DNA मराठी

dna marathi
Menu

स्पोर्ट्स

IPL Mega Auction ‘या’ 72 खेळाडूंची लागली लॉटरी; पहा संपूर्ण लिस्ट

Leave a Comment / ताज्या बातम्या, स्पोर्ट्स /

IPL Mega Auction: आयपीएल 2025 साठी खेळाडूंचा मेगा लिलाव सुरू झाला आहे. रविवारी सौदी अरेबियाच्या जेद्दा येथे लिलाव सुरु झाला आहे. दोन दिवस चालणाऱ्या लिलावात एकूण 577 खेळाडूंवर बोली लावली जाणार आहे. सर्व 10 संघांमध्ये 70 विदेशी खेळाडूंसह एकूण 204 खेळाडूंसाठी जागा आहे. तर लिलावाच्या पहिल्या दिवशी रविवारी 84 खेळाडूंवर बोली लावण्यात आली, त्यापैकी 10 संघांनी 72 खेळाडूंना खरेदीदार मिळाले आहे. कोणत्या खेळाडूला खरेदी करण्यासाठी कोणी बोली लावली जाणून घ्या. 11.मोहम्मद सिराज (गुजरात टायटन्स) 12.25 कोटी 19.रचिन रवींद्र (चेन्नई सुपर किंग्ज) 4 कोटी 21.व्यंकटेश अय्यर (कोलकाता नाईट रायडर्स) 23.75 कोटी 34.जोफ्रा आर्चर (राजस्थान रॉयल्स) 12.50 कोटी 35.खलील अहमद (चेन्नई सुपर किंग्ज) 4.80 कोटी 43.अथर्व तायडे (सनरायझर्स हैदराबाद) 30 लाख 44.नेहल वढेरा (पंजाब किंग्ज) 4.2 कोटी 48.निशांत सिंधू (गुजरात टायटन्स) 30 लाख 50.नमन धीर (मुंबई इंडियन्स) 5.25 कोटी 53.विजय शंकर (चेन्नई सुपर किंग्ज) 1.20 कोटी 54 .रॉबिन मिन्झ (मुंबई इंडियन्स) 65 लाख 58.अनुज रावत (गुजरात टायटन्स) 30 लाख 68.सुयश शर्मा (रॉयल चॅलेंजर्स बंगलोर) 2.5 कोटी 69. कर्ण शर्मा (मुंबई इंडियन्स) 50 लाख 70.मयंक मार्कंडे (कोलकाता नाईट रायडर्स) 30 लाख 71.कुमार कार्तिकेय सिंग (राजस्थान रॉयल्स) 30 लाख 72.मानव सुथार (गुजरात टायटन्स) 30 लाख

IPL Mega Auction ‘या’ 72 खेळाडूंची लागली लॉटरी; पहा संपूर्ण लिस्ट Read More »

IND vs AUS 2024: ऑस्ट्रेलियाला धक्का, भारतीय संघात ‘या’ 2 खेळाडूंची होणार सरप्राईज एंट्री

Leave a Comment / ताज्या बातम्या, स्पोर्ट्स /

IND vs AUS 2024: भारत आणि ऑस्ट्रेलिया यांच्यात पाच सामन्याची बॉर्डर- गावस्कर ट्रॉफीची सुरुवात 22 नोव्हेंबर पासून होणार आहे. मात्र त्यापूर्वी भारतीय संघाला मोठा धक्का बसला आहे. स्टार फलंदाज शुभमन गिल सराव सामन्यात जखमी झाल्याने तो पहिल्या सामन्यात खेळणार नसल्याचे जवळपास फिक्स झाले आहे. तर दुसरीकडे कर्णधार रोहित शर्मा देखील पहिल्या सामन्यात खेळणार नसल्याचे सांगण्यात येत आहे. त्यामुळे यशस्वी जयस्वालसोबत कोण ओपनिंग करणार? याचा उत्तर सर्वांना जाणून घ्याचे आहे. माहितीनुसार, बीसीसीआय दोन खेळाडूंची सप्राईज एन्ट्री करू शकतो. भारतीय संघात साई सुदर्शन आणि देवदत्त पडिक्कल यांची सरप्राईज एंट्री होऊ शकते. हे दोन्ही फलंदाज भारत अ संघाचा भाग आहेत. जर गिल किंवा इतर कोणताही खेळाडू दुखापतीमुळे बाहेर पडला तर या दोघांपैकी एकाला भारतीय संघात प्रवेश मिळू शकतो. साई आणि देवदत्त यांनी ऑस्ट्रेलिया अ विरुद्ध चांगली कामगिरी केली होती. त्यामुळे या दोन्ही खेळाडूंना सध्या ऑस्ट्रेलियात राहण्यास सांगण्यात आले आहे. कारण ऑस्ट्रेलियात खेळाडूंना दुखापत होण्याची शक्यता जास्त असते. शुभमन गिलची दुखापत किती गंभीर ?WACA येथे भारताच्या आंतर-संघ सराव सामन्याच्या दुसऱ्या दिवशी गिलला डाव्या हाताच्या अंगठ्याला दुखापत झाली. गिलला इंट्रा-आर्टिक्युलर फ्रॅक्चर झाले असावे अशी माहिती समोर येत आहे. या प्रकारची दुखापत बरी होण्यासाठी साधारणतः दोन ते तीन आठवडे लागतात.

