयसीसी ट्रॉफी जिंकण्याचे आहे. नवे मुख्य प्रशिक्षक या नात्याने गंभीरसाठी ही जबाबदारी मोठी असेल. टीम इंडियाला 2025 च्या सुरुवातीला चॅम्पियन्स ट्रॉफीमध्ये भाग घ्यायचा आहे आणि जर भारतीय संघ आयसीसी वर्ल्ड टेस्ट चॅम्पियनशिपच्या अंतिम फेरीत पोहोचण्यात यशस्वी ठरला तर ते देखील जिंकण्याचे लक्ष्य असेल. वर्ल्ड टेस्ट चॅम्पियनशिपचा अंतिम सामना जून 2025 मध्ये खेळवला जाईल. गौतम गंभीरची क्रिकेट कारकीर्द टीम इंडियाच्या नवीन प्रशिक्षकाच्या क्रिकेट प्रवासाबद्दल बोलताना, त्याने खेळाच्या सर्वात लांब फॉरमॅटमध्ये, कसोटीमध्ये 58 सामने खेळले, ज्यामध्ये त्याने 104 डावांमध्ये 41.96 च्या सरासरीने 4154 धावा केल्या. 147 एकदिवसीय सामन्यांमध्ये, गंभीरने सुमारे 40 च्या सरासरीने 6144 धावा केल्या आणि श्रीलंकेविरुद्ध त्याची सर्वोच्च धावसंख्या 150 धावा होती. टी-20 बद्दल बोलायचे तर गौतमने या फॉरमॅटमध्ये 37 सामने खेळले, ज्यामध्ये त्याने 36 डावांमध्ये 27.41 च्या सरासरीने आणि 119.03 च्या स्ट्राइक रेटने 932 धावा केल्या. गौतम गंभीरनेही आपल्या कारकिर्दीत 154 आयपीएल सामने खेळले आहेत, ज्यामध्ये त्याने 31.04 च्या सरासरीने 4,218 धावा केल्या आहेत.

Gautam Gambhir टीम इंडियाचा मुख्य प्रशिक्षक, जय शाहने केली घोषणा Read More »

UCO Bank: नोकरीची सुवर्णसंधी! UCO बँकेत 544 पदांसाठी भरती; असा करा अर्ज

Leave a Comment / ऑटोमोबाईल, ताज्या बातम्या / dnamarathi.com

UCO Bank: जर तुम्ही बँकेत नोकरी करण्याचा विचार करता असाल तर तुमच्यासाठी एक आनंदाची बातमी आहे. UCO बँकेत 544 शिकाऊ पदांसाठी भरती प्रक्रिया 2 जुलै 2024 पासून सुरू झाली आहे. इच्छुक आणि पात्र उमेदवार nats.education.gov.in या अधिकृत वेबसाइटला भेट देऊन अर्ज करू शकतात. अर्ज करण्याची अंतिम तारीख 16 जुलै 2024 आहे. शैक्षणिक पात्रता यासाठी उमेदवाराने कोणत्याही मान्यताप्राप्त विद्यापीठातून कोणत्याही प्रवाहात पदवी प्राप्त केलेली असावी. श्रेणी विस्तृत पोस्ट तपशील सर्वसाधारण- 278 पदे OBC- 106 पदे EWS- 41 पदे SC- 82 पदे ST- 37 पदे UCO बँकेत नोकरीसाठी अनिवार्य वयोमर्यादा किती आहे? यासाठी उमेदवाराचे वय किमान 20 वर्षे आणि कमाल 28 वर्षे असावे. यापेक्षा जास्त किंवा कमी असल्यास अर्ज स्वीकारला जाणार नाही. तसेच, सर्व आरक्षित उमेदवारांना वयोमर्यादेत विशेष सवलत दिली जाईल. अर्जाची फी किती आहे? तुम्ही या पदांसाठी अगदी मोफत अर्ज करू शकता. यासाठी कोणतेही शुल्क आकारले जात नाही. सर्व श्रेणीतील उमेदवारांना अर्ज शुल्कामध्ये संपूर्ण सूट देण्यात आली आहे. युको बँकेत नोकरीसाठी अर्ज कसा करावा? अर्ज करण्यासाठी, प्रथम अधिकृत वेबसाइट nats.education.gov.in वर जा. होम पेजवर UCO बँक भर्ती 2024 वर क्लिक करा. तेथे आवश्यक असलेली सर्व माहिती आरामात भरा. आवश्यक कागदपत्रांच्या स्कॅन केलेल्या प्रती अपलोड करा. अर्ज प्रक्रिया पूर्ण करण्यासाठी विहित अर्ज शुल्क ऑनलाइन भरा. अर्ज प्रक्रिया पूर्ण झाल्यानंतर, तुमचा अर्ज तुमच्याकडे ठेवा.

