DNA मराठी

dna marathi
Menu

ऑटोमोबाईल

Maruti Suzuki Fronx खरेदीची सुवर्णसंधी, मिळत आहे 1.33 लाखांचा डिस्काउंट

Leave a Comment / ऑटोमोबाईल, ताज्या बातम्या /

Maruti Suzuki Fronx Discount Offer : नवीन वर्षात तुम्ही मारुती सुझुकीची नवीन कार खरेदी करण्याची तयारी करत असाल तर तुमच्यासाठी एक आनंदाची बातमी आहे. भारतीय बाजारात मारुती सुझुकीने मारुती फ्रॉन्क्सच्या विविध व्हेरियंटवर तब्बल 1.33 लाखांचा डिस्काउंट ऑफर जाहीर केला आहे. या ऑफरचा फायदा घेऊन तुम्ही आता अगदी कमी किमतीमध्ये नवीन कार खरेदी करु शकतात. भन्नाट फीचर्स, उत्तम मायलेजसह भारतीय बाजारात या कारने आपली एक वेगळी ओळख निर्माण केली आहे. 2025 मध्ये उत्पादित फ्रॉन्क्स युनिट्सवर जानेवारी महिन्यात कंपनी मारुती फ्रॉन्क्सच्या टर्बो-पेट्रोल व्हेरियंटवर 83000 पर्यंतची सूट देत आहे. तर सीएनजी व्हेरियंटवर 10000 चा एक्सचेंज बोनस आणि 15000 चा स्क्रॅपेज बेनिफिट कंपनीकडून मिळणार आहे. तर 2024 मध्ये उत्पादित फ्रॉन्क्स स्टॉकवर पेट्रोलवर 45000 रुपयांपर्यंत आणि टर्बो पेट्रोल (वेलोसिटी किटसह) व्हेरियंटवर 1.33 लाख रुपयांपर्यंत सूट मिळणार आहे. मारुती सुझुकी फ्रॉन्क्समध्ये 1.0 लिटर टर्बो पेट्रोल इंजिन आणि 1.2 लिटर पेट्रोल इंजिन देण्यात आले आहे. तसेच ही कार बाजारात सीएनजीमध्ये देखील उपलब्ध आहे. तुम्ही ही कार  सिग्मा, डेल्टा, डेल्टा प्लस, झेटा आणि अल्फा या पाच व्हेरियंटमध्ये खरेदी करु शकतात. कंपनीने या कारच्या केबिनमध्ये नऊ इंचाची टचस्क्रीन इन्फोटेनमेंट सिस्टम, क्रूझ कंट्रोल, वायरलेस फोन चार्जिंग सारखी फीचर्स दिली आहे. तर सहा एअरबॅग्ज, 360-डिग्री कॅमेरा सारखी सेफ्टी फीचर्स देखील या कारमध्ये देण्यात आली आहे. भारतीय बाजारात ही कार 7.51 लाख ते 13.04 लाखांपर्यंत जाते.

Maruti Suzuki Fronx खरेदीची सुवर्णसंधी, मिळत आहे 1.33 लाखांचा डिस्काउंट Read More »