IND vs AUS 2024: ऑस्ट्रेलियाला धक्का, भारतीय संघात ‘या’ 2 खेळाडूंची होणार सरप्राईज एंट्री Read More »

MS.Dhoni ‘या’ दिवशी घेणार आयपीएलमधून निवृत्ती, सीईओ काशी विश्वनाथन यांनी सर्वकाही सागितलं…

Leave a Comment / ताज्या बातम्या, स्पोर्ट्स /

MS.Dhoni : येत्या काही दिवसात IPL 2025 साठी मेगा लिलाव होणार आहे. तर दुसरीकडे सोशल मीडियावर एमएस धोनी निवृत्ती कधी घेणार याबाबत अनेक चर्चांना उधाण आले आहे. IPL 2025 मध्ये एमएस धोनी चेन्नईकडून खेळताना दिसणार आहे. तर आता सीएसकेचे सीईओ कासी विश्वनाथन यांनी धोनी या लीगला कधी अलविदा करणार असल्याचे संकेत दिले आहेत. काशी विश्वनाथन प्रोव्होक्ड या यूट्यूब चॅनलवर संघाचा माजी स्टार फलंदाज अंबाती रायडूसोबत झालेल्या संभाषणात सहभागी झाला होता. येथे त्याने धोनीची निवृत्ती आणि सीएसकेची खासियत मानल्या जाणाऱ्या सांघिक वातावरणावर खुलेपणाने चर्चा केली. दरम्यान, रायुडूने काशी विश्वनाथनला धोनीच्या 2021 च्या इच्छेची आठवण करून दिली आणि धोनी कधी निवृत्ती घेण्याचा विचार करत आहे हे त्याला ठाऊक आहे का, असे विचारले. यावर प्रत्युत्तर देताना विश्वनाथन म्हणाला, ‘माही (एमएस धोनी) चा प्रश्न आहे, तुम्हाला माहिती आहे की तो गोष्टी स्वतःकडे ठेवतो. तो फक्त शेवटच्या क्षणी बाहेर येतो. त्याची CSK बद्दलची आवड काय आहे आणि त्याचे फॉलोअर्स काय आहे हे आम्हाला माहीत आहे, आम्हाला हे देखील माहित आहे आणि त्याने त्याच्या एका मुलाखतीत असेही नमूद केले होते की तो आपला शेवटचा सामना फक्त चेन्नईमध्येच खेळणार आहे. तो पुढे म्हणाला, ‘सीएसकेचा संबंध आहे, आम्ही आशा करतो की ते शक्य तितक्या वेळ खेळत राहतील. जोपर्यंत एमएस धोनीला खेळायचे आहे, तोपर्यंत त्याच्यासाठी सीएसकेचे दरवाजे खुले आहेत. मी त्याला जेवढे ओळखतो, त्याची बांधिलकी आणि समर्पण पाहता, तो नेहमीच योग्य निर्णय घेईल असे आपण म्हणू शकतो.