UCO Bank: नोकरीची सुवर्णसंधी! UCO बँकेत 544 पदांसाठी भरती; असा करा अर्ज Read More »

Accident News: भीषण अपघात, 4 जण जागीच ठार, 2 गंभीर जखमी

Leave a Comment / ऑटोमोबाईल, क्राईम, ताज्या बातम्या / dnamarathi.com

Accident News: देशात दररोज अपघताच्या घटना घडत आहे. यातच आता एक धक्कादायक बातमी समोर आली आहे. माहितीनुसार, मध्य प्रदेशामधील शाहडोल जिल्ह्यातील बुधर पोलीस स्टेशन हद्दीतील लालपूर येथे कोळसा भरलेल्या ट्रेलरने प्रवाशांना घेऊन जाणाऱ्या ऑटोला धडक दिली. या अपघातात 4 जणांचा मृत्यू झाला, तर 2 जणांना गंभीर अवस्थेत वैद्यकीय महाविद्यालयात दाखल करण्यात आले आहे. बुधर पोलीस ठाण्याचे प्रभारी संजय जयस्वाल यांनी सांगितले की, अनुपपूर येथून कोळसा भरून ट्रेलर शहडोलकडे जात होता. दरम्यान, लालपूरजवळील क्रशरजवळ भरधाव वेगात आलेल्या ट्रेलरने ऑटोला जोरदार धडक दिली. या घटनेत ऑटोमध्ये प्रवास करणाऱ्या दोन महिलांचा जागीच मृत्यू झाला. 4 जणांची प्रकृती गंभीर असताना पोलिसांनी त्यांना त्यांच्याच वाहनातून वैद्यकीय महाविद्यालयात नेले, तेथे 4 पैकी 2 जणांना डॉक्टरांनी मृत घोषित केले, तर 2 जण गंभीर अवस्थेत उपचार घेत आहेत. बिट्टू, रिया, रोशनी आणि ममता अशी या भीषण रस्ता अपघातात जीव गमावलेल्यांची नावे आहेत. पोलिसांचे म्हणणे आहे की ऑटो शहडोलहून धनपुरीच्या दिशेने जात होता, ज्यामध्ये 35 वर्षीय नेमचंद वडील हरिशंकर, 40 वर्षीय रोशनी पती मज्जू साकेत, 30 वर्षीय कुंज बिहारी त्रिपाठी, सर्व धनपुरी येथील रहिवासी आणि इतर वाहनात होते. सध्या पोलिसांनी गुन्हा दाखल करून तपास सुरू केला आहे. कागदपत्रांशिवाय कोळसा वाहतूक सुरू होती मिळालेल्या माहितीनुसार, हा ट्रक कोळसा भरला होता, जो अनुपपूर येथील रामनगर येथून भरून रेवा येथे जात होता. मात्र, ट्रकची झडती घेतली असता कोळशाशी संबंधित कोणतीही कागदपत्रे आढळून आली नाहीत. अपघातानंतर बुरहार येथील कोळसा व्यापारी घटनास्थळी पोहोचले होते. अपघातानंतर कोळसा व्यापारी वाहतुकीशी संबंधित कागदपत्रे तयार करण्यासाठी तातडीने खाणीवर पोहोचले होते, असेही सांगण्यात येत आहे.