OYO ला जाणार असाल तर ‘या’ गोष्टी लक्षात ठेवायच नाहीतर होणार अडचण

Leave a Comment / ऑटोमोबाईल, ताज्या बातम्या /

OYO Hotel: जर तुम्ही तुमच्या जोडीदारासोबत ओयो रूम्समध्ये जात असाल किंवा जाण्याचा प्लॅन करत असाल तर तुम्ही काही गोष्टी लक्षात ठेवणे फार महत्वाचे आहे नाहीतर तुम्ही अडचणीत येऊ शकतात आणि तुमची महिती लीक होऊ शकते. तुम्हाला हे माहिती असेलच की, OYO ने आता अविवाहित जोडप्यांच्या प्रवेशावर बंदी घातली आहे आणि OYO ने चेक-इनसाठी नवीन नियम लागू केला आहे. त्यामुळे तुम्ही OYO वर गेलात आणि तिथे तुमचा पूर्ण आधार कार्ड नंबर दिला तर लक्षात ठेवा की तुम्हाला हे टाळावे लागेल. अन्यथा तुमची वैयक्तिक माहिती लीक होऊ शकते. OYO वर जाऊन तुम्ही मास्क केलेला आधार वापरू शकता. UIDAI तुम्हाला हा पर्याय अगदी सहज देतो. या बेसमध्ये, पहिले 8 अंक अस्पष्ट आहेत आणि फक्त शेवटचे 4 अंक दाखवले आहेत. मास्क केलेले आधार डाउनलोड करण्यासाठी, तुम्ही ते UIDAI च्या अधिकृत वेबसाइटवरून डाउनलोड करू शकता. असे न केल्यास, माहिती लीक होण्याची शक्यता आहे.

OYO ला जाणार असाल तर ‘या’ गोष्टी लक्षात ठेवायच नाहीतर होणार अडचण Read More »

Maharashtra Government: महाराष्ट्र सरकारचा मोठा निर्णय, सर्व वाहनांसाठी फास्ट टॅग अनिवार्य

Leave a Comment / ऑटोमोबाईल, ताज्या बातम्या /

Maharashtra Government: राज्यातील चार चाकी वाहन धारकांना 01 एप्रिल पासून फास्ट टॅग अनिवार्य करण्याचा निर्णय राज्य मंत्रिमंडळ बैठकीत घेतल्याची माहिती उपमुख्यमंत्री एकनाथ शिंदे यांनी दिली आहे. मुख्यमंत्री देवेंद्र फडणवीस बैठकीच्या अध्यक्षस्थानी होते. 1 एप्रिल 2025 पासून या निर्णयाची अंमलबजावणी होईल. या निर्णयामुळे वाहतूक कोंडी टळून इंधनाची आणि वेळेची देखील बचत होणार आहे. त्यामुळे राज्य सरकारकडून हा निर्णय घेण्यात आला आहे. फास्ट टॅग कार्यरत नसेल तर वाहन धारकाला पथकर शुल्काच्या दुप्पट शुल्क भरावे लागेल. त्याचप्रमाणे रोख रक्कम, स्मार्ट कार्ड, क्रेडिट डेबिट कार्ड किंवा कोड किंवा इतर कोणत्याही माध्यमाद्वारे पथकर शुल्क भरायचे असेल तरी देखील दुप्पट पथकर शुल्क भरावे लागेल. अशी माहिती देखील सरकारकडून देण्यात आली आहे. एमएसआरडीसीच्या अखत्यारीत 50 टोलनाके असून सार्वजनिक बांधकाम विभागाचे राज्यात 23 टोल नाके आहेत. या नाक्यांवर या निर्णयाची अंमलबजावणी केली जाईल अशी माहिती ही उपमुख्यमंत्री एकनाथ शिंदे यांनी दिली.

Maharashtra Government: महाराष्ट्र सरकारचा मोठा निर्णय, सर्व वाहनांसाठी फास्ट टॅग अनिवार्य Read More »

Ahilyanagar News : वाढणार सुरक्षा अन् गुन्हे होणार कमी, वाहनांना एचएसआरपी बसविण्याचे आवाहन