MS.Dhoni ‘या’ दिवशी घेणार आयपीएलमधून निवृत्ती, सीईओ काशी विश्वनाथन यांनी सर्वकाही सागितलं… Read More »

IPL 2025 Auction: IPL 2025 मेगा लिलाव ‘या’ दिवशी होणार, जाणून घ्या ताजे अपडेट

Leave a Comment / ताज्या बातम्या, स्पोर्ट्स /

IPL 2025 Auction : नुकतंच आयपीएल 2025 साठी 11 संघांनी आपल्या कायम खेळाडूंची यादी जाहीर केली आहे. तर आता सर्वांचे लक्ष मेगा लिलावाकडे लागले आहे. आयपीएल 2025 मेगा लिलावापूर्वी, फ्रँचायझींनी 46 खेळाडूंना कायम ठेवले आहे. आता लिलावाची तारीख आणि ठिकाण याबाबत मोठी बातमी समोर येत आहे. न्यूज एजन्सी एएनआयनुसार, आयपीएल 2025 चा मेगा लिलाव दोन दिवस चालेल, जो नोव्हेंबरच्या शेवटी सौदी अरेबियाच्या रियाध शहरात आयोजित केला जाऊ शकतो. लिलावाची तारीख जाणून घ्याआयपीएलचा लिलाव सलग दुसऱ्या वर्षी भारताबाहेर होणार असल्याचे मानले जात आहे. IPL 2024 चा प्री-सीझन लिलाव दुबईत पार पडला. परदेशात आयपीएलचा लिलाव होण्याची ही पहिलीच वेळ होती. यावेळी खेळाडूंची बोली रियाधमध्ये होणार आहे. IPL 2025 मेगा लिलावाची संभाव्य तारीख 24 आणि 25 नोव्हेंबर असल्याचे सांगितले जाते. लिलावात अनेक मोठे खेळाडू उतरणार आहेतआयपीएल लिलावापूर्वी, फ्रँचायझींनी अनेक मोठे खेळाडू सोडले आहेत, ज्यात ऋषभ पंत, केएल राहुल, श्रेयस अय्यर, मोहम्मद शमी, इशान किशन, अर्शदीप सिंग, जोस बटलर, ग्लेन मॅक्सवेल आणि मार्कस स्टॉइनिस यासारखे स्टार्स आहेत. हे सर्व खेळाडू आता मेगा लिलावात उतरणार आहेत. लिलावाच्या टेबलावर पंजाब किंग्जची सर्वात मोठी पर्स असेल. पंजाबने केवळ दोन अनकॅप्ड खेळाडूंना कायम ठेवले आहे, त्यांच्याकडे 120 कोटींपैकी 110.5 कोटी रुपये आहेत.

IPL 2025 Auction: IPL 2025 मेगा लिलाव ‘या’ दिवशी होणार, जाणून घ्या ताजे अपडेट Read More »

K.L. Rahul: IPL 2025 केएल राहुलला सोडणार लखनऊ, ‘हे’ आहे कारण

Leave a Comment / ताज्या बातम्या, स्पोर्ट्स /

K.L. Rahul: बीसीसीआय कडून आयपीएल 2025 साठी तयारी सुरू करण्यात आली आहे. येत्या काही दिवसात आयपीएल 2025 साठी मेगा लिलाव होणार आहे. मात्र त्यापूर्वी एक मोठी घडामोड समोर येत आहे. माहितीनुसार लखनऊ सुपरजायंट्स कर्णधार के. एल. राहुलला रिटर्न करणार नाही. याबाबत संघाचा मेंटोर झहीर खान आणि प्रशिक्षक जस्टिन लँगर यांनी राहुलला रिटेन न करण्याबाबत व्यवस्थापनाला स्पष्ट केले आहे. गेल्या मोसमात झहीर आणि लँगरने राहुलच्या कामगिरीचे मूल्यांकन केले. त्याने सांगितले की ज्या सामन्यांमध्ये राहुलने मोठी धावसंख्या केली त्या सामन्यांमध्ये लखनौला हरण्याची शक्यता जास्त होती. राहुल जेव्हा ओपनिंग करताना मोठी धावसंख्या करतो तेव्हा अनेक चेंडू डॉट जातात, ज्यामुळे नंतर येणाऱ्या फलंदाजांवर दबाव वाढतो. तसेच, खेळाच्या गतीनुसार स्ट्राईक रेट राखण्यात राहुल अनेकदा अपयशी ठरतो. प्रभावशाली खेळाडूंच्या नियमामुळेच लखनौला अनेक वेळा चांगली धावसंख्या करता आली आहे आणि वरच्या क्रमाने इतके चेंडू डॉट घालवणे मान्य नाही. राहुलच्या जागी लखनौला कोणाला कायम ठेवायचे आहे?अहवालात असेही म्हटले आहे की लखनौला केएल राहुलऐवजी वेगवान गोलंदाज मयंक यादवला कायम ठेवण्यात अधिक रस आहे. मयंक हा लखनौचा शोध आहे आणि टीमने स्वतः त्याला ओळखून सुधारले आहे. मयंक व्यतिरिक्त भारताकडून अद्याप खेळलेला नाही आयुष बडोनी आणि मेहसीन खान यांनाही संघ कायम ठेवू शकतो. जर दिल्लीने ऋषभ पंतला कायम ठेवले नाही तर लखनऊ त्याला संघात समाविष्ट करून कर्णधार बनवण्याचा विचार करत आहे.