Accident News: भीषण अपघात, 4 जण जागीच ठार, 2 गंभीर जखमी Read More »

Ahmednagar News : नंदाच्या जमिनीत पेरलेल्या कपाशी व तूर पिकाची भावजाईने केली नासाडी, गुन्हा दाखल

Leave a Comment / क्राईम, ताज्या बातम्या / dnamarathi.com

Ahmednagar News : अहमदनगर जिल्ह्याच्या शेवगाव तालुक्यातील बोधेगाव येथील रहिवासी असलेल्या महिला शेतकरी सोफिया फिरोज शेख यांची बालमटाकळी येथे असणाऱ्या गट नंबर १३५ मधील दीड एकर शेतीमध्ये कपाशी व तूर पिकाची लागवड केली होती. हे पीक मोठी झाल्याने सोफिया फिरोज शेख व त्यांचे पती फिरोज शेख हे दोघे शनिवार दिनांक २९ जुलै रोजी दुपारी आपल्या शेतात खुरपण करत होते. तेव्हा अचानक सोफिया शेख यांची भावजाई हुमेरा युनुस शेख राहणार अहमदनगर यांनी सोफिया फिरोज शेख व त्यांचे पती फिरोज शेख यांना शेतामध्ये येऊन शिवीगाळ करत दीड एकर शेतीमधील उभे असलेले कपाशी व तुरीचे पीक हे आमच्या डोळ्यादेखत उपटून फेकून दिले. त्यामुळे फिर्यादीचे लाखो रुपयांचे नुकसान झाले आहे. याबाबत हुमेरा युनूस शेख यांना आम्ही आमची कपाशी व तुर पीक का उपटले अशी विचारणा केली असता त्यांनी मला लाथा बुक्क्यांनी मारहाण करून जीवे मारण्याची धमकी दिली. याबाबत महिला शेतकरी सोफिया फिरोज शेख यांनी दिलेल्या फिर्यादीवरून हुमेरा युनुस शेख यांचे विरोधात शेवगाव पोलिसात विविध कलमान्वये गुन्हा दाखल करण्यात आला आहे. तसेच आम्हाला न्याय न मिळाल्यास व आमच्या पिकांची झालेली नुकसान भरपाई न मिळाल्यास उपोषणास बसण्याचा इशाराही महिला शेतकरी सोफिया फिरोज शेख यांनी दिला आहे.

Ahmednagar News : नंदाच्या जमिनीत पेरलेल्या कपाशी व तूर पिकाची भावजाईने केली नासाडी, गुन्हा दाखल Read More »