Leave a Comment / ऑटोमोबाईल, ताज्या बातम्या /

Ahilyanagar News : वाहनांच्या नंबर प्लेटमध्ये छेडछाड व बनावटगिरी करुन होणारे गुन्हे कमी करणे आणि रस्त्यावर धावणाऱ्या वाहनाची ओळख पटविण्याकरिता १ एप्रिल २०१९ पूर्वीच्या सर्व जुन्या नोंदणीकृत वाहनांना ‘हाय सिक्युरिटी रजिस्ट्रेशन नंबर प्लेट’ (एचएसआरपी)बसविण्याचा निर्णय शासनाने घेतला असून उप प्रादेशिक परिवहन कार्यालय श्रीरामपूर कार्यालयाच्या कार्यक्षेत्रातील वाहनांना नंबर प्लेट बसविणे करीता सेवा पुरवठादार एफटीए एचएसआरपी सोल्युशन्स या संस्थेची यांची अधिकृत नियुक्ती करण्यात आली आहे. सेवापुरवठादार यांचे अधिकृत संकेतस्थळ htttp://maharashtrahsrp.com या संकेतस्थळावर जाऊन वाहन क्रमांकाची ‘हाय सिक्युरिटी नंबर प्लेट’ नोंदणी करणे आवश्यक आहे. कार्यालयाच्या कार्यक्षेत्रातील श्रीरामपूर, नेवासा, राहुरी, राहाता, कोपरगांव, संगमनेर, अकोले या तालुक्यांकरीता सेवापुरवठादार यांच्याकडून श्रीरामपूर येथील मुळे मोटर्स, बेलापुर रोड श्रीरामपूर, राहुल ट्रॅक्टर्स श्रीरामपूर, शिरोडे ऑटोमोबाईल्स प्रा.लि. श्रीरामपूर हे अधिकृत फिटमेंटर सेंटर नियुक्त करण्यात आलेले आहेत. हाय सिक्युरिटी नंबर प्लेट बसविण्यासाठी दुचाकी वाहन व ट्रॅक्टर्ससाठी ४५० रुपये, तीनचाकी वाहनांसाठी ५०० रुपये आणि चारचाकी, प्रवासी चारचाकी, ट्रक, ट्रेलर्स व इतर वाहनांसाठी ७४५ रुपये इतका दर निश्चित करण्यात आलेला आहे. सर्व वाहनधारकांनी ३१ मार्च २०२५ पर्यंत अधिकृत फिटमेंट सेंटरद्वारे जुन्या नोंदणीकृत वाहनांना एचएसआरपी बसविण्याची कार्यवाही पूर्ण करावी, असे आवाहन श्रीरामपूरचे उपप्रादेशिक परिवहन अधिकारी अनंत जोशी यांनी केले आहे.

Ahilyanagar News : वाढणार सुरक्षा अन् गुन्हे होणार कमी, वाहनांना एचएसआरपी बसविण्याचे आवाहन Read More »

Maharashtra News: जप्त केलेल्या वाहनांचा जाहीर लिलाव होणार

Leave a Comment / ऑटोमोबाईल, क्राईम /

Maharashtra News: तालुक्यात अवैधरित्या गौणखनिज उत्खनन करुन वाहतूक करणाऱ्या वाहनांच्या मालकांनी दंडात्मक कार्यवाहीत आदेशातील रक्कम शासन जमा न केल्याने ही रक्कम वसूल करण्यासाठी २ जानेवारी २०२५ रोजी सकाळी ११ वाजता तहसील कार्यालय, अहिल्यानगर जवळील गंगा उद्यानाच्या मागील बाजूस जप्त केलेल्या वाहनांचा लिलाव करण्यात येणार आहे. लिलावात भाग घेण्याचा अर्ज, लिलाव होणाऱ्या जंगम मालमत्तेची किंमत, अनामत रक्कम, तसेच लिलावाच्या अटी व शर्तीकरिता तहसीलदार अहिल्यानगर यांच्याशी कार्यालयीन वेळेत संपर्क साधावा. अशी माहिती तहसीलदार संजय शिंदे यांनी दिली आहे.

Maharashtra News: जप्त केलेल्या वाहनांचा जाहीर लिलाव होणार Read More »

Bank Holidays January 2025: तब्बल 13 दिवस बँका राहणार बंद, जाणून घ्या नेमकं कारण काय?