K.L. Rahul: IPL 2025 केएल राहुलला सोडणार लखनऊ, ‘हे’ आहे कारण Read More »

IPL 2025 मध्ये होणार 94 सामने? जाणून घ्या बीसीसीआयचा निर्णय

Leave a Comment / ताज्या बातम्या, स्पोर्ट्स /

IPL 2025 :  येत्या काही दिवसात IPL 2025 साठी मेगा लिलाव होणार आहे. मात्र त्यापूर्वी IPL 2025 मध्ये 94 सामने होणार असल्याची चर्चा सोशल मीडियावर होत आहे.  IPL 2022,  IPL 2023 आणि IPL 2024 मध्ये 74 सामने झाले होते यंदा देखील 74 सामने होणार असल्याची माहिती समोर आली आहे.  मीडिया रिपोर्ट्सनुसार, बीसीसीआयने सामन्यांच्या संख्येत कोणताही बदल न करण्याचा निर्णय घेतला आहे.  2022 मध्ये नवीन मीडिया अधिकारांच्या लिलावादरम्यान, बीसीसीआयने 2023 आणि 2024 मध्ये 74 सामने, 2025 आणि 2026 मध्ये 84 सामने आणि 2027 मध्ये जास्तीत जास्त 94 सामन्यांबद्दल बोलले होते. पण सलग सामन्यांसाठी भारतीय स्टार खेळाडूंचा दबाव कमी करण्यासाठी बीसीसीआयने आयपीएलच्या पुढील आवृत्तीत केवळ 74 सामने आयोजित करण्याचा निर्णय घेतला आहे. याशिवाय 2025 मध्ये होणाऱ्या वर्ल्ड टेस्ट चॅम्पियनशिपच्या अंतिम फेरीत भारताची पोहोचण्याची शक्यता खूप जास्त आहे. 11 जूनपासून या स्पर्धेला सुरुवात होणार आहे. आयपीएल दीर्घकाळ सुरू राहिल्यास खेळाडूंना पुरेशी विश्रांती घेता येणार नाही, त्यामुळे सामन्यांची संख्या न वाढवण्याचा निर्णय घेण्यात आल्याचे मानले जात आहे. आयपीएल फ्रँचायझींना लिलावापूर्वी पाच खेळाडूंना कायम ठेवण्याची संधी? मीडिया रिपोर्ट्सनुसार, पुढील आयपीएल लिलावापूर्वी बीसीसीआय फ्रँचायझीला प्रत्येकी पाच खेळाडूंना संघात ठेवण्याची परवानगी देऊ शकते. याबाबत बीसीसीआयने फ्रँचायझीशी चर्चा केली आहे. काही फ्रँचायझींनी 5 ते 6 खेळाडूंना कायम ठेवण्याची मागणी केली होती.  सध्या बीसीसीआय जास्तीत जास्त पाच खेळाडूंना कायम ठेवण्याची परवानगी देणार असल्याची बातमी आहे. मात्र, त्यात किती परदेशी खेळाडू आहेत, याबाबत अद्याप कोणतीही स्पष्ट माहिती मिळालेली नाही. त्याचवेळी, लिलावात राईट टू मॅच (RTM) पर्याय नसल्याचं सांगण्यात येत आहे.