Bank FD: जबरदस्त ‘या’ 6 बँका देत आहेत भरमसाठ व्याज, जाणुन व्हाल थक्क

Leave a Comment / ऑटोमोबाईल, ताज्या बातम्या / dnamarathi.com

Bank FD: देशाची सर्वात मोठी बँक आरबीआयने रेपो दर 2 वर्षांसाठी स्थिर ठेवला आहे. त्यामुळे आता अनेक सरकारी आणि खाजगी बँका मुदत ठेवींवर व्याजदर वाढवत आहेत. ज्याचा फायदा ग्राहकांना होताना दिसत आहे असं तर तुम्ही देखील करण्याचा विचार करत असाल तर तुमच्यासाठी काही बँका जबरदस्त व्याज देत आहे. 6 बँकांनी जुलै 2024 मध्ये आतापर्यंत FD दर 0.10 ते 0.40 टक्क्यांनी वाढवले आहेत. ॲक्सिस बँक ही खाजगी क्षेत्रातील बँक आता 17-18 महिन्यांच्या कालावधीसाठी 3 कोटी रुपयांच्या FD वर ग्राहकांना 7.20 टक्के व्याज देईल. ज्येष्ठ नागरिकांसाठी हा दर 7.75 टक्के आहे. आता दोन वर्षांच्या कालावधीसाठी FD वर 7.10 टक्के व्याज मिळेल. बँक वेगवेगळ्या कालावधीच्या FD वर 3 ते 7.2 टक्के व्याज देत आहे. आयसीआयसीआय बँक ICICI बँकेने 1 जुलैपासून FD वरील व्याजदरातही बदल लागू केले आहेत. बँक आपल्या ग्राहकांना 15 महिने ते 18 महिन्यांच्या कालावधीसाठी 7.75 टक्के व्याज देईल. आता एका वर्षाच्या ठेवींवर 6.7 टक्के व्याज दिले जाईल. तर 5 वर्षांच्या FD वर तुम्हाला 7.5 टक्के वार्षिक व्याज मिळेल. उज्जीवन स्मॉल फायनान्स बँक 1 जुलैपासून बँक आपल्या ग्राहकांना 3 कोटी रुपयांपर्यंतच्या 12 महिन्यांच्या एफडीवर 8.25 व्याज देत आहे. ज्येष्ठ नागरिकांसाठी या FD वर 8.75 टक्के व्याजदर आहे. बँक ऑफ इंडिया बँक ऑफ इंडियाचे नवे दर 30 जूनपासूनच लागू झाले आहेत. हे सर्वसामान्य नागरिकांना 7.80 टक्के वार्षिक व्याज आणि ज्येष्ठ नागरिकांना 666 दिवसांच्या ठेवींवर 7.3 टक्के व्याज देत आहे. पंजाब आणि सिंध बँक 666 दिवसांच्या ठेवींवर ज्येष्ठ नागरिकांना 7.80 टक्के तर सर्वसामान्यांना 7.3 टक्के व्याज मिळत आहे. बँक 222 दिवसांच्या एफडीवर 6.3 टक्के, 333 दिवसांच्या एफडीवर 7.15 टक्के आणि 444 दिवसांच्या एफडीवर 7.25 टक्के व्याज देत आहे. सुधारित व्याजदर 1 जुलैपासूनच लागू झाले आहे. इंडसइंड बँक बँक सामान्य ग्राहकांना 15 ते 18 महिन्यांच्या FD वर 7.75 टक्के वार्षिक व्याज आणि ज्येष्ठ नागरिकांना 8.25 टक्के वार्षिक व्याज देत आहे. वेगवेगळ्या कालावधीच्या FD वर 3 ते 7.75 टक्के व्याज असते. बँकेचे वाढलेले व्याजदर 3 जुलैपासून लागू झाले आहे.

Bank FD: जबरदस्त ‘या’ 6 बँका देत आहेत भरमसाठ व्याज, जाणुन व्हाल थक्क Read More »

Dhananjay Munde : … तर आम्ही तुमच्या गाड्या फोडणार, गोरख दळवींचा धनजय मुंडेंना इशारा

Leave a Comment / ताज्या बातम्या, राजकीय / dnamarathi.com

Dhananjay Munde : संपूर्ण राज्यात सध्या आरक्षणावरून चांगलंच राजकीय वातावरण तापल आहे. यातच आता मराठा समाजाचे कार्यकर्ता गोरख दळवी यांनी पत्रकार परिषद घेत लक्ष्मण हाके ओबीसी नसून धनगर असून त्यांनी त्यांच्या समाजाचा पाहावा छगन भुजबळ यांचे प्यादे बनू नये आणि छगन भुजबळ यांनी देवेंद्र फडणवीस यांचे प्यादे बनू नये अशी टीका केली. मनोज जरांगे यांची राज्यात कोणी बरोबरी करु शकत नाही असं देखील ते म्हणाले. तसेच त्यांनी राज्याचे मंत्री धनजय मुंडे यांना इशारा देत तुम्ही दोन समाजामध्ये भांडण लावू नये अशी देखील विनंती केली. धनजय मुंडे यांच्या कार्यकर्त्यांनी मराठा समाजाच्या गाड्यांची तोडफोड केली असल्याचा आरोप देखील त्यांनी यावेळी केला. तुम्हाला एका मराठ्याने घडवलं आहे. आम्ही देखील राज्यात फिरणाऱ्या तुमच्या गाड्या फोडू शकतात असा इशारा देखील यावेळी त्यांनी धनजय मुंडे यांना दिला.