Leave a Comment / ऑटोमोबाईल, ताज्या बातम्या /

Bank Holidays January 2025 : नवीन वर्षाच्या पहिल्या महिन्यात देशात तब्बल 13 दिवस बँका बंद राहणार असल्याची माहिती समोर आली आहे. जाणून घ्या जानेवारी महिन्यात कधी आणि कुठे देशात बँका बंद राहणार आहे. 1 जानेवारी 2025: बँकेला सुट्टी असेल का?बुधवार, 1 जानेवारी 2025 रोजी नवीन वर्षाचे उत्सव साजरे केले जातील. भारतीय रिझर्व्ह बँक (RBI) ने अद्याप जानेवारीचे अधिकृत कॅलेंडर जारी केले नसले तरी, या दिवशी देशभरात बँकांना सुट्टी असण्याची शक्यता आहे. म्हणजेच नववर्षानिमित्त बँकांमधील कामकाज बंद राहणार आहे. जानेवारी महिन्यात बँकेला किती दिवस सुट्ट्या असतात?जानेवारी 2025 मध्ये बँकांसाठी एकूण 13 सुट्ट्या असू शकतात. यामध्ये 2 शनिवार आणि 4 रविवार तसेच अनेक राष्ट्रीय आणि प्रादेशिक सुट्ट्यांचा समावेश आहे. चला, जानेवारी महिन्यात बँकांना कोणत्या दिवशी सुट्ट्या असतील हे जाणून घेऊया. जानेवारी 2025 च्या बँक सुट्ट्यांची संभाव्य यादी1 जानेवारी 2025 (बुधवार): नवीन वर्षाचा दिवस : संपूर्ण देशात5 जानेवारी 2025 (रविवार): संपूर्ण देश6 जानेवारी 2025 (सोमवार): गुरु गोविंद सिंग जयंती – चंदीगड, हरियाणा11 जानेवारी 2025 (शनिवार): दुसरा शनिवार – संपूर्ण देश आणि मिशनरी दिवस – मिझोराम12 जानेवारी 2025 (रविवार): स्वामी विवेकानंद जयंती – पश्चिम बंगाल13 जानेवारी 2025 (सोमवार): लोहरी – पंजाब, जम्मू, हिमाचल प्रदेश14 जानेवारी 2025 (मंगळवार): मकर संक्रांती आणि पोंगल – विविध राज्ये15 जानेवारी 2025 (बुधवार): तिरुवल्लुवर दिवस – तामिळनाडू19 जानेवारी 2025 (रविवार): संपूर्ण देश23 जानेवारी 2025 (गुरुवार): नेताजी सुभाषचंद्र बोस जयंती – ओडिशा, त्रिपुरा, पश्चिम बंगाल24 जानेवारी 2025 (शनिवार): चौथा शनिवार – संपूर्ण देश26 जानेवारी 2025 (रविवार): प्रजासत्ताक दिन – संपूर्ण देश30 जानेवारी 2025 (गुरुवार): सोनम लोसार – सिक्कीम लक्षात ठेवण्याच्या गोष्टीबँकेच्या सुट्ट्या राज्यानुसार बदलू शकतात. त्यामुळे, तुम्हाला तुमच्या स्थानिक बँकेच्या शाखेतून सुट्ट्यांची माहिती अगोदर मिळणे योग्य ठरेल. हे जाणून घेतल्यास, तुम्ही तुमची बँकिंगशी संबंधित कामे सहजपणे समायोजित करू शकता, जेणेकरून कोणत्याही अडचण येणार नाही.

Bank Holidays January 2025: तब्बल 13 दिवस बँका राहणार बंद, जाणून घ्या नेमकं कारण काय? Read More »