IPL 2025 मध्ये होणार 94 सामने? जाणून घ्या बीसीसीआयचा निर्णय Read More »

England vs Australia 2nd T20I : 6,6,6,6,6…लियाम लिव्हिंग्स्टनचा कहर, ऑस्ट्रेलियाचा दारुण पराभव

Leave a Comment / ताज्या बातम्या, स्पोर्ट्स /

England vs Australia 2nd T20I: दुसऱ्या t20 सामन्यात इंग्लंडने अष्टपैलू लियाम लिव्हिंग्स्टनच्या झंझावाती फलंदाजीच्या जोरावर ऑस्ट्रेलियाचा तीन गडी राखून पराभव केला. या विजयासह इंग्लंडने तीन सामन्यांच्या टी-20 मालिकेत 1-1 अशी बरोबरी साधली कार्डिफ येथे खेळल्या गेलेल्या दुसऱ्या T20 सामन्यात प्रथम फलंदाजी करताना ऑस्ट्रेलियाने 20 षटकांत 6 विकेट गमावत 193 धावा केल्या, जे इंग्लंड संघाने एक षटक शिल्लक असताना सात विकेट गमावून पूर्ण केले. ट्रॅव्हिस हेडच्या नेतृत्वाखाली ऑस्ट्रेलियाचा हा पहिला पराभव आहे. ऑस्ट्रेलियाने दिलेल्या 194 धावांच्या लक्ष्याचा पाठलाग करताना इंग्लंड संघाने 79 धावांत तीन विकेट गमावल्या. यात फिल सॉल्टच्या 23 चेंडूत (दोन चौकार, तीन षटकार) 39 धावा आणि विल जॅक (12) आणि जॉर्डन कॉक्स (00) यांच्या विकेट्सचा समावेश आहे. मात्र, यानंतर लियाम लिव्हिंगस्टोन आणि जेकब बेथेल यांनी 47 चेंडूत 90 धावांची भागीदारी करत संघाला दणदणीत विजय मिळवून दिला. आपल्या स्फोटक खेळीदरम्यान लिव्हिंगस्टोनने 47 चेंडूंत सहा चौकार आणि पाच षटकारांच्या मदतीने 87 धावा केल्या. त्याला प्लेअर ऑफ द मॅचचा किताबही देण्यात आला. त्याच्याशिवाय जेकब बेथेलने 24 चेंडूंत चार चौकार आणि तीन षटकारांच्या मदतीने 44 धावांचे योगदान दिले. त्याच्याशिवाय सॅम कुरनला एकच धाव करता आली तर ब्रेडन कार्सला खातेही उघडता आले नाही. जेमी ओव्हरटन चार धावांवर नाबाद राहिला तर आदिल रशीद एका धावेवर नाबाद राहिला. ऑस्ट्रेलियाकडून मॅथ्यू शॉर्टने शानदार गोलंदाजी केली. मॅथ्यू शॉर्टने तीन षटकांत 22 धावा देत पाच बळी घेतले. मात्र त्याला इतर गोलंदाजांची साथ मिळू शकली नाही. ऑस्ट्रेलियाने 6 बाद 193 धावा केल्या तत्पूर्वी, इंग्लंड संघाने नाणेफेक जिंकून गोलंदाजी करण्याचा निर्णय घेतला. ट्रॅव्हिस हेड पुन्हा एकदा आक्रमक दिसला आणि 14 चेंडूत 31 धावा करून बाद झाला. त्याच्याशिवाय मॅथ्यू शॉर्टने 28 धावांचे योगदान दिले. पहिल्या सामन्यातून बाहेर पडलेल्या जॅक फ्रेझर मॅकगर्कने शानदार पुनरागमन करत अर्धशतक झळकावले. आयपीएलमध्ये दिल्ली कॅपिटल्सकडून खेळणाऱ्या मॅकगर्कने 31 चेंडूत 50 धावा केल्या. जोश इंग्लिशने 26 चेंडूत 42 धावांची स्फोटक खेळी खेळली. या सामन्यात स्टॉइनिस (02) आणि टीम डेव्हिड (01) फ्लॉप ठरले. कॅमेरॉन ग्रीन (13 धावा) आणि ॲरॉन हार्डी (20 धावा) यांनी ऑस्ट्रेलियाला 200 च्या जवळ नेले. लिव्हिंगस्टोनने इंग्लंडसाठी शानदार गोलंदाजी केली आणि तीन षटकात 16 धावा देऊन दोन बळी घेतले.