Dhananjay Munde : … तर आम्ही तुमच्या गाड्या फोडणार, गोरख दळवींचा धनजय मुंडेंना इशारा Read More »

Ahmednagar News: मोठी बातमी! अटकपूर्व जामीनसाठी पंकज जावळे यांचा अर्ज, आज होणार सुनावणी

Leave a Comment / क्राईम, ताज्या बातम्या, राजकीय / dnamarathi.com

Ahmednagar News: अहमदनगर महापालिकेचे आयुक्त पंकज जावळे यांनी आठ लाखांची लाच मागितल्या प्रकरणी दाखल झालेल्या गुन्ह्यामध्ये अटकपूर्व जामीनसाठी अहमदनगर न्यायालयामध्ये अर्ज केला आहे. पंकज जावळे यांच्या या अर्जावर आज (4 जुलै) दुपारनंतर अहमदनगर जिल्हा सत्र न्यायालयात सुनावणी होणार आहे. एसीबीने एका बांधकाम व्यवसायिकाला आठ लाखांची लाच मागितल्या प्रकरणी आयुक्त पंकज जावळे आणि स्वीय सहाय्यक श्रीधर देशपांडे यांच्या विरोधात गुन्हा दाखल केला आहे. तेव्हापासून आयुक्त पंकज जावळे आणि देशपांडे दोघेही फार आहेत. सध्या पोलीस त्यांचा शोध घेत आहे. छत्रपती संभाजीनगर आणि जालन्यातील एसीबीचे पथकाने अहमदनगर महापालिकेत कारवाई करून पंकज जावळे आणि स्वीय सहाय्यक श्रीधर देशपांडे यांच्या विरोधात गुन्हा दाखल केला आहे. त्यामुळे आज होणाऱ्या सुनवाईत त्यांना अटकपूर्व जामीन मिळणार का? याकडे सर्वांचे लक्ष लागून आहे.

Ahmednagar News: मोठी बातमी! अटकपूर्व जामीनसाठी पंकज जावळे यांचा अर्ज, आज होणार सुनावणी Read More »

Ahmednagar News: नगर जिल्ह्यात हप्त्यासाठी खुनी हल्ला? अनेक चर्चांना उधाण

Leave a Comment / क्राईम, ताज्या बातम्या / dnamarathi.com

Ahmednagar News: पारनेर तालुक्यातील निघोज येथे अज्ञात चोरट्यांनी जेवणाच्या उद्देशाने निघोज – वडगाव रस्त्यावर असलेल्या गणेश भुकन व प्रविण भुकन यांच्या मालकीच्या जत्रा या हॉटेलमधील प्रविण भुकन या़च्यावर हल्ला केला असल्याची धक्कादायक माहिती समोर आली आहे. यामध्ये प्रविण भुकन हे गंभीर जखमी झाले असून त्यांना रात्री दोन वाजता नगर येथील खाजगी हॉस्पिटलमध्ये दाखल करण्यात आले आहे. या प्रकरणानंतर गणेश भुकन यांनी रात्री निघोज पोलीसांना संपर्क केला मात्र पोलिसांनी याची दखल न घेता टाळाटाळ केली असा आरोप गणेश भुकन यांच्याकडून करण्यात आला आहे. हा हल्ला चोरीच्या उद्देशाने झाला की आम्हाला महिन्याकाठी हप्ता दे या उद्देशाने झाला याची सध्या निघोज परिसरात चर्चा सुरू असून हल्लेखोर निघोज आणि परिसरातील असून भुकन हे सध्या नगर येथील खाजगी हॉस्पिटल मध्ये उपचार घेत आहे. त्यांना अतिदक्षता विभागात ठेवले असून आज सकाळी साडेनऊ वाजेपर्यंत बेशुद्ध अवस्थेत असल्याची माहिती उपलब्ध झाली आहे. ते शुद्धीवर आल्यावर पोलीसांना काय जबाब देतात यावर बरेच काही अवलंबून आहे. गेली काही दिवसांत निघोज आणी परिसरात गुन्हेगारी वाढली असून गुन्हेगारीला राजकीय आश्रय आहे की काय यावर निघोज परिसरात चर्चा सुरू आहे.

Ahmednagar News: नगर जिल्ह्यात हप्त्यासाठी खुनी हल्ला? अनेक चर्चांना उधाण Read More »