Happy New Year: नवीन वर्षात होणार मोठे बदल, 1 जानेवारीपासून ‘हे’ नियम बदलणार

Leave a Comment / ऑटोमोबाईल, ताज्या बातम्या /

Happy New Year: नवीन वर्षाच्या सुरुवातीला म्हणजे 1 जानेवारी 2025 पासून देशात अनेक नियम बदलणार आहे. ज्याचा थेट परिणाम सर्वसामान्यांवर होणार आहे. कर आणि अनुदानांमध्ये बदलआता 1% TCS (टॅक्स कलेक्शन ॲट सोर्स) 10 लाख रुपयांपेक्षा जास्त किमतीच्या हँडबॅग आणि घड्याळे यांसारख्या लक्झरी वस्तूंवर लागू होईल. कारच्या किमतीत वाढमारुती सुझुकीने आपल्या वाहनांच्या किमतीत 4% पर्यंत वाढ करण्याची घोषणा केली आहे.Hyundai ने 25,000 पर्यंत आणि Mahindra ने 3% ने किमती वाढवल्या आहेत. Mercedes-Benz, BMW आणि Audi सारख्या लक्झरी कार कंपन्या देखील किमती 3% पर्यंत वाढवत आहेत. जुन्या फोनवर व्हॉट्सॲप सपोर्ट नसणारव्हॉट्सॲप काही जुन्या ऑपरेटिंग सिस्टमवर काम करणे बंद करेल. याचा परिणाम Samsung Galaxy S3, Motorola Moto G (1st Gen), HTC One X आणि Sony Xperia Z सारख्या मॉडेल्सवर होईल. UPI पेमेंटची नवीन मर्यादाफीचर फोन वापरकर्त्यांसाठी UPI पेमेंट मर्यादा 5,000 वरून 10,000 करण्यात आली आहे. या बदलामुळे 123Pay सेवेअंतर्गत ग्रामीण भागातील लहान व्यापारी आणि वापरकर्त्यांना फायदा होईल. या बदलाचा काय परिणाम होतो?2025 चे हे बदल सामान्य ग्राहक आणि बाजाराची दिशा ठरवतील. एकीकडे कर आणि डिजिटल पेमेंटमुळे जीवन सुकर होणार आहे, तर दुसरीकडे रिअल इस्टेट आणि ऑटोमोबाईल क्षेत्रातील किमती वाढल्याने त्याचा परिणाम सर्वसामान्यांवर होणार आहे.

Happy New Year: नवीन वर्षात होणार मोठे बदल, 1 जानेवारीपासून ‘हे’ नियम बदलणार Read More »

Mumbai Caught Fire: मोठी बातमी, प्लास्टिक आणि भंगाराच्या गोदामाला आग

Leave a Comment / ऑटोमोबाईल, ताज्या बातम्या /

Mumbai Caught Fire: एक मोठी बातमी समोर आली आहे. या बातमीनुसार मुंबईतील कुर्ला येथे शनिवारी सकाळी आग लागल्याची घटना समोर आली आहे. जिथे प्लास्टिक आणि भंगाराच्या गोदामाला भीषण आग लागली. घटनेची माहिती मिळताच अग्निशमन दलाचे पथक घटनास्थळी दाखल झाले. अग्निशमन दलाच्या आठ गाड्या घटनास्थळी आग विझवण्यात व्यस्त आहेत. कुर्ल्यातील वाजिद अली कंपाऊंडमध्ये बांधलेल्या गोदामात ही आग लागली. गोदामाला सकाळी सहा वाजता अचानक आग लागली. सुदैवाने या अपघातात कोणीही जखमी झाले नाही.

Mumbai Caught Fire: मोठी बातमी, प्लास्टिक आणि भंगाराच्या गोदामाला आग Read More »