England vs Australia 2nd T20I : 6,6,6,6,6…लियाम लिव्हिंग्स्टनचा कहर, ऑस्ट्रेलियाचा दारुण पराभव Read More »

IND vs BAN: बांगलादेशविरुद्धच्या कसोटी मालिकेसाठी ‘या’ दिवशी टीम इंडियाची घोषणा होणार

Leave a Comment / ताज्या बातम्या, स्पोर्ट्स /

IND vs BAN : बांगलादेशविरुद्ध होणाऱ्या दोन कसोटी सामन्याची मालिकेपूर्वी भारतीय संघाचे सराव सत्र 12 सप्टेंबरपासून चेन्नईतील चेपॉक स्टेडियमवर सुरू होणार आहे. बांगलादेशविरुद्ध होणारी मालिका 19 सप्टेंबरपासून सुरू होणार आहे. बांगलादेशचे सराव सत्र 15 सप्टेंबरपासून चेपॉक येथेच सुरू होणार आहे. बांगलादेशविरुद्धच्या दोन कसोटी सामन्यांच्या मालिकेसाठी  बीसीसीआयने अद्याप संघ जाहीर केलेला नाही. बेंगळुरू आणि अनंतपूर येथे 5 ते 8 सप्टेंबर दरम्यान होणाऱ्या दुलीप करंडक स्पर्धेच्या पहिल्या फेरीनंतर ही घोषणा होण्याची शक्यता आहे. शुभमन गिल, केएल राहुल, ध्रुव जुरेल, कुलदीप यादव, आकाश दीप, यशस्वी जैस्वाल, सरफराज खान, ऋषभ पंत, मुकेश कुमार, श्रेयस अय्यर, अर्शदीप सिंग आणि केएस भरत आणि इतर खेळाडू दुलीप ट्रॉफीमध्ये खेळताना दिसतील.  याशिवाय, इतर अनेक खेळाडू आहेत जे दुलीप ट्रॉफीद्वारे टीम इंडियामध्ये आपला दावा सांगतील. यामध्ये देवदत्त पडिक्कल, रजत पाटीदार, यश दयाल, बी साई सुदर्शन या खेळाडूंचा समावेश आहे. वर्ल्ड टेस्ट चॅम्पियनशिप (WTC) 2023-25 ​​चा भाग असलेल्या बांगलादेशविरुद्धच्या दोन सामन्यांसह भारत आपल्या कसोटी हंगामाची सुरुवात करणार आहे. पहिली कसोटी चेन्नईत तर दुसरी कसोटी कानपूरमध्ये खेळवली जाईल. भारताची शेवटची कसोटी मालिका या वर्षी इंग्लंडविरुद्ध होती, जिथे रोहित शर्माच्या नेतृत्वाखाली टीम इंडियाने मालिका 4-1 ने जिंकली होती. तेव्हापासून भारतीय खेळाडू आयपीएल आणि त्यानंतर टी-20 वर्ल्ड कपमध्ये व्यस्त होते, त्यानंतर भारताने झिम्बाब्वे आणि श्रीलंकेचा दौरा केला. दुसरीकडे, बांगलादेशचा संघ आत्मविश्वासाने भरलेला आहे कारण त्यांनी नुकतेच पाकिस्तानला त्यांच्या घरच्या मैदानावर 2-0 ने पराभूत केले आहे. पाकिस्तानला पराभूत केल्यानंतर बांगलादेश 45.83 टक्के गुणांसह WTC टेबलमध्ये चौथ्या स्थानावर पोहोचला आहे. तर भारत 68.52 टक्के गुणांसह गुणतालिकेत अव्वल आहे आणि बांगलादेशविरुद्धच्या मालिकेत आपले स्थान मजबूत करण्याच्या इराद्याने प्रवेश करेल. दोन सामन्यांच्या कसोटी मालिकेनंतर भारत आणि बांगलादेश यांच्यात 6 ते 12 ऑक्टोबर दरम्यान तीन सामन्यांची टी-20 मालिकाही खेळवली जाणार आहे. पहिला सामना 6 तारखेला धरमशाला, दुसरा 9 तारखेला दिल्लीत आणि तिसरा आणि शेवटचा T20 सामना 12 ऑक्टोबरला हैदराबादमध्ये होणार आहे. बांगलादेशनंतर, भारतीय संघ पुन्हा न्यूझीलंडचे यजमानपद भूषवणार आहे, ज्यांच्यासोबत त्यांना तीन सामन्यांची कसोटी मालिका खेळावी लागणार आहे. भारत विरुद्ध बांगलादेश कसोटी वेळापत्रक पहिली कसोटी: 19-23 सप्टेंबर, सकाळी 9.30, चेन्नई दुसरी कसोटी: 27 सप्टेंबर-1 ऑक्टोबर, सकाळी 9:30, कानपूर भारत विरुद्ध बांगलादेश T20 वेळापत्रक पहिला T20: 6 ऑक्टोबर, संध्याकाळी 7 वाजता, धर्मशाला दुसरा T20: 9 ऑक्टोबर, संध्याकाळी 7 वाजता, दिल्ली तिसरा T20: 12 ऑक्टोबर, संध्याकाळी 7 वाजता, हैदराबाद.

IND vs BAN: बांगलादेशविरुद्धच्या कसोटी मालिकेसाठी ‘या’ दिवशी टीम इंडियाची घोषणा होणार Read More »

Ravindra Jadeja : रवींद्र जडेजा इतिहास रचण्यापासून अवघ्या 6 विकेट्स दूर, महान खेळाडूंच्या क्लबमध्ये करणार प्रवेश

Leave a Comment / ताज्या बातम्या, स्पोर्ट्स /

Ravindra Jadeja : भारतीय संघासाठी रवींद्र जडेजा हा केवळ गोलंदाज नाही तर प्रत्येक विभागात एक संपूर्ण पॅकेज आहे. क्षेत्ररक्षण असो, गोलंदाजी असो की फलंदाजी, प्रत्येक क्षेत्रात त्याची पकड मजबूत आहे. त्याच्या फिरकी बॉल्समध्ये इतकी विविधता आहे की, कोणत्या प्रकारचा चेंडू येत आहे हे फलंदाजांना समजत नाही.  जडेजाची आणखी एक खासियत म्हणजे त्याचे क्षेत्ररक्षण. तो एक हुशार क्षेत्ररक्षक आहे आणि त्याने आपल्या क्षेत्ररक्षणादरम्यान अचूक लक्ष्ये मारून अनेक वेळा सामन्यांचा रंग बदलला आहे. जडेजाने केवळ गोलंदाजीतच नव्हे तर फलंदाजीतही अनेक संस्मरणीय खेळी खेळल्या आहेत. खालच्या क्रमाने येत त्याने अनेक वेळा अत्यंत कठीण परिस्थितीतही संघाला विजय मिळवून दिला आहे. 300 विकेट्सचे महत्त्व कसोटी क्रिकेटमध्ये 300 बळींचा टप्पा ओलांडणे ही एक मोठी उपलब्धी आहे आणि कोणत्याही गोलंदाजाचे स्वप्न पूर्ण होते. यावरून गोलंदाज किती अनुभवी आहे आणि त्याच्याकडे किती क्षमता आहे हे लक्षात येते. हा आकडा जडेजासाठी आणखी खास आहे कारण तो अष्टपैलू खेळाडू आहे. अष्टपैलू खेळाडूसाठी इतक्या विकेट घेणे सोपे नाही. जडेजाने 300 विकेट्स पूर्ण केल्याने भारतीय फिरकी आक्रमणाचे भवितव्यही उज्ज्वल दिसत आहे. जडेजासोबतच रविचंद्रन अश्विनही भारतीय संघासाठी महत्त्वाची भूमिका बजावत आहे. या दोन गोलंदाजांच्या जोडीने भारतीय संघाला मोठ्या सामन्यांमध्ये अनेक मोठे विजय मिळवून दिले आहेत. रवींद्र जडेजा अजूनही त्याच्या कारकिर्दीच्या शिखरावर असून आगामी काळात तो आणखी अनेक विक्रम मोडू शकतो. जडेजाचे आता 400 बळींचा टप्पा ओलांडण्याचे लक्ष्य असेल.