Mobile Recharge: अरे वा…आता करता येणार फक्त SMS अन् कॉलिंगसाठी स्वस्त रिचार्ज

Leave a Comment / ऑटोमोबाईल, ताज्या बातम्या /

Mobile Recharge: टेलिकॉम कंपन्यांना भारतीय दूरसंचार नियामक प्राधिकरण (TRAI) ने व्हॉईस कॉल आणि एसएमएससाठी स्वतंत्र रिचार्ज सुविधा प्रदान करण्याच्या सूचना जारी केल्या आहेत. ट्रायने सांगितले की, या ग्राहकांना अनावश्यक सेवांसाठीही पैसे मोजावे लागतात. अशा लोकांसाठी अत्यावश्यक सेवांसाठी स्वतंत्र रिचार्ज सुविधा उपलब्ध करून देण्याची सूचना ट्रायने दूरसंचार कंपन्यांना केली आहे. TRAI ने 2012 च्या दूरसंचार ग्राहक संरक्षण नियमांमध्ये सुधारणा करून हा आदेश जारी केला आहे. त्यात म्हटले आहे की कमीत कमी एक स्पेशल टेरिफ व्हाउचर फक्त व्हॉइस आणि एसएमएस सेवांसाठी जारी केले जावे. देशातील 15 कोटी मोबाईल ग्राहक अजूनही 2G कनेक्शन वापरतात. हे लक्षात घेऊन ही नवीन दुरुस्ती करण्यात आली आहे. दूरसंचार कंपन्यांना विद्यमान रिचार्ज व्हाउचरसह जास्तीत जास्त 365 दिवसांची वैधता प्रदान करण्याचे निर्देशही देण्यात आले आहेत. वृद्ध, ग्रामीण भागातील लोक आणि इंटरनेटचा जास्त वापर न करणाऱ्या दोन सिम वापरणाऱ्यांसाठी ही सूचना फायदेशीर ठरणार आहे. स्पेशल टॅरिफ व्हाउचर आणि कॉम्बो व्हाउचरची वैधता देखील 90 दिवसांवरून 365 दिवसांपर्यंत वाढवण्याची परवानगी देण्यात आली आहे. याशिवाय ट्रायने टॉप-अपसाठी 10 रुपयांच्या पटीत असलेली अटही काढून टाकली आहे.

Mobile Recharge: अरे वा…आता करता येणार फक्त SMS अन् कॉलिंगसाठी स्वस्त रिचार्ज Read More »

Maharashtra News: MIDC मध्ये चाललय काय? अधिकाऱ्यांच्या कारभारामुळे उद्योजकांची फरफट

Leave a Comment / ऑटोमोबाईल, ताज्या बातम्या /

Maharashtra News : एमआयडीसीमध्ये उद्योजकांच्या समस्यांबाबतची स्थिती चिंताजनक आहे. अनेक वर्षांपासून उद्योजकांनी जागेची मागणी केली असतानाही त्यांना प्लॉट मिळत नाहीत. यामध्ये अधिकाऱ्यांच्या कारभारामुळे उद्योजकांची फरफट होत आहे. अधिकारी आणि भूखंड माफियांच्या संगनमतामुळे काही निवडक लोकांना प्लॉट मिळत आहेत, तर इतरांना आर्थिक तडजोडीच्या आधारावरच जागा मिळवावी लागते. प्लॉट शिल्लक नसल्याच्या कारणाने वेबसाईट बंद ठेवली जाते, परंतु अचानक प्लॉटचा लिलाव होणे हे अनेक प्रश्न उपस्थित करते. उद्योग मंत्री लक्ष घालणार का, हे पाहणे महत्त्वाचे आहे. जर या समस्यांचे निराकरण झाले नाही, तर उद्योजकांच्या विकासाला मोठा धक्का बसू शकतो. एमआयडीसीमध्ये अधिकाऱ्यांचे वर्चस्व आणि भूखंड माफियांची कारस्थाने थांबवण्यासाठी कठोर उपाययोजना आवश्यक आहेत. उद्योजकांच्या हितासाठी योग्य निर्णय घेणे आवश्यक आहे, अन्यथा या गोंधळामुळे उद्योग क्षेत्रात मोठा अडथळा येऊ शकतो. अहिल्यानगर एमआयडीसीतील उद्योजकांचे प्रश्नअहिल्यानगर एमआयडीसीमध्ये उद्योजक अनेक समस्यांना सामोरे जात आहेत. त्यांच्या मुख्य समस्यांचा सारांश खालीलप्रमाणे आहे: उद्योग मंत्र्यांनी लक्ष द्यावेउद्योग मंत्र्यांनी अहिल्यानगर एमआयडीसीमध्ये उद्योजकांच्या या समस्यांकडे लक्ष देऊन योग्य ती कारवाई करावी, जेणेकरून उद्योगांचा विकास होईल. समाधान काय?

Maharashtra News: MIDC मध्ये चाललय काय? अधिकाऱ्यांच्या कारभारामुळे उद्योजकांची फरफट Read More »