Ravindra Jadeja : रवींद्र जडेजा इतिहास रचण्यापासून अवघ्या 6 विकेट्स दूर, महान खेळाडूंच्या क्लबमध्ये करणार प्रवेश Read More »

IND vs NZ 2024: 332 दिवसांनंतर न्यूझीलंडविरुद्ध मैदानात दिसणार भारताचा ‘हा’ स्टार खेळाडू

Leave a Comment / ताज्या बातम्या, स्पोर्ट्स /

IND vs NZ 2024 : एकदिवसीय विश्वचषक 2023 मध्ये चमकदार कामगिरी केल्यानंतर, भारताचा स्टार गोलंदाज मोहम्मद शमी मैदानातून बाहेर आहे. दुखापतीमुळे मोहम्मद शमी आयपीएल आणि टी-20 वर्ल्ड कपसारख्या मोठ्या स्पर्धांपासून दूर राहिला. पण आता शमीच्या चाहत्यांसाठी एक आनंदाची बातमी आहे. भारतीय वेगवान गोलंदाज लवकरच मैदानात परतणार आहेत.  शमी ऑक्टोबरमध्ये न्यूझीलंडविरुद्ध मैदानात परत येऊ शकतो. शमीने शेवटचा सामना 19 नोव्हेंबर 2023 रोजी अहमदाबादमध्ये ऑस्ट्रेलियाविरुद्ध खेळला होता. ते सुमारे 332 दिवसांनी परत येऊ शकतात. देशांतर्गत क्रिकेटमध्ये शमी आपली ताकद दाखवेल बंगालचा वेगवान गोलंदाज मोहम्मद शमी सध्या बेंगळुरू येथील राष्ट्रीय क्रिकेट अकादमीत (NCA) आहे. न्यूझीलंडविरुद्धच्या कसोटी मालिकेदरम्यान तो भारतीय संघात पुनरागमन करेल अशी अपेक्षा आहे. पण त्याआधी मोहम्मद शमी बंगालसाठी स्थानिक क्रिकेटमधील पराक्रम दाखवण्यासाठी मैदानात उतरेल. त्याला 11 ऑक्टोबरपासून सुरू होणाऱ्या रणजी ट्रॉफीमध्ये भाग घ्यायचा आहे.  पीटीआयच्या म्हणण्यानुसार, प्रमुख वेगवान गोलंदाज 10 महिन्यांनंतर प्रथमच ॲक्शनमध्ये दिसणार आहे. शमी बंगालच्या उत्तर प्रदेशविरुद्धच्या पहिल्या सामन्यात किंवा बिहारविरुद्धच्या दुसऱ्या सामन्यात खेळण्याची शक्यता आहे. सुरुवातीच्या सामन्यांमध्ये शमीचा समावेश नव्हता एकदिवसीय विश्वचषक 2023 च्या पहिल्या काही सामन्यांमध्ये मोहम्मद शमीचा संघात समावेश नव्हता. मात्र बांगलादेशविरुद्ध अष्टपैलू हार्दिक पांड्याच्या घोट्याला दुखापत झाल्यानंतर त्याचा संघात समावेश करण्यात आला होता. एकदा शमीचा संघात समावेश झाल्यानंतर त्याला बाहेर सोडणे अशक्य झाले. त्याने सर्वाधिक 24 विकेट घेतल्या. मात्र, अनुभवी वेगवान गोलंदाज शमीच्या घोट्याला दुखापत झाल्याने त्याच्यावर शस्त्रक्रिया करावी लागली.  शमीने विश्वचषकानंतर शस्त्रक्रिया करण्याचा निर्णय घेतला आणि आता तो या दुखापतीतून बरा झाला असून लवकरच पुनरागमन करू शकतो. भारत-न्यूझीलंड सामना 16 ऑक्टोबरपासून सुरू होणार भारत आणि न्यूझीलंड यांच्यात तीन कसोटी सामन्यांची मालिका होणार आहे. या मालिकेतील पहिला सामना 16 ऑक्टोबरपासून बेंगळुरू येथे होणार आहे. त्याचप्रमाणे मालिकेतील दुसरा सामना 24 ऑक्टोबरपासून पुण्यात तर तिसरा आणि शेवटचा सामना 01 नोव्हेंबरपासून मुंबईत खेळवला जाणार आहे. सर्व सामने भारतीय वेळेनुसार सकाळी 9.30 पासून खेळवले जातील.

IND vs NZ 2024: 332 दिवसांनंतर न्यूझीलंडविरुद्ध मैदानात दिसणार भारताचा ‘हा’ स्टार खेळाडू Read More »